9:30
اثناء حصة التمارين الاولى
يصفر المدرب لـ بداية المناورة اليوميه
ارتدي قميص التهويه الاصفر..
تبدأ المناوره بـ دفع شعرت به لـ يختل توازني..
التفت لـ أرى من..
المدرب صالح : لاا جمانه وش هالتصرفات
المدرب ياسر : يلا اسرع اسرع جمانه لاعب على لاعب
نكمل المناورة..
تقترب مني جمانه في اثناء اللعب..
لتتحدث بصوت منخفض
جمانه : لا تحسبين اني ماعرفت ايش سويتي بالطياره..
تدفعني لتسقطني مجددًا..
اصقع بحديثها
يدي على الأرض..
المدرب صالح : نِهال قومي يلا!
نِهال : مارح العب بهذا العنف..
المدرب ياسر : نِهال هذي مناوره تدريب فقط قومي يلا
تمد يدها نوره..
نوره : شفيها ذي تدف! هاتي يدك اقومك
ارفع جسدي من الارض..
نكمل المناورة..
عقلي مشوش حتى انتهاء المباراة
خطوات سريعه..
انزع قميص التهويه، القي به على الارض..
الى الفندق مسرعه ..
القي بجسدي على سريري..
صوت اتصال من هاتفي، اغلقه تهربًا من الاجابه..
صوت فتح الباب..
نوره : نِهال شفيك ؟ بثانيه وحده اختفيتي
و ليش جمانه تدفك؟ هالبنت متى تهجد
نِهال : لا تسأليني ..
اخذ مناشفي لأستحم..
ياسر : الظاهر فيه مشكله بين البنات
صالح : اي بنات؟
ياسر : نِهال و جمانه بالمناورة كانت تدفها
صالح : لاحظت و من انتهت المباراة اختفت نِهال
ياسر : هالشيء مو كويس بين اللاعبات مافي انسجام
صالح : المشكله ب جمانه حاول تفهمها منها
ياسر : ليش مو انت تفهم السالفه من نِهال ؟ مو انتو سوا الحين
صالح : جربت ادق عليها بس ماردت..
ياسر : زعلانه لازم تراضيها هههههههه
صالح : طبعًا قايم اراضيها الان
ياسر : لا تعال تعال امزح معك !
صالح : اساسا لازم اطلع وصلت شحنه لي
ياسر : ايش طلبت ؟
صالح : شحنت الموتور حقي من السعوديه و توه وصل
ياسر : اوف الموتور للان معاك
صالح : ايه و اسوقه مرات
ارفع شعري المبلل بالمنشفه..
ألتقط هاتفي لأرى الاتصال..
صالح.. اف
5:00 مساءًا
نرتدي ملابس التمرين للحصة المسائيه
التقي بالمدرب صالح..
امام اللاعبات في نصف الملعب
صالح : ليش مارديتي على اتصالي ؟
نِهال : بعدين نتفاهم
صالح : ايش بعدين؟ امس كنا تمام ايش صار اليوم عشان تسفهيني ؟
نِهال : ماسفهتك كنت بالشاور
صالح : مارديتي علي حتى بعد الشاور، حبيبتي اذا فيه شيء مزعلك مني تكلمي
نِهال : مو زعلانه منك و قصر صوتك لا تقولي حبيبتي بصوت عالي قدام الكل..
صالح : ممكن نتكلم مع بعض بشكل عادي بدون أوامر ؟
نِهال : حبيبي انا ما اتأمر عليك انا بس ما ابي احد يعرف..
