تبدا حكايتي انا وصاحبتي في ليسي تعرفنا على بعضانا ومكناش كي انا كي هيا حاسبين بلي علاقتنا راح تطور بصح بدون اي سابق انذار ولات افضل صديقة عندي مالقري مدة تعارف لي كانت بيناتنا كانت قصيرة مي انا نتمنالها خير وهيا بالمثل كنا نقراو عادي ونكملوا بعضانا حاجة منفهمهاش تفهمهالي وحاجة هيا ماتفهمهاش نفهمهالها وامورنا تمام حتى وصلنا للباك وجبناه لحمدلله بمعدلات الله الله وقرينا في الجامعة والحمدلله ربي مبغاناش نتفارقو لانو خيرنا نخدمو في لابريغاد انا كان حلمي من لي كنت صغيرة نخدم في مجال طب لانو من بكري نحب نلعب دور طبيبة وصحبتي من بكري حلمها تكون من ضمن فريق دفاع الوطني سواءا عند لابوليس ولا لجدارمية والحمدلله هيا لقات عمل مكتبي فماك وتوظفت وانا لقيت طبيبة نعالج لمرضى فماك وتوظفت ولحمدلله لقدر مبغالناش نتفارقو وجتمعنا في نفس لولاية ونفس لبلاصة
____________
يوم جديد وصباح جديد
عند شيماء : نضت صبح بكري درت روتين تاعي ولبست قشي سقمت روحي متحمسة عيطت لصحبتي باش نتفاهمو وين نتلاقاو بصح ماريبونداتش شميتها حامضة بلي مزالها راقدة باسكو شكارة نوم هاذيك واحد مايقدرلها تحتمت عليا ورحت حتى لدارهم صونيت وحلت ماماها لباب وسلمنا عادي
شيماء: سلام طاطا واش راكي لباس
ام نهاد : والله لباس بنتي لحمدلله طمننيني عليك
شيماء : والله راني لباس ونهاد وين راهي مزالها راقدة
ام نهاد :والله من قبيل وانا عقابها ماحبتش تنوض
ونروح ليها حلال وحرام حليت لباب تقول جرانة راقدة شعرها طالع لسما رجليها طالعين لسما وراقدة في سابع نوم ونسوطي عليها ونحكمها من شعرها ونطيشها في لرض وهيا تفطن مخلوعة
نهاد : واش كاين واش صرا
شيماء : جا عزرائيل يديلك روحك نوضي راه راح لحال
نهاد : لاه واش صرا شكون حيموت
شيماء : ياربي حاتموتي نتي نوضي
نهاد : ااا معليش خليني نكمل خمس دقايق هاذو ونموت
شيماء :كون متنوضيش ضوك والله ماراح يسلكاها عربي نوضي
نهاد : صايي صايي راني نضت
________
وبعد عناء طويل خرجنا من دار وروحنا لسانتيفي نسناو لكار لي تدينا
شيماء : والله وتكون لكار راحت علينا ناكلك بقشورك علبالك
نهاد : نوضي فيا على صباح ربي وقوليلي لكار تروح مول لكار اومبيرسون ومزال ماناضش
شيماء : سكري ذيلك ذرك قد مابكرنا قد ماكان خيرلنا
ميمبا 5 دقايق ولكار جات حكمنا بلايصنا ونطلقنا وكنا في زوج متحمسات باسكو حققنا حلمنا ورايحين نعيشو فيه
______________
بعد ساعة طريق لحقنا مدوخات مي فنفس لوقت متحمسات
نهاد : واخيرا لحقنا
شيماء : هياي نوصلوا للبلاصة ومباعد نفرحو
مشينا شويا لحقنا فماك كانت بلاصة باهية مخدومة بلحشيش ولورد ماشي كيما كنا متوقعينها راحت كل وحدة فينا حطت دوسي تاعها ودرنا طلب اقامة في شمبرا كيف كيف ولحمدلله قبلونا لحقنا للاقامة فماك جات لينا واحد طفلة تهدر معانا
طفلة : مرحبا بيكم
شيماء : اهلا
نهاد : مرحبا
طفلة : كيراكم
نهاد : والله غاية لباس
طفلة : نتما جدد هنا ياك اول مرة نشوفكم
شيماء : وي
طفلة : مالع مرحبا مرة ثانية معاكم هبة ونتمنا تكون بيناتنا غولاسيون شابة
نهاد : نشاله
رحنا لشمبرا لي رايحين نسكنوا فيها وكانت شمبرة هبة مقابلتنا قعدنا نفرزو في شمبرا ونحينالها لغبرة ولحمدلله هبة كفات ووفات عاونتنا بزاف قعدنا وحطينا قشنا وبدات هبة تحكيلنا على روحها
هبة : انا عندي ربع شهر ملي بديت نخدم هنا و خويا ثاني شاف هنا عندو شي 3 سنين وهوا خدام هنا بصح واش نحكيلكم عليه راه مخرجلي عينيا متحكم بزااف لعفسة لخرا لي نديرها لازم يقيم شرع عليها
انا :<بن عمي وحش هاذا متحكم مي بشوي برك >
وصحبتي شيماء مقصرتش بطبيعتها انا نحكيها في قلبي وهيا تخرجها
شيماء : ابن عمي هاذا راه بيزار متحكم نورمال مانقولوش مي مشي ابسط تفاصيل يعاقبك عليهم كون انا جا خويا كون يحصراه ملي قتلتو
هبة : واش راح ديري هاذي هيا
انا : ربي يكون معاك واش راح ديري
هبة : واش رايكم نخرجكم دورو شويا ومنها تتعرفوا على لبلايص
انا : ايا اوكي هيا
أنت تقرأ
💥 عالقة بين يدي متملك 💥 {باللهجة الجزائرية}
Romanceتبدأ حكاية بطلتينا فور بدأهما لعمل وإلتقاهما بكل من لبطلين فكيف سيغير ذلك مجرى حياتهم وكيف سيقعون في شباك لحب تابعو ذلك في احداث هذه لقصة
