តាមស្នេហ៍ប្រុសចិត្តរឹង

Part4

[លេបពាក្យសម្តីដែលធ្លាប់និយាយ]

ភាគ៤

*Office Gemini*
Gemini កំពុងតែអង្គុយចាំសម្ភាសន៍អ្នកដែលមកដាក់ពាក្យធ្វើជាលេខារបស់ខ្លួនដោយមានជំនិតរបស់នាយម្នាក់ឈរនៅក្បែរ នាយមានឈ្មោះថា Bin

*តុកៗ*
សម្លេងគោះទ្វាក៏បានបន្លឺឡើង
"ចូលមក" នាយកម្លោះបន្លឺអនុញ្ញាតទៅអ្នកខាងក្រៅ
ភ្លាមនោះក៏មានស្រីស្រស់ម្នាក់ដើរចូលមកមើលទៅការស្លៀកពាក់របស់នាងនឹងការធ្វើខ្លួនគឺសមរម្យ នាងញញឹមតាមបែបចរិករួសរាយរបស់នាង

"ជំរាបសួរ នេះជាCVរបស់នាងខ្ញុំ" នាងក្រមុំលើកដៃសំពះដោយការគោរពឯនាយកម្លោះក៏លើកដៃសំពះតប ហើយនាងក៏ហុចCVរបស់ខ្លួនទៅអោយនាយមើលនាយកម្លោះបើកCV មើលក៏ឃើញថាការសិក្សារបស់នាងល្អ

"អ្នកនាងធ្លាប់ធ្វើការជាលេខាពីមុនទេ" នាយកម្លោះបន្លឺសួរទៅនាងព្រោះតែឃើញថាសិក្សារបស់នាងល្អ នាយក៏ចង់ដឹងថានាងធ្លាប់មានបទពិសោធន៍ធ្វើការពីមុនឬអត់

"ចា៎ មិនធ្លាប់ទេ" នាងក្រមុំញញឹមស្រាលៗតបទៅកាន់នាយកម្លោះវិញ

"អ្នកនាងអាចត្រឡប់ទៅវិញបានហើយ ខាងយើងនឹងប្រាប់ដំណឹងទៅអ្នកនាងតាមក្រោយ " Bin បន្លឺទាំងញញឹម Ning ក៏ញញឹមតបរួចក៏សំពះលារួចក៏ត្រឡប់ទៅវិញ

"Bin ជួយទៅឆុងកាហ្វេអោយខ្ញុំបន្តិច មិនយកផ្អែមទេ" នាយជាចៅហ្វាយបន្លឺទៅកាន់ជំនិត ឯនាយជំងិតក៏អោនគំនាបបន្តិចរួចក៏ដើរចេញទៅ ភ្លាមនោះក៏មានមនុស្សម្នាក់បានដើរចូលមកនាយកម្លោះមិនបានចាប់អារម្មណ៍ថាអ្នកណានោះទេ

"អញ្ជើញអង្គុយ" ដោយមិនបានមើលថាម្នាក់នោះជាអ្នកណាណាមួយខ្លួនកំពុងតែរវល់រៀបរបស់លេងដែលនាយធ្លាប់លេងជាមួយKelly

*ត្រឡប់មកអតីតកាល*
"ខ្ញុំឈ្នះហើយ លោករៀបវាឡើងវិញទៅ" Kelly បន្លឺទាំងសប្បាយចិត្ត ព្រោះតែនាយបានដក blocker ចាញ់នាងចឹងហើយនាយជាអ្នករៀបវាឡើងវិញដែលវាជាការដាក់ទោសទៅលើអ្នកចាញ់ ឯនាយកម្លោះក៏រៀបវាឡើងវិញ

"លោកដឹងទេ ពេលខ្ញុំស្មុកស្មាញរឿងអ្វីមួយដែលខ្ញុំធ្វើអោយវាបរាជ័យខ្ញុំចូលចិត្តលេងវាណាស់ ព្រោះការរៀប Blocker ឡើងវិញវាប្រៀបដូចជាការងើបឈរឡើងវិញចឹង" នៅពេលដែលនាយកំពុងតែរៀបនាងក៏និយាយទាំងញញឹមពីមូលហេតុដែលនាងចូលចិត្តលេងវាអោយនាយស្ដាប់ ចឹងហើយអោយតែពេលនាយស្មុកស្មាញគឺចូលចិត្តរៀបវា ដូចជាពេលនេះចឹងនាយស្មុកស្មាញក្នុងការធ្វើការណាស់ព្រោះតែមិនធ្លាប់មានបទពិសោធន៍ខ្លាចថាខ្លួនមិនអាចធ្វើបាន