في قبضة الوجعَار

بارت 43

"في قبضة الوجعَار"

بـقلمي: فـاطمة الاسدي

لنكُن أنا وانتَ أيديان لا يفرقُنا فلان وعلان .

لا تنسون التصويت ومتابعة الحساب والتعليق ؏ كل فقرة فضلًا♥️
———————
سمعت صوت طلق دوا الارجاء نزيت وخليت ايدي ؏ گلبي وركضت بره وجان اوكف مصدومة يبسن رجليه من شفت الباب مفتوح ومنتظر واكع ؏ الارض والدم ماليه....

حسيت بروحي تطلع ودگات كلبي تنخفض.. وعيوني تدمع،فورًا ارتعش فمي لا اكدر اتحرك رجليه يابسه ولا اكدر اروحله بقيت واكفه بمكاني..

جسد بَـس اما عن روحي ما احس بيها غير تطلع وتفارق جسدي ويه روح حبيبي ؏ البطيئ..

بلعت ريك وبـ علي يابو الحسن كدرت اتحرك كم خطوة بأتجاهه واهمس بـ اسمه بصوت مخنوك.. امشي واتقرب من جسده المطروح واندعي بگلبي مابيه شي

تمثيل يكون او جرح بسيط بَـس مو كُلشي احيانًا نتمناه يتحقق وصلت يمه وچان اشوف الدم يصب من بطنه وهوَ ولا حس!..

ماكدرت اسيطر ؏ روحي وانهديت ابچي واعيط شهرت البيت بالعياط والبچي نزلت جميلة ؏ اثر صوتي مرعوبة شافت المنظر اوكعت مغمي عليها..

حرت بيهم همَ الثنين وما ادري شسوي كمت اللطم واصيح ركض جريت شالي حطيته ؏ راسي شلون ما چان وطلعت للجيران..

گسرررت البااب عليهم ادُگه بكُل قوتي طلع رجالهم ومرته وراه كبل وكعت ؏ رجليها اشهك

-مريم: خااالة خالة الله يستر عليج رجلي صوبوا.. اهئ اوكع لا نفس ولا حس الله يخليكم ساعدوني خلي نتلاحك عليه لا يموتتت ما اكدر بدونه

-المرة: يمه ستيرو بالله كومي خالة كومي جاييج كُلشي ماكو ان شاءالله

-الرجال: مهنددد السسيااارة شغلهه

-مريم: الله يخليكم الله يستر عليكم فدوه راح يموت استعجلوا بسررعة مااكدر بدوننه

ركض الرجال نحو بيتنه گمت لحكته اركض وراه بالطريق اعثر واوكع واكوم بسرعة دخل الرجال يشيله وابنه ويا واني ابچي واصيح حتى جميلة نسيتها واكعة بالحوش وبدون حجاب من الضيم والخوف..

ركضت رحت جبت تلفونه وتلفوني ومفتاح البيت وجوزدانه لكيتهم شايلينه وبَـس دمه باقي ؏ الكاع، رحت احاول اكعُد بجميلة كعدت مصدومة متحجي شي بس عيونها تكت كُل عشر دموع سوه

لبست الجُبة وهيَ ورايه وطلعنا صعدنا وياهم بالسيارة ويمشون سريع واني ابجي بصوت عالي واندعي