للكاتبه ديلام💛✨
يَفوز ذوي النية الطَيبة في النهايِّات،
مَهما تَعددت خَساراتهم" 🤍
"اريج"
عفت اهلي يقنعون بقمراء ويستفسرون منها وخذت جنطتي وطلعت
حت لكارمن لأن قمراء ماداوم اليوم متگدر اول مادخلت للمطبخ شفت ارقم ومثاب گاعدين ع الطاوله
اريج:-صباح الخير
ردوا علي ومثاب گام يشرب مي باوعت اجت كارمن
كارمن:- هاا اروجه ترحين ويانه
اريج:- ايي قمراء تعبانه ماتگدر تروح
ارقم گبل رفع راسه يباوع بيه توتر كلش خله اصابعه ع عيونه يفرك بيهن ورجع يباوع بيه گبل خزرته مثاب شافني ضحك وضرب ارقم ع كتفه
مثاب :-ههههههه شمسوي من مصيبه ولك
ارقم :-مثاب مالي خلگ تفاهتك وخر عني هاك السويج انتَ وصلهن اني رايح انام من البارحه عيوني ماضايگه النوم
مثاب :-روح روح هي واضحه اكو سالفه وراكم
كارمن:- مثاب شنو الموضوع شبيه ارقم
مثاب:- مادري مو ع بعضه طلعن يلا خلي اوصلجن
صعدنه بالسياره واني الطريق كله اراجع لان عندي امتحان واليوم الصبح التهيت وي قمراء ماگدرت اراجع وصلنه للمدرسه نزلت ورگعت الباب حييييل
تعديت من يم الجامه مالته
مثاب :-تسدي هيج عود حتى تنرفزيني هههههه بس ترا سيارة ارقم هاي
اريج :-اول شي ماجاي اذكر عندي مشكله وياك حتى انرفزك وثاني شي هو لأن اعرف بيها سيارة ارقم سويت هيج
مثاب :-مشيي الزرگه
اريج :-ولي الفاهي اننن
مديت لساني ومشيت كارمن واگفه بنص الطريق ومنتضرتنه
كارمن:- هههههههه شنو هالحركات ولچ
اريج :-خيولي ماعبالك ضابط شكبره شعرضه حاط دوبه دوبي
كارمن :-ولچ هو هيج طبعه وتصرفاته مثاب تخيلي حتى وي ماما وبابا
اريج:- ايي امبين
كارمن:- اممم هي بالبداية عرك انوب يتحول حُب
اريج :-شنو هي
كارمن :-اريج لتستغبين والله اني متأكده حيصير بينچ وبين مثاب شي
اريج:- يمه اني ومثاب ديج و واوي يمعوده ولا نرهم اشاقه وياچ من اگلچ اخطبه ومدري شنو
كارمن :-بالعكس تخبلون سوه
اريج :-كافي كافي طالبة سادس ترا اني ويني وين هالسوالف
كارمن :-ههههههه صدگ خلي نكمل هالورطه هاي وبعدين نفكر بالحٌب
اريج :-الله كريم
