يوم جديد
الكل ب المجلس كالعاده فجاء الجد قال كلام الصدمه بانت ع الكل والكل خايف
الجد: انا قررت قرار مابي اي اعتراض
الكل: ابشر، اسلم، سم ،
الجد: امم فكرت ان ازوجكم لان والله مدري متى يومي وابي اشوف عيالكم وزوجاتكم متتدرون والان تركي وسلطان فقط اللي تزوجو قررت ازوج العيال
ابو سلطان: يبوي انت ماله داعي خلهم هم يختارون
الجد: لالا الان بقول لكم سعود وفارس وخلف بزوجهم
خلف: لااا يبه مأسست حياتي تكفى تكفى ( للمعلوميه هم بعض الاحيان يقلون يبه)
الجد: انت اول واحد
سلطان وهو كاتم ضحكته: حمدالله اناا تزوجت برضايي قايل لكم تزوجو ترا جدي واعرفه بس انتو مطعتو الطيبين يوم انصحوكم( مدري كذا ولالا بس ماعلينا)
الجد: اقول اسكت ترا امس مملك
سلطان: سم
للمعلوميه ترا كلهم جالسين بنات وعيال بس البنات متغطيمن
الجد: خلف بزوجه وطن وفارس ديما وسعود وتين
وتين: لالا يبه انا شدخلني حولت علي كذا الله يسعدك لا
سعود وهو متوترررر: اقول يبه بكره بنروح للسوق
الجد: لاتغير الموضوع وانت للوتين
فارس: يسعدلي امك واالله والله م اجننك وادعيلك تعرف توي بزر يعني لاتزوجني
ديما: جدي حبيبي تكفى مو وقت زواج خلنا ب الاول نخلص من زواج نجد والهنوف بعدين يصير خير
الجد: قلت لكم متتعرضون وبكره بجيب الماؤذن
الكل سكت وش يقلون يعني طلعو الحربم مابقا الا رجال
الجد: دام بقى شهر ع زواج تركي وسلطان خلاص هم مع بعض وفارس وخلف بعده ب اسبوع
ام سعود: يبه انا بخلي زواج ولدي لحال عشان يصير زين ولا اقول خل كلواحد لحاله
الجد: كيفكم سعود بس اللي قلت يصير
ذياب بهمس ل ذيب: حمدالله م زوجني
الجد: اي وذياب بعد بزوجه وذيب والباقي وانا اقول بزوج ذياب هيام
ذياب: يبه توي جاي خلني بتعرف شوي شوي
علي: القم اجل حمدالله م زوجني
ابو نايف: اقول يبه ابو محمد خوي سلطان يقول بنجيكم اليوم المغرب
الجد: حياهم الله
عند البنات....
هيام: قسم بالله سمعت سيرت الزواج انخرشت عبالي بيزوجني واحدن مابيه
نجد: هديها ترا بيزوجتس
وتين: يويلي ويلاه انا وسعود لالا
هيام: حرام عليتس اخوي يجنن ترا قسم بالله م في احن والطيب منه وبعدين قسم بالله بيصير التناسق فل الفل
وتين: اقول اسكتي بس
قطع عليهم صوت سلطان وهو ينادي: نجد ينجد
جودي رفست نجد: اقول روحي له
نجد: اقول بس خير عسى ماشر انتي روحي اخوتس
سلطان: يولد
مها: اخلصي يبنت
نجد راحت
تالين: بنات م اصدق ديما وفارس قسم لايقين
ديما: قسم ي تالينوه انتس تندمين ع كلامنس ذا
الهنوف: يويلي ويلاهه تهدد ذي
عند سلطان ونجد
نجد جت وتخصرت: خير جاي يالله متخلي الواحد يسولف مع البنات!!!!
سلطان: لا يشيخه اجل انادي الجني
نجد: لا ناد جودي جود
سلطان: مو انتي زوجتي؟
نجد: بسم الله امس ملكنا
سلطان: امس اليوم بكره قبل دقيقه معلي اهم شي انكتبتي نجد حرم سلطان بن نايف ولا؟
نجد: يليل تمام شتبي؟
سلطان: ابيتس( وغمز)
نجد بجديه: سلطان بلا بيايخه شتبي؟
سلطان: خلاص خلاص وراح ولا حتى انتظر يسمع منها رد وكذالك نجد راحت
