ليت احلامنا تخاوي القدر وتحقق امانينا...

البارت_39

رسلت مسج له بعد ما خذت رقمه من مذكره الأرقام الي بالبيت ووقفت تنتظره وهي لافه شالها حول ذراعها من البرد ...

بالديون عند الرجال جاه مسج من رقم غريب يطلبه يطلع لخلف الحوش عقد حواجبه بستغراب ومين يمكن يبيه بهالوقت وقف وهو يستاذن يطلع وطلع لها....

عقد حواجبه وهو يشوف بنت واقفه قريب للباب قرب لها وعرفها ..

ياسر: اوه ريما بكلها تطلبني غريبه

ريما بسخريه: هئ العكس صحيح ..وابتسمت ..ما توقعت ولو بواحد بالميه انك تدوس كرامتك للمره الثانيه وتطلبني من جدي وش تحسب ان يمكن اوافق عليك ما ظنيتك خبل لهالدرجه

ياسر وعيونه تنقط شرر: غصب عنك توافقين ولا عاجبك البلبله بالجامعه

ريما تبي تقهره: ايه وأنت شدخلك فيني مو معقول لهدرجه تخاف علي وتهتم فيني

ياسر تقدم لها وما بقى فاصل بينهم وهو وجهه بوجها وبغضب: ميين انتي عشان اخاف عليك أو اهتم فيك واصلا كل الي اسويه بس لجل سمعت عائلتنا لاني ادري فيك تبين سمعتنا بكل لسان

ريما: وش تقصد اني عوباء وأنا اصلا مربايه احسن منك ولا ناسي عمايلك قبل

ياسر وهو يصغر عيونه وبتشكيك: ليكون تحبين هالفيصل

ريما بابتسامة: ايييه احبه وش عليك أنت

ياسر وكل الشياطين تجمعت براسه من كلمتها: يعني الي كنت أفكر فيه صدقق كنتي من جد تحبيه بس تنكرين

ريما: كيفي وبعد سؤال انتت شدخلكك ابفهم وش عليك مني شوفف عيال اعمامي ولا احد يعرف عن هواء داري وأنت ناشب لي بكل مكان وش تبي بالضبط

ياسر ناظره بنظره: أبيك انتي انتتتي يا ريما

ريما بستهزاء : تخسي وتعقب تاخذني يا ولد مشعل

ياسر: بنشوف يابنت عبدالله

ريما تنهدت وناظرته بحقد ومدت اصبعها له بتهديد: لا يكثر هرجك الحين واسمعني عدل تسحب كلامك من عند جدي والله والي رفع السموات والأرض لافضحك بكل شي سويته تراني ساكته بمزاجي عنك ولا كنت زمان فضحتك قدامهم

لفت تمشي عنه وهو يطالعه بقهر رجع لديون وقعد يطالع فهد بحقد ...

عبدالعزيز: بسم الله

راشد: شفيك

عبدالعزيز اشر لياسر الي دخل ويناظر لفهد بنظرات قويه..

فهد ناظره: شفيك تناظرني كذا كاني ماكل حلالك

ياسر بحده: اسكت احسن لك لقوم اطلع حرتي فيك

عبدالعزيز بستغراب: وليه وش صاير

فهد : ما ادري ما سويت شي

ياسر بعد ما انهاء فهد جملته هجم عليه وقعد مطيحه بالارض ويضربه الكل فز بصدمه يفكون بينهم