💥 عالقة بين يدي متملك 💥 {باللهجة الجزائرية}

-2-

قعدنا حابسين مدة مشوكيين ومباعد نضت وهربت طول وشنو هاذ الموقف المخزي عداتني نهاد بالمواقف تاوعها مسيت قلبي لقيتو يخبط واول مرة نحس بهاذاك الشعور شعور غريب بصح مادرتوش في راسي اصلا وزيد شكون هوا باش يديرلي هكذاك راني حاشمة برك تالي كون خبطتو نوريلو يحسبني ساكتة
_____________

عند نهاد

بقيت مشوكيا من الموقف لدرجة خليت واش جابلي فماك وخرجت نجري لشيماء تلاقيتها جاية ومكتأبة من لبعيد قعدت نسوطي ونلوحلها من لبعيد تقول مهبول بصح ماشافتنيش ودخلت للبيرو تاعها وليت دخلت لوين تخدم هيا وكنت خايفة يحكمني مجد خو هبة ويبدا يزمر عند راسي مشي بشوي حتى لحقت ودخلت عليها

انا : انا جييييييييييت
شيماء *بصدمة* : اويلي قلبي حبس واش جابك لهنا
انا : صرات واحد لفاجعيشن راح تتصدمي منها
شيماء : افجعينا معاك
انا : لازملها قعدة مشي هنا
شيماء : بصح مزال مخلاصتش لخدمة حنا نخلصو 16:00 وهيا راهي غير 15:35
انا : اييي والله غير صح انا تحمست من الموقف وجيت نجري نقلك مالا بسلامة
شيماء : ارجعي والله غير ترجعي ضك وتحكيلي
انا : مبعدا مبعدا

جيت خارجا نجري من لبيرو تاعها ماتولهتش مرا لساعة وقادر في اي دقيقة يدخل واحد ومايلقانيش فماك وانا خليت لباب وجاية نجري ونتخبط في عفسة حديدة قريب دخت

بديت دراما كوين تاعي كي لعادة

انا : ااااااااااااااااااع شكون حمار كلب لبراري هاذا *ببكاء*

زين : انا هوا لحمار كلب لبراري لي تخبط فيك

طلعت راسي بصدمة ياربي ذا وش جابو هون لاه راني غير نتبهدل معاه ونتلاقاه وين نروح مد هوا يدو باش يعاوني بصح انا وجهو وماندنقتش فيه رحت طول نجري تقول عليا شفت غول

_____________

زين يحكي

بعد مامديتلها شيكولا ولحلوى هاذيك حسيت بواحد الاحراج جامي حسيت بيه من قبل يسما قلت نعقب على لبيرو تاعي نكمل خدمتي ونعقب على صاحبي مجد نطلب استشارة منو باسكو هوا يعرف بزاااف في هاذو صوالح خاصتا مابعد تجربة سابقة تاعي لي مانيش كامل حاب نتفكرها

كمت شغلي وتوجهت لعند صاحبي مجد زدمت عليه طول ماشقيتش حتى نطبطب لقيت خدودو حومر وحالتو حالة

زين : واش ياخو واش بيك
مجد : ااااا هههه والو راني غير نخمم
زين : واش تخمام لخطير هاذا لي يخليك حمر
مجد : هههه ههههه هههه قتلك والو نخمم برك
زين : اا بني كبرت وليت تخبي على باباك الاسرار
مجد : وشمن اسرار يا بابا راني نقلك غير خممت برك
زين : معليش معليش
مجد : مالا واش جابك لجوايهي ماشي من عوايدك جي لهنا
زين : جيت برك توحشت لمكتب تاعك
مجد : فاقو ادخل في لمفيد
زين : تشفا على لبنات تاع صبح
مجد : وي نشفا عليهم
زين : هاذيك لي خبرتني بلي مريضة وانا غاضتني ورحت شريتلها شيكولا
مجد **صدمة**
زين : واش بيك ياخو تبدل وجهك
مجد **صدمة 2**
زين : اني رايح كي عدنا في هاذي
مجد : واخيرا قررت تولي بنادم وتفتح قلبك من جديد
زين : وشكون قالك على هاذي لهدرة لي ماعندها حتى معنا
مجد : مالا لاه ديتلها شيكولا كون مشي دتلك اهتمامك
زين : سكر ذيلك وشمن اهتمام
مجد : مالا دك تقول عليك حلاب وجا يحلبني
زين : وشنو عندك بزاف ماضربتكش برك خرجو رجليك من طلاعة
مجد : راني نتمسخر معاك خو روح جبيلنا كاش قهيوة ولا جيس نشربوه
زين : اوكي اوكي وواش ثاني
مجد : هذا مكان برك ومطولش في طريق
زين :حاضر شاف