للكاتبه ديلام💛✨
هَتفضل الحاجات إلي ربّنا بيبعتها أحسن
بكتير مِن إلي إحنا كان نَفسِنا فيها .
"اريج"
حسيت ع قمراء تگعد بيه بهمس واني ماگدر اگوم لأن ماشابعانه نوم حجيت بنعاس
اريج:-بيش الساعه
قمراء :-بالخمسه
اريج:- وين رايحين لسامراء هو هذا بيتنا
قمراء:- وچ قبل ليگعدون خلي نمشي حتى محد يشوفنه
اريج:- هاا اذكرت يلا امشي
گمت گومه امشي من النعاس اطوطح منا ومنا وهي ولا يمها باوعت ع كارمن نايمه
اريج:- شوفي شحلاتها وهي نايمه ملاك مو نفسچ كفشتچ تخرع
قمراء:- والعباس بالبيت اعلمچ
ضحكت بهمس ومشينه نتسحب بسكته وصلنا للبيت بـ باب المطبخ وگفت وسألتها
-اگلچ انتِ مانايمه البارحه
توترت من سؤالي بقت ماتباوع بيه وتحجي
-لا نمت بس مو زين لأن مو بمكاني مارتاحيت
ماصدگتها بس غلست
اريج:-رايحه لبيتي اني اكمل نومتي لأن هناا الصبح تصير هوسه من عمامي يردون يرحون واذا تردين تعالي وياي
قمراء لا ماگدر اريد اساعد ماما الصبح راح اصلي واناملي شوي انتِ همين صلي مادام گاعدين
اريج:-تمام راح اتوضه واصلي هناك
توضيت ومشيت رحت صليت و كملت نومتي
گعدت باوعت للفون الساعه بالعشره ونص گمت طلعت غسلت من حنفيات السگي حتى اصحصح
مشيت للبيت تعديت الشجر واريد ادخل لحديقتنه امشي واباوع برجلي متروسات طين طمست بالطينه لأن الگاع نصها طين من المطر
امشي ونردمت بجسم رفعت عيوني وشفته مبتسم
مؤمل:- صباح الخير
اريج :-اهلاا مؤمل صباح النور
مؤمل :-شونچ اروجه
اريج:- الحمد الله زينه كلش انت شونك
مؤمل :-هسه صرت زين
دنگت خجلانه ماعرفت شنو ارد
مؤمل:- عيونچ هنَ هيج ساحلاتني مو انوب الشمس صاده بيهن
رفعت راسي مصدومه مؤمل هاي اول مره يكون هيج جريئ وياي بكلامه توني اريد ارد عليه واجه من وراي
مثاب نار الدخان يطلع من اذاناته واضح سمع كلام مؤمل
گلت هلاوو كملت
صارت نفس الافلام بس يلا مثاب ولا واحد من اهلي
حجه وهو عاگد حواجبه
مثاب:- صباح الخير
مؤمل :-صباح النور
رد وهو مبتسم عبالك كيف من مثاب شافنه سوه
باوع بيه مثاب خزرني ومشه طلع من البيت خليت ورحت للحنفيه البرا اغسل برجلي وادردم بهمس لأن كلش ضجت هسه شيفكر عني مثاب هاي ثاني مره يربيي
