ذهبت لـ رنا في سيارتها ..
كـ عادتي اقلب الطعام في الاناء من فرط التفكير الذي يأكل عقلي
ديما : نِهال ؟
نِهال توجد معهم كـ جسد ذهنها كان في مكان اخر..
رنا : نونه ؟ ايش فيك ؟
نِهال : ها ! مافيني شيء
ديما : انتبهتي لما نادتك نونه هههههههه ليش ماتاكلين كولي !
نِهال : اي اي باكل
نوره : تعرفون ايش فيها ؟ حبيبها ما فك القفازات لها ههههههه
ديما : ايت قفازات دقيقه ؟؟
رنا : فاتك ديما ماشفتيهم بصالة الحديد ؟ هي والمدرب
نِهال : نوره ! اي حبيب و اي خرابيط اسكتوا خلاص
ديما : لايكون تقصدون ياسر ؟ لا يابنات اول شاب يعجبني وخروا عنه عاد
نوره : شفيك انتي هذي نِهال ماتلعب الا على ثقيل !
رنا : وش تبي بمساعد مدرب تقولك ما تلعب الا على ثقيل ، صالح المدرب شخصيًا لبسها قفازات بصالة الحديد هههههههه
نِهال : بنات بليز لا تزعلوني منكم هو جاب لي القفازات لاني ماقد شلت حديد من قبل احتاج قفاز يساعدني ، لو صار الموقف مع اي لاعبه سوا نفس الشيء معاها
نوره : صح معها حق يابنات لدرجة القفازات ابد مافكتها وتمرنت فيها ساعتين زياده هههههههههه
نِهال : يا ربي بنات خلاص اشش معقوله تفكروا فيني كذا
هو مدرب لطيف و ساعدني بس
ديما : بس الغريب انه هاوش نص الاعبات بس انتي ماعمره تكلم عليك او هاوشك زينا !
رنا : بالعكس يلبسها بعد هههههههههه
نِهال : ترا بعد ياسر ذا اللي عاجبك وعيونك تصير نجمات لما تشوفينه صرخ على البنات لما سولفوا !
خلاص اسكتوا واقفلوا الموضوع مابيني وبينه شيء واساسا ايش يبي فيني انا خلونا ناكل بسرعه برجع البيت تعبانه
الحقيقه ان حديث جمانه أثر فيني ..
من سنوات وهي تنغزني بالكلام لكن هالمره مختلفه
الرجل الذي أكن له المشاعر منذ سنوات و جسدي يحمل علامات تخصه ..
صعب علي تذكر كلامها ، ماكنت اتقرب منه ولا اتلصق انا اساسا اخاف من وجوده بجانبي!
دقات قلبي تتصاعد يداي ترتجف و اشعر ببروده فائقه ، بجواره لا استطيع التحكم في مشاعري ولا احاسيسي
وصلت بيتي و رميت نفسي على الفراش غرقت بالنوم بعد تفكير طال لـ الليل بـ طوله ..
يوم جديد و تمرين جديد
في غرفة التبديل خاصتي اقف امام المرآة احاول تشجيع نفسي..
خلاص نِهال اليوم بدينا يوم جديد اللي صار امس يبقى بالماضي و امس انتهى
اضع اللاصق على وشمي خلف اذني و خاصرتي
خرجت متجهه للملعب الخارجي ..
كانت " جمانه " اول الحاضرات
تقلب شعرها و تنظر للمدرب وهو يتحدث مع ياسر بـ شأن تمارين اليوم
صُفاره يطلقها ياسر و تفاجئني !
يركض للمضمار ويتحدث بـ صوت مرتفع ..
ياسر : يلا يلا يلا يا لاعبات وراي على بداية المضمار
اصطففنا في خط واحد منتظمين
ياسر : 3 لفات ولا اشوف ولا لاعبه توقف انطلقوا !
يطلق الصفاره و خلفها صوته وهو يشجع
لم يركض معنا يمشي خلفنا مراقبةٍ لنا ، يمنع اي لاعبه من مخالفة اوامره ..
