ياسر : لو كلمت جدار كان الجدار فهم و سمع كلامي
صالح : لحالنا مافي احد معنا !
ياسر : هذي المشكله لو جا احد و شافكم ؟؟ مافكرت بايش رح يفكر ؟ ايش اللي بيجي بعقله عنكم ؟
و الكاميرات طيب !
و بعدين صالح ! صالح الشهري اخرتك مدلك للحلوات ؟؟
صالح : ياسر !! احترم نفسك ولا تخلي الشيطان يدخل بيننا !
ياسر : انا محترم نفسي بس اللي شفته ماينسكت عنه رجلها بحضنك و تدلكها و تضحك معاها ؟ وش تفسير هالشيء ؟ زوجتك و تعبانه ؟
صالح : البنت طاحت بسببي رجلها تورمت بسببي طبيعي بساعدها
ياسر : و بعد لما شلتها كانت بتطيح بسببك ؟ ليش تتكلم معاها و تقرب لها ليش تخلي فرصه يصير بينكم موقف ؟
عاجبنك ؟ تحبها ؟ كلمها و اخطبها لا تفضحنا
صالح : اي عاجبتني نِهال عاجبتني و ابي أحبها بطريقتي ابي اتعرف عليها ببطء و اتأكد انها نصفي الثاني
ياسر : صالح ! هههههههههه
وتصارحني كذا ؟ وش فايدة تتزوجها بعد ماتفضحنا و تشوه سمعتنا و سمعتها !
المجتمع مايرحم يا صالح افهمني محد بيتقبل بكره اذا طلع صور لك معها والله اعلم القادم ايش
صالح : القادم افضل يا ياسر ولا تدخل فيني، خليك واثق فيني انا مارح اسوي شيء غبي يضيعنا او شيء يضرنا
ياسر : صالح لا نخسر بعض عشان بنت وانت ادرى باللي تسويه ..
خرج ياسر غاضب بعد نقاش مليء بالتوتر و الانفعال
يحسسني اني ما اعرف اتعامل او اصلح الامور اذا خربت !
..
اشوفها من الشباك كانت تمشي بخطوات بطيئه للداخل
مستحيل تلعب اليوم ..
غبي غبي صالح ما كان له داعي تحدي الركض الغبي اذيت البنت ..
عند الساعه الخامسه عصرًا كان الجميع متواجد في النادي يتأهب للخروج لـ ملعب المباراة
ياسر : صالح الاعبات بيطلعون بالباص الاساسي وانت البس البطاقه التعريفيه بتروح معاهم
صالح : و باقي الجهاز الفني ؟
ياسر : بباص مختلف لكن المدرب لازم مع لاعبينه
بس ها لا تجلس جنبها و تفضحنا
صالح : لا لا ماتوصل هههههههههه
وضع ياسر يده على كتفي بعدما ضحكت له و تحدث ..
ياسر : صالح انا فعلًا اعزك و اخاف عليك ما اسوي كذا الا من خوفي عليك و على سمعتك
مو قصدي امنعك من انك تحب او تقضي وقت مع اشخاص تحبهم
و صراحه نِهال اختيار جيد لكن انتبه انتبه لو سمحت
صالح : ياسر انا ما ابي شيء منك غير انك تثق فيني،
انا كل خطواتي و تصرفاتي مدروسه مارح اضر نفسي ولا اضر ثنائيتنا و بيجي اليوم اللي نحقق فيه حلمنا لا تخاف من البدايات
وانا ما قربت من نِهال بالذات الا لانها مختلفه عنهم كلهم، اعرف انك ملاحظ تميزها واختلافها بين كل ال29 لاعبه الباقيات
ياسر : اختيار جيد بصراحه ههههههه ، نِهال ذكيه وجميلة ماشاءالله و شخصيتها هاديه حالها حال نفسها عكس كثير ابرزهم اللي تهاوشوا معاك عشان صالة الحديد
يلا صالح، انتبه لـ نِهالك ولا تضغط عليها رجلها مُصابه
صالح : نِهالي هههههههههه ! ابشر ابشر وانت لا تتأخر بسرعه اطلعوا ورانا
