بالمستشفى بعد ما وصلوا جت النقاله تاخذه ويسحبوه لغرفه المعاينه ...
سعد بتوتر: يلا خلنا نروح
عمر مو أقل منه توتر : قدام يلا
مشوا بالسيارة بسرعة والتوتر والخوف مسيطر عليهم ....
….……….………………….….……
ريما : والله سامحيني ماقدر اجيك
هيام بزعل: وليه ما تقدرين يهون عليك رفيقتك الوحيدة ما تحضرين ملكتها
ريما بعدم حيله: هييوم شفيك أكيد ما بيهون علي بس تدرين ملكتك بنفس يوم زفاف بنت عمي وما يصلح ما أحضر زفافها
هيام بحزن: يعني خلص رفيقتي الوحيدة ما تحضر
ريما بمواساه: وش ما أحضر لو بايدي حضرت أو المعازيم ...وبحماس....بسس اوعدك زفافك بكون فيه أو الحاضرين اوعدك ان شاء الله
هيام بابتسامة خفيفه: ان شاء الله
ريما بتعزيز: هيييه يبنت افرحي بكره ملكتك وانتي زعلانه ....وبشهقه ... شجابك
هيام بستغراب من شهقتها: شلون شجابني
ريما: يا خبله أحد تداوم وبكره ملكتها
هيام بعد اهتمام: شفيها يعني
ريما: تستهبلين
هيام بضجر: ريموو خللص القاها من امي أو منك خلص أبي اداوم وبعدين مو اول وحده تداوم وتملك ترا بعضهم يداومين بيوم ملكتهن
ريما بستهزاء: اذكري لي وحده وصدقك
هيام بتصريفه : خلص سكري على السالفه ايه انتي وش صار عليك انتي وياسر
ريما وهي تتذكر مقابلتها لفيصل : يا شين هالطاري اسكتي بس
هيام: طيب بسكت ما ناقصه تقلبات مزاجك بكرا الكلام بيجي منك دون سؤال
ريما وقفت وهي تأخذ اغراضها: خلص بروح تأخرت كثير كله من وراء سوالفك البايخه
هيام بصدمه من كلامها: أنا كلامي بايخ هيين يا ريما أنا سولفت معاك مره ثانيه
ريما بضحكه: يا زين سواليفك وبعد ما يهون عليك ما تسولفين معاي
هيام بتحدي: بنشوف بكره يالجحشه
ريما راحت عنها وهي تضحك بس سرعان اختفت ضحكتها وهي تشوف ياسر يركب سيارته وواضح انه خلص محاضراته واكيد بيرد للبيت ...
ريما بكره: امحققق رجال ..
ومشت لسيارتها الي واقفه تحتريها ....
الهندي بعصبيه: انتا مدام لازم يطلع سريع أنا هنا حر حر
ريما منصدمه من عصبيته: أقول اسكت يالمروح مو ناقصه صوتك الي يغثي
الهندي: انتا مدام اكلم بابا لا يتاخر
ريما لقتها من الله تطلع حرتها بشخص بدت تتهاوش معاه دقيقه تعصب منه ودقيقه تضحك على كلامه الغير مفهوم لين وصلت للبيت وهي تضحك ....
أنت تقرأ
ليت احلامنا تخاوي القدر وتحقق امانينا...
Mystery / Thriller" ستطيب بعد العناء حياتُنا ونذوق بعد المرارهِ سكراَ.."
