خان الجفاء
part-1-
-صوتو ++علقو بالفقرات 🙈😂احب اقرا ارائكم 🦋🦋🦋
وهسه استمتعو 💞💞
________$$___________________$$___
-بأاحد الايام الصيفيه وبداية عاشوراء وايام عطلة الصيفيه
كعدت من صبح على ساعه ال7 على صوت امي وهيه تكعدني
-: اكعدي يلا اجه خالج بدرب
-: اي كعدت
-: وجج كومي بسرعه ماريد بيبيتج تجي من يجي خالج ما اريد يدرون بينه من نروح
-: كمت من فراشي وراحت امي تكعد اخواني البقيه كالعاده من نريد نروح لبيت خوالي كون بيبيتي ام ابوي ما تدري بينه لن تكعد تذب حجي على واحد من خوالي او تسويله تصرف مزعج بحيث اني الطفله احس متفشله منه
-: ما تريگنه كالعاده اذا نريد نروح لخوالي مستحيل نتريگ يمكن من الحماس؟ مع انو امي تلح علينه نتريگ بس لااا منأكل
-: صارت ال 8 وشفنه سيارة خالي الستاركس واكفه برا واحنه صرنه نسوي سباق منو اول واحد يروح ويسلم على خالي زياد؟؟
-: اي خالي زياد هوه الطف واحد بخوالي مع انو كلنه نحبهم بس زياد لا هيج معزته تختلف عن الكل وحبنه اله يختلف هم يمكن بسبب تصرفاته ويانه؟؟ او بسبب من نروحلهم يونسنه؟؟ او مادري
-: صعدنه غراضنه كلها بسياره بس هالمره اضعاف الغراض لن راح نلزم خط سفر مخلين فراشات وهدايا جنط ملابس هواي النه وللناس الي راح نروحلهم زياره
-: ركبنه سياره ومشينه بيها احنه ساكنين المدينه وبيت خوالي ساكنين الريف مسافه شبه بعيده مرينه السوگ نتسوگ لبيت جدي اي امي دائما اذا رحنه لبيت خوالي تتسوگ الهم كلشي من خضره وفاكهه ومشتريات من السوبر ماركت وطبعا مسافة الطريق لا تخلو من شكوى خالي لامي عن حياتهم وامي تصبر وتنطيني حلول ونصائح
-: وبعد ما خلصنه هاي الفقره وبدينه نطلع المدينه ونمشي بأماكن متقاطعه شبه صحراء نهر جاف نخيل وماشيه من ابقار واغنام تحس انو ماكو اي حياة بهاذي المناطق لن حتى النهر جاف مابي مي ولو قطره
-: اي هذا ريف الي ساكنين بي بيت جدي قربنه نوصل البيت جدي الي هوه عباره عن بيت قديم من طابق واحد تصميمه تحسه مكان هادى ودافي كل الحنان بي ساكنين بي جديتي وخالي الصغير وخالتي الصغيره ويا عائلة خالي زياد المتكونه من زوجته واولاده الاثنين عهد وحسنين اما خوالي الباقين طالعين ببيوت قريبه عليهم
-: استقبلتنه جدتي ام بكر بأحلا استقبال من فرحتها وهيه تشوفنه وترحيبها بكلاماتها(هلا هلا هلا بحبايبي) وراها خالتي ريفان ومرت خالي زياد سماهر كعدنه بحجرة بيبيتي ام بكر
ام بكر-: اجيبلكم شي تاكلو؟
بان-: لااا يمه ما نريد شي والله تونه متريگين شلونج شخبارج
أنت تقرأ
خان الجفاء
General Fictionمُقدِّمة.... حين اقوم بغلق باب غرفتي ليلا... اقوم بفتح بوابة دنياي وصراعاتي الداخليه كل يوم في الساعة 12:00 بعد منتصف الليل تبتدا من هنا حيآتي الحقيقه التي انجو منها بالاحلام والنوم من خيبتي بمن احببت ووثقة لقد كنت اشاهد نفسي أموت ببطئ وهلاك ول...
