للكاتبه ديلام الاسدي💛✨
"حقيقة أن الحياة تستمر بطريقة أو بأخرى، وأن المرء يعتاد على كل شيء، هي أكثر الأشياء روعة والأكثر فظاعة."
قَمراء : مشيت متفشله للمطبخ
لكيت خاله مياسين وكارمن يغسلن المواعين
قمراء: خاله روحي يم امي اني اكمل وي كارمنما قبلت بالبدايه بس بعدين راحت
وكفت يم كارمن اغسل وياهاكارمن: ولج شبيج خدودج حينفجرن دم
قَمراء : والله متت خجل هسه هذا هم موقف يصير وياي من اول يوم
كارمن : شبيج عادي والله اصلا ارقم سبورتي عادي
قَمراء : منو ارقم
كارمن: هو اخوي الي اندعمتي بيه
قَمراء : هاا
كارمن : اي جان بالدوام توه اجه
بقينه نغسل ونسولف عرفت هم ست ولد اكبر واحد مثاب ضابط واصغر منه ارقم مهندس نفط
والثالث مرحله ثانيه كلية العلوم
والبقيه بعدهم بالمدرسه
خلصنه غسل كعدنه شويه انطيتهه رقمي واخذت رقمهه
رجعت للصاله ما لكيت اريجقَمراء : ماما وين اريج
قطوف: راحت للبيت
قَمراء : هاا ماما راح اروح وراها
قطوف :براحتج ماما
طلعت من البيت وصلت للحديقه وجان انصدم من الشي الي شفته
شاب ضخم لازم اريج ولازكهه عليهقَمراء : هاي شنووووو
بس شافني فز بسرعه وخر عنها تقدمت سحبت اريج من ايدها خليتهه يمي
وبديت دك رزايل بيهقمراء: هاي شنو ما تستحي لازم الابنيه هيج ماعندك تربيه هاي بدايتها شحال تاليها
واحجي واصيح بيه
مثاب: هي حراميه بس شافتني شردت ما ادري شنو اخذت
اريج تبجي والدموع شلالات
قَمراء : شنو حراميه هذا شكل حراميه اختي اشرف منك ما تبوك
مثاب: العفو بس انتن منوقَمراء : احنه جيرانكم عيني
بينما احنه نتعارك واني الساني شطوله
اجه ارقم يركض الضاهر طالع لبرا وسامع صوتنهارقم :شبيكم شكو شنو صوتكم طالع مثاب شوكت اجيت
جاوبه مثاب ع گد السؤال وروحه بخشمه امبين
قَمراء : الافندي لكيته حاصر اختي و ما يقبل يهدها
بداخلي متت ضحك ما لكيت غير كلمة حاصرها امداني
ارقم :هاي شنو مثاب ما يسوي هيج
قَمراء : شنو مُثاب ما يسوي هيج يعني جاي اتبلى عليه اكلك هذا الي شفته وهذا اخوك واسأله