في قبضة الوجعَار

بارت 44

"في قبضة الوجعَار"

بـقلمي: فـاطمة الاسدي

اذا تلكه اليحبك مثلي عاتبني
انه احبك لو يشتلونك كزازه بمجرى دمي
-#ذياب_كزار

لا تنسون التصويت ومتابعة الحساب والتعليق ؏ كل فقرة فضلًا✨
————————
معليه ما اخلي چواهر توكع بفخهم وتصير ضحية رحت وكفت بوسط المكان توجهت عيونهم عليه باوعت ليامان الي مبتسم بخفة ولچواهر الفرحانة راح تدمر فرحتهم بَـس لازم وبدون سابق انذار گلت كدام الكُل بعلوو صوتي....

-ملكوت: طفوا الاغااانييي وكفوووا هااي الحنة

سكتوا كُلهم يباوعولي والاغاني مستمرة شي سمعني وشي ماسمع، مسكتت رجعت صحت بصوت اعلى..

-مدا تسمعووننن شكول طفوااا الاغاااانييييي!!

اشروا لجِنار تطفي الاغاني، انطفت الاغاني وتوجه نظر الكُل حولي نزلت دموعي فورًا من قهري ؏ چواهر درت ليامان الي كال

-يامان: ملكوت شصاير؟

-ملكوت: يامان هذا العرس لازم يتو...

-ام العريس: تعالي حبيبتي يصير احجي وياج؟

سكتت ودرت بسرعة باوعتلها بحقد هزيت راسي بالنفي بعدني محاجية وهيَ تقربت لزمت ايدي وجرتني و؏ وجهه مرسومة الابتسامة الكاذبة..

-ام العريس: تعالي تعالي كلامها ويايه كملوا اجواء الفرح حبايب

كرصت خد جوهرة بلطافة وكملت تسحبني انخرست ومكدرت احجي شي اخذتني للمطبخ دخلتني وسدت الباب ودارتلي قبل لتحجي دفعتها وحاولت افتح الباب بس وكفت كدامي تمنعني..

-ملكوت: وخرييي عبالچ اسكُتت ماعندكم مستحة ولا خوف من الله!!

-ام العريس: اهدأي بَـس احجي وياج

-ملكوت: شتحجين ويايه؟ ؏ شنو؟؟ انتو سويتوا خطأ لا يغتفر تردين تخدعيني متكدرين مستحيل اسكُت افضحكم فضيحة والله

-ام العريس: شلون تفضحينه عندج دليل؟ لا مو

-ملكوت: عندي عنددي معليج عبالج اخليكم تضحكون علينه وخررييي

-ام العريس: جنت اعرف انتِ موجودة واني تعمدت اكذب واحجي هيجي يم زوجة عمكم!!

هدأت ووكفت مستغربة بَـس مصدكتهه رجعت كملت..

-اني كلت هيج كدام زوجة عمكم حتى اسكتها شايفة بحياتي هوايه ناس مثلها واعرف عدل شنو احجي لو ما احب جوهرة جنت اختاريتهه زوجة لأبني وهيَ مو زينة؟ ولو جنت حاجية صدك جنت طعنت بأبني؟ برأيج اكو ام تنطي بأبنها