ورود
ايام صعبه مرت علينه ومجيد سبوع وطلعو بس تئديب بل سجن كتئبت
تدمرت نفسيتي فدمره
خالو علي تعب وره وفات ليان جان عايش ببيت مجيد بغرفه ليان ويبجي بجي عليها واني اباوع الابوها ولا عبالك بس امها تعبت شويه
كرهت كلشي عفت كلشي وركزت على انو اصير محاميه وانتقم اليان اوكعهم بقضايه ميطلعون منها وادور على قاتلها
رغم اني تعبانه ونفسيتي متسمح اقدم كليه محاما بس قدمت وجاهدت حته انجح
عمر جان ساكن المقبره يوميه باسل يخابرني ويكول تعبني ورود متحطم علي ولج يبجي ويحجي وياها لو ينام بصف القبر ويضل يسولفلها على ايامهم لو يعتذر منها واني اضل فوك راسه اتوسل بي يرجع وياي ميقبل لما يطلع الفجر يرجع للفندق واني ارجع للبيت وبليل نفس الشي
نقهرت على حال عمر جا اني حالي اتعس منه اخاف اروح للمقبره اخاف احاجيها ومتردلي
ايامنه مرت بحزن كئيب ابويه جان ضاغط عليه حته ازوج يكول تكبرين منو ياخذج بعد واني مو يم الزواج
ريتاج تطلع يوميه بليل بدون لا احد يعرف اكثر من مره صار طلعت واني اكعد بلطابق الاخير اراقب
اخر شي كلت الحكها بس خما وحدي اخاف رحت وتصلت على باسل جاوبني صوت عمر
عمر.. ها ورود
ورود.. عمر وين باسل لعد
عمر.. نام يمي بل فندق لان تعب
ورود.. شسمه تكدر تكعده محتاجته اريده يوديني المكان
عمر.. كولي اني اجي اخذج خطيه هوه تعبان
حجيتله وكال مسافه الطريق لبست كله اسود لان من ماتت ليان ليهسه ما ذبيته اجه عمر وطلعت ويا ندور ندور بل شوارع اخر شي وصلنه متنزه وشباب هواي
نزلنه نفتر وندور جان لمحتها وياها واحد منطيني ضهره وهيه هم بس عرفت ملابسها
مشينه اني ويا هوه كدامي واني ورا امشي وصلناهم وتفاجئت وكلبي نفتحن جروحه من شفته هيثم اخخ يا وجع كلبي ويا كسرتي بهل موقف
عمر فك حلكه وكز على اسنانه قوي وريتاج حاطه مكياج طبع
عمر.. اوو هيثم شهل صدفه
هيثم.. يي والله صدفه جميله
تراجعت بخطوات مو متزنه ناسيه اني وين حجيت واني ائشر على هيثم واني حاطه ايدي الثانيه على كلبي
ورود.. اندمك ابجيك دم وعد ل ليان راحت و وما نفذت وعدها بس بس اني ماروح بدون ما انفذ وعدي وهاي خليها ترجيه بذنك
عفتهم ومشيت متوجها للسياره رحت صعدت واني احاجي نفسي ورود لا تبجين ميستاهل دموعج ورود قويه انتي راح تبجي دم
أنت تقرأ
" الانتقام"
Mystery / Thrillerحتى انت لم تصبح ملجا لي لقد خذلني الجميع لاكن خذلانك اقسا منهم
