بنت بمدرسه عيال سكنيه

٤٦

وجد صحت من النوم وجلست على السرير مغمضه عيونها فتره وبعدها اخذت جوالها وجلست ترسل لصحباتها وأديم ورعد طبعا رعد مايوصلها رسايلها بس ترسله كل مره واديم جلست تسولف معها وتهاوشهت لانها اشتاقت لها وتبيه تجي ووجد تراضيها
اديم*وجد ترا ما برضى الا اذا جيتي اليوم مره متضايقة ابيك*
وجد ماقدرت ترفض ودامها متضايقة تروح لها الحين لو تبي قالت لها انها رح تجي تاخذها معها واتفقو على كل شي
..
طلعت بعد ماجهزت نفسها وخلصت راحت المطبخ تدور اكل استغربت ان فارس مو مسوي لهم اكل طلعت لها اكل من الي قبل وسخنته طلعته وجلست تاكل وهي تشوف الجوال وخالد يبي يجي ياكل بس مو وهي موجوده المهم طلعت وجد من المطبخ وطلعت من السكن بكبره وراحت لمجلس الطلبه دقت الباب ودخلت على طول
وجد:السلام عليكم
معاذ:عليكم السلام زي العاده تدخل بدون لا نسمح لك
وجد:اي عادي المهم اجلس؟
معاذ:لا
وجد:طيب بكلمك
معاذ:انت لا
وجد:وشبك علي اليوم كل شي لا
معاذ:اعرف وش تبي مو لازم تقولي
وجد:طيب وش ابي ياذكي انت
معاذ:تبي تطلع صح؟
وجد ابتسمت:صح اطلع؟
معاذ:لا مو حلاوه هي كل شوي طالع داخل
وجد:طيبب عادي بالاخير برجع
معاذ:لا ليه تبي تطلع هذي المره؟
وجد:سبب خاص
معاذ:ايش هو عادي تقولي
وجد:مو لازم تعرف طلعني وشكرا
معاذ: اجلس اجلس اساس ذكرتني
وجد:ذكرتك بوش
معاذ:بمصيبتك
وجد:انا ماسويت شي متاكد اساس توي طالع من السكن القديم كيف اسوي مصيبه
معاذ:هههههههه مو مصيبه هي مو قلت لي قبل طلعني وتسوي اي شي ابيه؟
وجد:ايي قلت وش اسوي
معاذ:تعرف اني مشغول مره وخالي يبي يجب بنته عندي اسبوع كذا وابيك تهتم فيها
وجد:هاه
معاذ:وش هاه سهله تهتم فيها لا تخاف هي تتفهم وكبيره
وجد:بس انا معرف للاطفال
معاذ:عمرها ٨ سنوات مو طفله مره
وجد:مدري بس انت ليه واثق فيني تخليني اهتم فيها
معاذ ابتسم:مو حب فيك اكيد بس مدري احسك تقدر تهتم فيها وواثق فيك بس لا يصير فيها شي بقتلك
وجد:تهددني بعد
معاذ:لا بس اقولك
وجد:اوك تمام بس خلني اطلع اليوم جد جد ما بتأخر على المغرب بكون هنا
معاذ:يارعد اخر مره
وجد:تم اخر مره يمكن
معاذ:اتكلم جد اخر مره ترا
وجد:ياخي الحين هذي مدرسه ولا سجن ليه ما اطلع بكيفي
معاذ:لانها مو اي مدرسه
وجد:اخس والمدرسه المهم طيب
معاذ:تقدر تطلع اذا خلصت
وجد:اعتبرها طرده؟
معاذ:لا مو طرده بس بكمل شغلي
وجد:تمام بالتوفيق وقامت وطلعت بعدها بشوي رجعت وفتحت الباب ودخلت راسها :الا متى بتجي بنت اخوك؟
معاذ:مو اليوم بكره يعني الاثنين
وجد:اوك اذا جات قولي بجي طياران لها
معاذ: طيب
وجد طلعت وراحت للكراج تاخذ دبابها وطلعت من المدرسة رايحه للمكان الي بتلقى فيه اديم بس قبل راحت لمكان اشتاقت له كثير
وصلت بيتهم القديم وهي مشتاقه له كثيرر دخلت البيت وكان مغبر وكل شي زي ما كان راحت غرفتها وهي تتذكر ايامها وهي هنا وكل مكان تتذكر فيه شي وتحس مره مشتاقهه دخل غرفه رعد وزعلت كثير لانها اشتاقت له مره ولا تقدر تشوفه راحت فتحت دولابه واستغربت لقت فيه ظرف اخذته وحطته بشنطتها تشوفه بعدين وجلست على سريره شوي وسمعت صوت بالبيت ماتحركت تحسبها تتوهم سمعت صوت تنهيده قويه قامت وطلعت من غرفه رعد وراحت لغرفه اديم وبعدها امها واخر شي غرفتها دخلت وانصدمت لما شافت احمد منسدح على سريرها وحاط يده على عيونه
وجد" الحين هذا وش يبي جاي هنا اساس كيف يدخل انا قفلت الباب متأكده ماعلي منه خليني امشي لا يشوفني بس" ومشت وجد بس حظها خلاه يشوفها وهي نازله مع الدرج احمد:وجددد!
وجد لفت عليه ونزلت بسرعه وهو لحقها وهو ينادي عليها وجد اول لانزلت ركضت على برا بس احمد قدر يمسكها لان رجلها التفت وطرحتها احمد قومها معه وجد قامت ولفت عليه:ايش تبي؟
احمد:ليه تهربين تحسبين كذا ما القاك
وجد:اوف اتركني!
احمد ضحك عليها:مو بعد ما مسكتك
وجد:طيب وبعدين ياحظرتك وش تبي؟
احمد:شفتي هذا الباب مابتطلعين منها الا وانتي معي
وجد:هههههههه اقول اترك احسن لك
احمد:لا
وجد:اوك وجلست تحاول تفك نفسها منه بس ماقدرت وبعدها جلست تضربه بس لانه يعرف حركاتها يقدر يصد الضربات وجد دفت عنها بقوه:وجععع اكرهك وطلعت بسرعه ركبت دبابها واسرعت واساس استغربت انه مالحقها بس ما اهتمت وكملت طريقها لأديم وتحاول ترجع ملامحها العاديه اديم بس شافتها راحت تركض لها وجد فتحت يدينها وحضنتها:ياقلبيي أديم أشتقت لك مره
اديم:مو كثر ادري ياورعه نسيتيني؟
وجد:حشى كيف انسى روحي
اديم:اي اي كذبي علي بكم كلمها
وجد:ما اكذب عليك ياروحي بس تعرفيني ادرس بمدرسه صعبه مقدر اجي كل وقت وكل يوم
اديم:طيب خليني استمتع معك الا متى بتروحين؟
وجد:لازم امشي قبل المغرب بشوي
اديم:يوه مايمدي اشبع منك
وجد:يلا اكيد بس وش نسوي اعوضها بالجايات
أديم:يلا اجل امشي معي بنروح نتمشي هنا وبعدها نروح ناكل وبعدها نروح المول
وجد: هههههههه زين يلا حبيبي
اديم مشت هي ووجد على الممشي وهو يسولفون طبعا وجد لابسه لبس يناسب الجنسين عشانها مع اديم وعشان لو احد يعرفها شافها
بعدها راحو ياكلون بمطعم فخم والفلوس من عند وجد
..
رجعت وجد للمدرسة بعد المغرب بشوي بس عادي دخلت المدرسة وراحت السكن وعلى غرفتها على طول دخلت ولقت خالد على الكنب زي ماراحت ما اهتمت وراحت الغرفه صلت وبعدها انسدحت على سريرها تطقطق على الجوال دخل خالد الغرفه وشغل النور:رعد
وجد تعدلت صارت جالسسه:هاه؟
خالد:وين رحت
وجد:رحت وجيت
خالد:طيب وين رحت
وجد: مو لازم اعلمك ترا
خالد:اوف براحتك ولف بطلع وجد:خالد
لف عليها ينتظرها تكمل وجد:معليش بس انا جوعان تعرف تسوي اكل؟
ختلد:ياعمري عنك وانا جوعان قوم سوي لي ولك
وجد:يوهه مافحاليي خالد شدعوه
خالد:وانا مافحالي
وجد:اوف منك وين فروسي ليه مايجي يسوي لنا اكل فقدته
خالد:كذاب فقدت الاكل
وجد:اني صادق فقدت فارس مو الاكل
خالد:اي اي طيب
وجد:بتسوي ولا لا
خالد:اسوي اذا جيت تساعدني
وجد قامت بحماس:اوك يلا بس ترا ما اعرف شي ابدد
خالد:مو مشكله بس تساعدني بس انا احتاج
وجد:اوك اذا كذا يلا قدام وراحت معه المطبخ يسوون لهم اكل الله يستر اكثر اثنين مايعرفون يطبخون بالمطبخ
وجد ضحكت:هههههههه فارس لو يشوفنا بينجلط ياعزتي له لعبنا بترتيبه لعب
خالد:لا مابينجلط بيقتلنا اكيد
وجد:هههههههه يلا عادي محد قاله مايسوي لنا اكل
خالد:صح تعال رعد خذ هذولي وقطعهم
وجد راحت اخذتهم:اقطعهم كيف
خالد:وش الي كيف قطعهم بالسكين
وجد:اي اعرف بس كبيره او صغيره
خالد:اها افضل صغيره
وجد جلست على الطاوله وتقطع وخالد يطلع البهارات والاغراض وبدا يطبخ وجد خلصت وودته الي قطعتهم خالد ما انتبه عليها ولف بيروح ياخذهم منها وضرب فيها وجد رجعت ورا وضربت الطاوله:الحمدلله ماطاحو بالارض
خالد:معليش ما انتبهت عليك يوجعك شي؟
وجد ابتسمت:لا مايوجعني شي المهم خلصت خذ خالد اخذها منها وهو خاق على ابتسامتها
وجد:اي تبي اساعدك على شي ثاني
خالد:تعال انتبه على هذا وانا بروح اعدل الثاني وجد راحت للطاوه وجلست تحركهم وبعدها لفت على خالد:ما احب ريحه الاكل ولا البصل
خالد رفع راسه لها بس باقي على عيونه شعره:طيب تعال اخلط هذولي وانا بجي مكانك
وجد اعجبت بشكله لوهله:تمام
..
خالد:حياك على طبختنا الاولى
وجد:هههههههه الله يحييك تفضل الشكل حلو عاد ماندري عن الطعم
خالد:من عندي اقولك حلو ترا اعرف اطبخ شوي
وجد:اي يلا خلي ناكل جوعانن وبدو ياكلون لحالهم
بعد ماخلصو راحو الصاله وجد:غريب الشباب ماجونا اليوم
خالد:مو غريب هم كذا مايجون كل يوم عندي
وجد:ابيهم يجون ناديهم
خالد:ناديهم انت عندك ارقامهم صح؟
وجد:اي عندي بس مدري انت قولهم
خالد:الي يبيهم يناديهم
وجد:خالد انت تمون عليهم اكثر مني تكفى قولهم معرف انادي الناس يجون عندي
خالد:طيب بس مو الحين على ٨:٣٠ كذا
وجد:اوك على ٨:٣٠
خالد:باقي نص ساعه كذا بروح اتروش واتجهز
وجد:اي حتى انا وراحو يتجهزون للشباب عشان بيجونهم
المهم خلو ونادوهم وسهرو لين وحده ورجعو السكن
..
الصباح جاهم فارس والشباب ويصحوهم وافطرو ومشو للمدرسة طبعا تأخرو
وجد:مين اول حصه مابي احد يطردنا لانا تأخرنا
خالد:معرف ماعليك مو طاردينا ان شاء الله
زياد:يلا ادخلو فارس ادخل الاول عشانهم يحبونك
فارس:هههههههه اي ويهاوشوني الاول وانتو لا
وجد:لا محد يهاوشك لا تخاف ادخل بسرعة
فارس دق الباب وفتحه كان عندهم استاذ الاحياء:تفضل يافارس ليه متأخر
فارس:معليش يا استاذ
الاستاذ:ادخل ادخل دخل فارس وبعدها فتحو الباب وجد وخالد المعلم هاوشهم لانهم متأخرين خالد:استاذ معليش إنا تأخرنا عادي ندخل؟
المعلم:اخر مره يلا انتو واياه دخلو وزياد معهم بس جلسو وجد جلست تتحلطم لان هاوشهم وفارس لا
خلصت الحصه الاولى والحصص الباقي وجات الفسحه طلعو يشترون اكل وجاهم واحد من الطلاب وهم ياكلون ونادا رعد الطالب:رعد معاذ يقولك روح له المكتب
وجد:هاه انا
الطالب:اي بسرعه
وجد:زين زين باكل واروح له الطالب مشى والشباب لفو على وجد ويسالونها لين يبيها
وجد:وش يدريني اروح وادري وش يبي
خلصت اكلها وراحت لمعاذ دخلت بدون لا تدق الباب ومعاذ ماهاوشها لانه تعود عليها
المهم وجد عرفت ليه يبيها لانها شافت بنت صغيرها بحضنه وجد:ياحلوهااا ما شاء الله صغيره
معاذ:اي ايان هذا رعد شرايك فيه
ايان:كيوت
وجد جلست:انتي الكيوت اسمك حلو
ايان استحت:شكرا وانت حلو
وجد خقت:ياروحييي الي يستحي معليش معاذ بس اذا اكلتها معذور تراي
معاذ:هههههههه لا طبعا ما اسمح تاكلها نبيها دلوعتي هذي
وجد:اي اي لا تخاف
معاذ:ايان حبيبتي بتروحين معه وهو الي بيهتم فيك
ايان:صدق
معاذ: اي بس اذا ماتبينه ترا عادي
ايان: لا عادي
اخذتها وجد معها للشباب واكلوهااا من جمالها وسامي مات عليها وبس شايلها
زياد:ساميوههه وجع ابيها
سامي:لا
زياد راح واخذها غصب عنه:ياحلوها وش اسمك؟
ايان مره مستحيه منهم وتبي وجد:اسمي ايان
زياد:ايان ياحلو اسمك وانتي احلى
وجد:اقول خلاص خوفتو البنت هاتوها وجع مشافيح
زياد:مو خايفه ايان انتي خايفه؟
ايان هزت راسها ووجد اخذتها منه:يلا امشو خلصت الفسحه وانا برجع البيت
فارس:والحصص؟
وجد ابتسمت له:معاذ قالي اروح عادي
فارس:وحنا نجي معك عادي ولا؟
وجد:تعال عادي بس بقوله
فارس:جد بتقوله ارجع معك؟
وجد :اي جد احتاجك ما اعرف للاطفال
فارس:على كذا يلا جيت معك بروح اخذ شنطتي واجي
وجد:ماعليك امر بس عادي تجيب شنطتي معك؟
فارس ابتسم لها:من عيوني
وجد خقت مع ابتسامته ياحلوهه فديته حبيبي:وانتو روحو الحصص
الشباب :بنمشي معكم خير نجلس
وجد:هي هي وين جايين اساس ماتقدرون تجون ماسمحو لكم
نواف:ماننتظر احد يسمح لنا عادي نرجع محد بيدري عنا
وجد:صادقين انتو؟
الشباب:اكيد صادقين يلا انت انتظرنا حنا بنجيب شنطنا ونجيك
وجد:اوك يلا لا تتأخرون بس مشو يجيبون كتبهم وبعد شويات جاء فارس واستغرب وينهم الشباب:وينهم الشباب راحو كلهم
وجد:بجيون معنا يبون يرجعون
فارس:هههههههه انا عارف انهم مابيجلسون وحنا نرجع
وجد:شدعوه عادي يجلسون بس دلع
فارس:ماعليك منهم الا ياحلوه ايان تبين اكل؟
ايان:اي ابي فيه؟
وجد:ياعيوني ليه ماقلتي لي اجيب لك اكل جوعانه؟
ايان:لا معاذ اعطاني اكل بس ابي حلى
وجد وفارس ضحكو عليها فارس:من عيوني يا ايان الحلوه
وجد:يجي احلى حلى الحين بس خلي نرجع شفتي فارس افضل شخص يطبخ بالعالم اكله الذ اكل
ايان:والحلى؟
وجد:اوفف الحلويات الي يسويهم نتضارب عندهم من زود حلوتهم
ايان تحمست:يلا نرجع البيت وتسوي لي حلى
فارس:ابشري يلا جو الشباب نرجع ورجعو السكن ولقو اغراض ايان سابقتهم ايان بس شافت اغراضها راحت اخذت دبها وجلست بحضن وجد لانها نادتها
سامي:تعالي بحضني يا ايان
ايان:لا ابي عند رعد
وجد:اي شفت تحبني ماتقدر تبعد عني
سامي:مالت عليك يارعد
وجد:هههههههه زعول وش اسوي ماتبيك البنت تقبل الحقيقه
سامي رمى عليها المخده:وجع اسكت
زياد:اخخ ابي انام شكلي بروح انام
عبدالله:وانا بعد بروح انام دامنا رجعنا من المدرسة
وكل الشباب قالو انهم بيمشون الا خالد وفارس وسامي ووجد
خالد:غريبه سامي بتجلس بالعاده شي فيه نوم انت الاول
سامي:لا تكون طرده؟
خالد:لا شدعوه مانصبر عنك بس مستغرب منك
سامي:بجلس شوي لين الظهر وارجع غرفتي وانام
وجد:ايان حبيبتي تبي تنامين
ايان:اي ابي بس بعد ما اكل من حلى فارس
وجد:هههههههه حتى هي تبي تاكل من طبخ فروس
سامي:محد يلومها شكلي باكله عنها
ايان:لااا رعد اضربه
وجد:ابشريي اضربه بقوه ولا بشويش
ايان:قوهه
سامي:امزح امزح ماباكل منه حتى بس لاحد يقرب مني
وجد:هاه ما اضربه؟
ايان:اي خلاص المره الثانيه
وجد:من عيوني
وجلسو شويات وفارس جاب لهم الحلى وايان اعجبها واكلت نصه لين وجد اخذته منها
وجد:هذا اذا صحيتي تاكلين طيب؟
ايان:لا ابي اكل
وجد: لا بيعورك ببطنك واسنانك بعدين
ايان زعلت منها وراحت جلست جنب فارس:شوف مايجي اكل
فارس:ياحبيبتي هذا زي ما قال رعد رح يعورك بأسنانك وبطنك واذا صحيتي عادي تأكلينه كله لك
ايان:طيب
وجلسو كلهم يسولفون ويلعبون من ايان لين صلاه الظهر مشو فارس وسامي ووجد وخالد راحو يصلون وبعدها وجد راحت تتسبح وتلبس بجامتها وبعدها ايان وخالد بعدهم وجد:كذا صرنا انا وانتي جاهزين للنوم يلا تعالي ننام واخذتها ونامت معها على سريرها وخالد نام بسريره
..