[ Unicode ]
-----------------" ဦးလေးမြင့်သူ ဆိုင့်ကိုရိုက်တယ်ဆို "
အိမ်နောက်ဖေးကမန်ကျည်းပင်အောက်မှာတစ်ယောက်တည်းထိုင်နေတုန်း အလောသုံးဆယ်နိုင်တဲ့အသံကြောင့်မော့အကြည့် နက်ရိူင်းရဲ့စိုးရိမ်ပူပန်သွားသောမျက်ဝန်းတစ်စုံနဲ့တေ့တေ့ဆိုင်ဆိုင်ဆုံမိသည် ။
မျက်လုံးထောင့်စွန်းတွေကိုကမန်းကတန်းပွတ်သုတ်လိုက်တာတောင်မမှီတော့ပါ ။
တစ်ယောက်သောသူက မို့အစ်နေတဲ့ကျွန်တော့်မျက်လုံးတွေကိုမြင်ပြီးသွားပြီလေ ။
" အရမ်းနာနေလား … ပြပါအုံး "
" ရတယ် ဘာမှမဖြစ်ဘူး "
လက်ကိုခပ်တင်းတင်းပိုက်ရင်းပြန်ဖြေတော့ အလိုမကျစွာမျက်မှောင်ကြုံ့သွားပြီးဇိုးခနဲဇက်ခနဲ သက်ဆိုင်သူရဲ့ညာဘက်လက်ဖျံကိုသူ့အားဖြင့်လှမ်းဆွဲသည် ။
" အာ့ ဘာလုပ်တာလဲ "
" ဘာကိုဘာမှမဖြစ်ရမှာလဲ … ဒီအရှိူးရာတွေမတွေ့ရအောင် ငါကကန်းနေတဲ့သူမှမဟုတ်တာ "
လက်မောင်းနားတစ်ဝိုက်ကအနီရောင်အဆင်းကြောင်း ၂ ခုကိုလက်ညိုးထိုးပြပြီးစိတ်တိုနေသူကြောင့် ပြန်စောဒကတက်ဖို့တောင်မရဲတော့ ။ ကျွန်တော့်ဒဏ်ရာတွေကိုယူကြုံးမရသလိုငေးကြည့်နေတဲ့သူ့မျက်နှာကိုမြင်ရလေ သက်ဆိုင်အတွက်ပိုပြီးငိုချင်ရက်လက်တို့ဖြစ်လေပါပဲ ။
" ဒီအသက်ရွယ်ပဲရောက်နေပြီ … ကိုယ့်သားကိုယ်အဲ့လောက်ထိရိုက်နှက်ဆုံးမဖို့မှမလိုတာ … စကားနဲ့ပဲပြောပေါ့ ဘာလို့လက်ပါရတာလဲ … ဦးလေးမြင့်သူလုပ်ပုံကမဟုတ်သေးပါဘူးကွာ … ကြားလို့တောင်မကောင်းဘူး "
" အဖေအရမ်းစိတ်ဆိုးသွားလို့ပါ … ပုံမှန်ဆို ငါတို့မောင်နှမကိုအဲ့လိုမလုပ်တတ်ပါဘူး … ငယ်ငယ်တုန်းကပဲစကားနားမထောင်ရင်သာရိုက်တာ "
" အခု ဆိုင်ကစိတ်ဆိုးအောင်ဘာလုပ်မိလို့လဲ ဟမ် … ကိုယ့်သဘောထားအမှန်ကိုပြောပြတာ အပြစ်ပေးစရာလား … အပြစ်တင်ရမဲ့ကိစ္စလား "
" မိဘတစ်ယောက်အနေနဲ့ဆိုအပြစ်တင်မှာပေါ့နက်ရိူင်းရယ် … စိတ်လည်းစိတ်ဆိုးချင်စရာပဲလေ … ငါမိန်းကလေးတွေကိုမကြိုက်ပါဘူးလို့ဝန်ခံလိုက်တာက ငါ့အဖေအတွက်တော့လုံးဝထင်မထားတဲ့အရာကိုး "
YOU ARE READING
ဝေး ( ongoing ) ေဝး
Romance[ Unicode ] ----------------- အလွမ်းရယ်မပြယ် အချစ်ကဘယ်ဆီဝယ် ဆုံမှတ်တွေလွဲဖယ် ကျီစယ်တဲ့ကြမ္မာငယ် ချစ်ပါလျှက်ဝေးစေတယ် [ Zawgyi ] ---------------- အလြမ္းရယ္မျပယ္ အခ်စ္ကဘယ္ဆီဝယ္ ဆံုမွတ္ေတြလြဲဖယ္ က်ီစယ္တဲ႕ႀကမၼာငယ္ ခ်စ္ပါလွ်က္ေဝးေစတယ္ Moon ( Owncreation...