في قبضة الوجعَار

بارت 25

"في قبضة الوجعَار"

بـقلمي: فـاطمة الاسدي

فكُن بقربي إن الروح هائمةٌ
رُغم الهموم إذا لاقتكَ تبتسمُ.

لا تنسون التصويت ومتابعة الحساب والتعليق ؏ كل فقرة فضلًا♥️
—————————
بس ماكو ابوي انتهى كبل دخل بدل وطلع يركض ركضت وراه طلعت وياريته ما اجه هذا اليوم وطلعت وراه وشفت وسمعت شي ما انساه طول عمري من بشاعته...

-مريم: شصصاارر؟؟

-ابوي دعمته سياره رفعته وشمرته ؏ الرصيف كسرته تكسر لدرجة بساعتها وكف كلبه وطلعت روحه ومات..

شهكت وكممت حلكي بـ اديه نزلن دموعي من رفع راسه وكال بنبرة تقهر..

-منتظر: مات وعافنه وامي لحكته يتموني من صغري مريم مشتاقلهم ثنينهم..

ظليت ساكتة اباوعله وابچي..

-شفته بعيني شلون الدم مثل النافورة ينزل منه صغير بس ركضتله وبتشيرتي امسح الدم من ؏ وجهه

-سوووده علليييه

-گمت ارچف وركضت لأمي ابجي بلغتها تخبلت شمرت حجابها ؏ راسها وطلعت بدون عبايه تركض ركضت وراها ولكينه ناس مأجرين تكسي وشايلينه صعدوه وصعدت امي بصفه وصعدتني وياهاا حطت راس ابوي بحضنها واني حطيت رجليه بحضني

وصلنا ونزلنا اخذوه منا بسرعه ظلينه ننتظر هناك ونبجي امي كالت اندعي انتَ صغير يستجاب دُعائك وفعلًا بديت اندعي وارچف

ما طول الدكتور وطلع وگال الله ينطيكم الصبر امي تخبلت شالت روحها وركعتها بالكاع طلعوا ابوي يجرونه بسرير تقربت ايديه ترعش ولزمت ايده لكيتها بااااردة الى ابعد حدد..

اخذوه وامي نستني وركضت وراه بقيت واكف ابجي وانتظر امي ترجع وي ما اني موجود اجو ثنين يمشون بالممر ويسولفون چانوا لابسين زي رسمي وساعات وريحة عطرهم الفخم وصلتني مبينين اصحاب اعناق سمينة واكابر

وكفوا يم الغرفة الجان بيها ابويه ومن حديثهم سمعت..

-استااذي هااي الغرفة الجان بيها

-امم،كتلي شوكت مات؟

-قبل ساعه دعمته سياره

-وين جان رايح؟

-ما ادري بس طلع من بيته يركض

-فهمت الله يرحمه زين العابدين كان موظف جيد

-اي وهسه شنسوي أستاذي؟

-خلينه نروح

-مو ردت تشوف زوجته؟