Change For You( သူ့အတွက်သာလျှင်)(U+Z)

6

Unicode

ဒဏ်ရာကြောင့် အိမ်တွင်းအောင်းနေရသည်မှာ သုံးရက်လောက်ထိပင်ကြာ​မြင့်​နေပြီဖြစ်သည်။

"အား...ပျင်းလိုက်တာ "

အိမ်မှာ အခုလောက်ထိ တခါမှကြာကြာမနေဖူးတာကြောင့် မိုးတစ်ယောက် အိမ်မှာနေရတာကို ငြီးငွေ့လာပြီဖြစ်၏။

"တုံလေး အဖေတို့ အပြင်သွားလည်သင့်လား "

အိပ်ပျော်နေသည့် ကြောင်လေးကိုသာ မိုး စကားပြောရန်ရှိသည်။တုံတုံကတော့ မိုးစကားကိုမကြားသည့်အလား အအိပ်မပျက်ပေ။

အိပ်ပုပ်နေသည့် တုံတုံကို မိုးအသည်းယားစွာ ဆွဲညစ်ပစ်လိုက်သည်။တုံတုံက မကြိုက်တာကြောင့် မိုးကိုမျက်စောင်းထိုးပြီးကြောင်ဘာသာစကားဖြင့်ဆူငေါက်နေလေ၏။မိုးကတော့ အပြုံးမပျက်။

မိုးအတွက်တော့ တုံတုံက မိုးနှင့်အနီးဆုံးမှာရှိတဲ့ မိသားစုဝင်လေးပင်။မိုးစိတ်ညစ်စရာရှိတိုင်း မိုးဘေးမှာ အမြဲအဖော်ပြုပေးခဲ့သည့် တုံတုံလေးကို မိုးအချစ်ဆုံးဖြစ်သည်။

"ငါ အိမ်မှာဒီတိုင်းနေနေလို့မဖြစ်တော့ဘူး...သိပြီ မင်းခန့်အိမ်သွားလည်အုံးမှ "

မိုး အိမ်မှာဘဲဆက်နေခဲ့လျှင် ပျင်းလွန်းပြီး ဦးနှောက်ပင်ပျက်သွားနိုင်တာကြောင့်မင်းခန့်အိမ်သို့သွားလည်ရန်ဆုံးဖြတ်လိုက်၏။

ဒဏ်ရာက အရောင်အရှင်းမပျောက်သေးတာကြောင့် ဒဏ်ရာကွယ်ရန် မိုး ဦးထုတ်ဝတ်သွားဖို့မမေ့ခဲ့။မသွားခင် အိပ်ပျော်နေသည့် တုံတုံ အတွက်လည်းအစာဖြည့်ပေးခဲ့ရသေးသည်။

အပြင်မထွက်တာ ကြာတော့ လမ်းလျှောက်ပြီး ပတ်ဝန်းကျင်ကိုလျှောက်ကြည့်ရတာ မိုးအတွက် ပျော်စရာဖြစ်နေခဲ့သည်။

မင်းခန့်အိမ်သည် မိုးအိမ်မှစထွက်လျှင် နည်းနည်းဝေးပေမဲ့ မိုးဘက်စ်စကားမစီးဖြစ်ခဲ့။တနေ့လုံးအချိန်ရတာကြောင့်လည်းပါတာကြောင့် အေးအေးဆေးဆေးလေး လမ်းလျှောက်ပြီးသွားရန် ဆုံးဖြတ်ခဲ့သည်။

တစ်ယောက်တည်းလမ်းလျှောက်နေချိန် ရုတ်တရက်မိုး၏အတွေးထဲတွင် အရင်က သူနှင့်ကိုခန့်ထား လမ်းအတူလျှောက်ခဲ့ဖူးသည့် ပုံရိပ်များ ပြန်မြင်ယောင်လာခဲ့သည်။