يامكاتيب العيون وبحرها التايه

6

•
لُطفاً منكم لايك قبل لا تقرون℘
#يا_مكاتيب_العيُون_وبحرها_التايه
#يا_تواصيف_الجمال_وثامن_عجايبها
•
•
•
طلع من عنّدها وهو يقفل باب غرفتـه من برّا عليها ، دوّر بعيونه على قردها بعد ما ازال اللثام من عليه ولقاها تاركته على الكرسي المهتّز حقه ابتسم بغرابـه وهو يتأمل التغيير اللي احدثته وكيف انها غيّرت مكان الاريكـه حقّته
هز راسه بأسى وهو يسحبها ويرجعّها مكانها ، قفّل الشباك
وهو يتوجه للكنبـه ويتمدد عليها
غمّض عيُونه بإرهاق وراح في سُبات عميـق ما صحى منـه الا على نطنطات القرد فوق بطنه وحركاته
وكأنه يحاول يوقضه بشتّى الطرق
افتزع من فتح عيونه وشافه قريب منه وايدينه على صدره
سمّى بـ اسم الله وهو يتمتم بخفُوت ؛ يا الله صباح خير طلعت نشبه مثلها
استعدل وهو يبعده عنـه وينزّل رجُوله على الارض ، وسرعان ما افتزع من مكانه من تذكّر انه قفّل الباب عليها
مايبيها تفهمه بشكل سلبـي وهو سبق وعاش معها نفس الموقف
التقط الثامه واربطه عليه بإحكام
وهو يتوجه لحد باب غرفتـه ويفتحه ، ضرب عليه ضربات متتاليه وصوّت عليها ولا شعرت فيه
مما اجبره على انه يدخل ويستوعب حقيقة الوضع واسباب صمتها
كانت متمدده على السرير بالمقلوب ونايمه على بطنها ومتغطيه بإهمال
واذرعتها تتدلى برا السرير وجزء من راسها طالع من السرير
توجه لحدها وهو ينزل نفسه وينظر لها من الاسفل
ضحك بخفه على شكلها وكيف انها نايمـه
وهو يستعدل ، طلع من غرفته وهو يلتقط القرد معـه وياخذه لها
ثبته على ظهرها وحط يده على ملامحها ؛ صحّها مثل ما صحيتني يلا
وبعكس طلباته انسدح القرد بكل رقّه على ظهرها
ناظره بصدمه ونطق ؛ اء يالنذل تزعجني وهي تريحّها
قام من على ظهرها وانسدح جنبها وهو مستند على ذراعها
تحت نظرات آريان اللي يحسّ انه استفزه وكثير هالمنظـر
ونطق بإنزعاج ؛ ابعد عن سريري ما اسمح لك
جاء بيلتقطه ويبعده الا بيدها تحط على ذراعه وتمتم بنبره غاشي عليها النوم ؛ خلوني انام
حاول يسحب يده من تحت ذراعه لكن ما قدر كانت ضاغطه عليه بقوّه
مما اجبره على انه يساعد نفسه ويرفع ذراعها عنه وتنقلب بسبب فعلته وتنام على ظهرها
خلّص يده وهو يتناسى رغبته بإبعاد القرد عن سريره وهو يطلع من عندهم
كمّل القرد نومته الهنيّه بحضن بحُور واستكملت بحور نومتها وهي مو حاسه بأحد
بينما آريان اللي اغتسل ووضى وصلّى الفجر ورجع يكمّل نومته هو الاخر بعيد عنهم لكن بدون لا ينزع لثامـه خوف لا تصحى قبله وتشوف شكله
ومن مرّ على غفوته 10 دقـايق الا ببحور تستفيق من نومتها
مددت اذرعتها واستوعبت تواجد القرد عندها من فتحت عيُونها بعمق واستدركت اللي حولها
شعرت مع حركاتها ببعض الالام الطفيفه بكامل جسدها وهي تتأمل الاثر اللي احدثته بنفسها
تحسست فكّها اللي كان المـه اشد نوعا ما وهي تشعر بالعازل المحطوط بين كفّها وبشرة فكّها
ابتسمت بخفّه ؛ اكيد هو اللي داوانـي
استندت على كتفها وهي تسحب القرد لحضنها مسحت على كفه الصغيره وهي تتأمله وتمتمت بهمس ؛ مابعد سميتك احتاج افكر لك بإسم يزهى تواصيفك
تركت يده وقامت من عنده وطلعت وشافت اريان اللي متمدد على الكنبـه ونايم
وكان بدون اي شي يغطيـه ، رجعت لغرفته والتقطت المفرش اللي كان معطيه لها آمس
وهي ترجع له وتغطيّه فيـه ، تركته وراحت تغتسـل وتصلّي فرضها
خلّصت وهي تتمشي بوسط بيته وتتعرف على تفاصيـله
خلصت وتوجهت للمطبخ الصغيـر اللي بالزاويـه ، تأملت الاغراض الموجوده فيـه
وهي تفتح الثلاجـه ، ابتسمت من لقت اللي تبيـه بداخلها
التقطته مُباشره وهي تلتقط معه 4 حباب بيـض
فرغت البيض بصحن عميق وهي تحط فيه رشة ملح مع بعض الخضروات اللي لقتها مقطعه وجاهزه
مزجتهم مع بعض وتركته على جنب بعد ما اضافت قدر بسيط من القرفه لحُبها الشديد لإضافتها مع اي اكله تفضّلها
دورت على مقلاه بأحد الادراج وابتسمت من حصّلتها وهي تطلعها
شطفتها بشكل سريـع وهي تحطها على الفُرن وتشغل النار تحتها لين جف الماء
سكبت قدر صغير من الزيت واول ما احتمـى سكبت جزء من البيض عليه
اول ما نضج البيض اخذت ملعقه ولفتها بشكل تدريجي على شكل رولات
وهي تسحبها لبداية الصينيه
ومن ثم رجعت وسكبت قليل من البيض واول ما نضج لفتها لاخر الصينيه وسحبتها لبداية الصينيه
وكملت وعادت ذات الخطوات لين خلّص البيض
واول ما نضجت اكلتها قطعتها لقطع متساويـه
طلعّت صحنين تقديم وشوك ثنتين وحطت ذات الكميه بكل الصحنين
واضافت للتزيين خسّ ، وثلاث حبات زيتون ، وشريحتين مرتديلا
جهزّت الشاي ومعه كاستين، وحطت الفطُور على الطاولـه
توجهّت لحده وهي تصحيـه بهدُوء ؛ الملثّم الملثّم الملثّم
صحـى فيها وهو يناظرها وهي تنهي غرابته من نطقت ؛ الفطور جاهز قوم صل وافطر
نطق بهمس ؛ يا الله صباح خير من وين شارقه الشمـس؟ وين اسلوب الجلافه اللي عاملتيني فيه امس !
اشرت على اللصقه اللي جرحها ؛ مو لخاطر عيونك ولا لاني تغيرت بس رد جميل على مداواتك لي
ويلا عجل والا اكلت كامل الفطور عنك
كان بيقول بالعافيه عليك لكن تراجع من شاف الطاوله والتقديم وكيف كان يشهـي وهو يفز من مكانه
اغتسل وفرش اسنانـه ورجع لها وكانت جالسه وتأكل
صب له شاهي واخذ البياله وصحن الفطور معـه تحت غرابتها ونطقها ؛ ترا ما حنا وحوش نأكل؟ اجلس كل معنا
اشر على قردها اللي جالس يأكل ؛ يكفيك صحبتك معـه ، غرفتي تضفني انا وفطوري
توها تستوعب حقيقة الأمر من شافت اللثام اللي باقي عليـه وهي تتساءل ؛ وش فيه وجهك عشان ما تظهره ، ليكون شين وخايف ما عندك جرأه على اظهاره
مع اني اشك لان نصف الجمال بالعيون وعيونك ما شاء الله ياساتر بس
تبسّم ثغره واللي كان قبل لحظات معصّب من كلامه وكان بيثور عليها لولا المدح اللي مدحته لعيونه
نطق بثقه تامه ؛ ما اسمح بشوف وجهي الا للي يستحقـه ، ووسامتـي اخاف تأثر عليك فراحمك انا لا يختل كل عرق بوسط قلبك بأسبابي وماعاد تدركين نفسك
ابتعلت ريقها وهي تبتسم بعبط ؛ صدقتك انا عاد روح الله يستر عليك وخل غرفتك على قولتك تضفك ، انا وصويحبي ما نحب الغرباء معنا
استفزه كلامها لكن ما اهتم لان الجوع تمّكن منه ويبي ياكل دخل لغرفته وقفّل الباب
حط الطبق والشوكه وبيالة الشاهي على طاولته وهو ينزع الثامه ويبدا بأكل فطوره واللي لا شك انه استلذ فيه وجداً