" الانتقام"

Part6

عمر
وعن عيناها اتحدث لا كلمه ولا حديث بأكمله يوصف جمال عيونها خجلها خوفها برودها

عشقت كلشي بيها رغم انا جنت معجب بنت خالتي بس من شفتها بذاك اليوم بيت صديقي فتر عقلي

صرت انتضر روحاتي الهم حته اشوفها بس للاسف الصار بيها وبيت خالها كسرني على كسرتها اشوفها تتعذب وتصارع الموت

بودي اروح اخذها الحضني واكلها اني وياج لاتخافين لاتبجين بس ماكو ماكدرت اشوف خالها يحضنها وشالها شيول من تابوت بيبيتها ورجعت ارتمت عل تابوت

فقدت الوعي واني ادري بكل الصار ورود سولفت بس اني جنت بره من طلعوها وضليت واكف بره لما وصل هيثم

فات اشر الورود تجي واني روحي مو يمي يم ليان تعبت على تعبها اجه هيثم يمي

هيثم.. كول يا الله عمر صبر باسل بدال متبجي ويا كون قوي وساعده

عمر.. ماريد اني روحي راحت من شفتهم شايليها وهيه جثه هامده لا ايد تحرك ولا نفس يصعد بريتها

هيثم.. ولك لاتصير هيج من يشوفوك هيج يصير حجي عليها خطيه فكر بيها لا احد من كرايبها يسمعك وتوصل السالفه الابوها

عمر.. هزيت راسي واني امسح دموعي رحت كعدت يم السياره لما رجعو مارحت للدفنه نتضرتها تجي ماعرف يمته نزرع حبها بكلبي مادري

ضليت يومين اني اشوف شلون عاكفه على نفسها ومتقبل تاكل وبس نايمه اكل بروحي اكل على حالتها

بيوم الثالث نزلت على الدرج لكيت ورود كاعده على الدرج ومتجيه ضهرها عل حايط

حمحمت نتبهت الوجودي سئلتها عن احوالهم وكالتلي على ليان كتلها بس اشوفها وكدامج احجي وياها عسى ولعل تقنع

فاتت وياي عجبتني حركتها من خلت الباب مفتوح خوفن انو احد يمر منا ويسوي مشاكل

حجيت وياها اريد تجاوب اخر شي من كتلها هسه الحجيه زعلانه منج ضلت تشهك احس سجاجين يضربن بكلبي مو شهكات اخ منها شسوت بيه

طلعت وعفتهن نتضرتهن بل ممر طلعن وليان اتابعها بعيوني هالات سود داير مداير عيونها ابتسمتلها ورحت

ضليت للسبعه مال الفاتحه واني الوب على ليان هدمت حيلي صح تشتغل بس بتعب

رحنه للمقبره ضليت اتابعها بعيوني جانت هادئه لحد ما لمحت قبر الحجيه راحت متلهفه تركض وتصيح يمهه اني ليان جيتج

مجانت تحس بنفسها شتحجي حجت كومه منها( يوم عفتيني وحدي احارب مخاوفي من السحر كومي حبيبتي لميني بحضنج ولا تعوفيني)

طكيت بوكتها عيوني دمعن عليها رفعتها من كتوفها كومتهن يقرن قرأن ورود راحت وهيه رجعت

للسياره لحكناها اني وهيثم خفت عليها تسوي بنفسها شي خزرتنه وتكول روحو شكو يمي منطيتها اهميه