بنت بمدرسه عيال سكنيه

٥٠

شعور
..
فزت وجد بخوف لما ماحست بأيان عندها قامت بسرعه تتلفت تدورها بس مالقتها بعدها استوعبت انها راحت اخذت جوالها تشوف الساعه كم انصدمت وهي تشوفها ١٢:٠٠ قامت من السرير وراحت الحمام غسلت وجهها واخذت شور عشان تصحصح وطلعت اخذت لها لبس وراجعت لبسته طلعت من الغرفه بعد ماخلصت كل شي وراحت المطبخ تدور لها اكل فتحت الثلاجة ولقت بيتزا اخذتها وحطتها بالمايكرويف وراحت حطت لها عصير اخذت الاكل وراحت الصاله وشغلت على انمي وجلست تاكل وتشوف الفلم
..
دخل الشقه وهو متضايق حيل رفع راسه لما سمع ضحكته ابتسم عليها ونزل جزماته وراح تكى على الجدار وهو يشوفها ويبتسم على كلامها وتعليقه على الفلم وهو متحمسه مره خالد راح الغرفه وانسدح على سريره وحط يده على عيونه وهو متضايق ويفكر بتصرفاته مع رعد وانه لازم يوقف عند حده اخذته افكاره لين نام من التعب وجد خلص الفلم واخذت جوالها وراحت الغرفة انخرش لما شافت احد على سرير خالد بعدين استوعبت انه خالد ورجعت انصدمت كيف دخل وهي مادرت عنه وانه ليه نايم كذا ما اهتمت وراحت عدلت الوساده تحت راسه وحطت الحاف علييه وطفت المبه وشغلت المكيف ونامت حتى هي
.
.
صحت على صوت فارس وهي متعود عليه يصحيها:فارس بس شوي ابي انامم
فارس:رعد خلاص اصحى مافيه وقت نبي نمشي
وجد جلست على السرير وهي لسى مغمضة عيونها:وين بنروح
خالد عصب منها:بنروح لاهلي ماقلت لك!
وجد فتحت عيونها:لا محد قالي
خالد/تكذب علي امس ماقلت لك؟
وجد/لا ماقلت لي امس
خالد/طيب خلاص اليوم بنروح لاهلي ونجلس عندهم ثلاث ايام وبعدها بنروح لاهل نواف ونجلس عندهم يومين
وجد قامت/مابي اروح
فارس/رعد وش الي ماتبي تعال معنا ماتحلى الجلسة ولا الروحه بدونك
وجد/بس
فارس قاطعه/عشاني رعد صدقني بتستانس
وجد/بس الاختبارات مابقى عليه كثير
خالد وفارس/الا باقي اسبوع وشوي
وجد بأستسلام/تمام بتجهز واجهز اغراضي
فارس/على كذا بتأخر عليهم
وجد/طيب انتو روحو وواحد يجلس معي ونلحقكم
فارس/ومين بيجلس الكل متحمس
وجد/مدري وناظرت خالد عادي تجلس معي؟
خالد ابتسم بخفيف لانه طلبه يجلس معه وهو كان مقرر اساس يجلس/عادي يلا روح تجهز وانت يافارس خذ الشباب وروحو
فارس طلع وقال للشباب وطلعو بس جلس نواف وتركي واحمد لان مالهم مكان خالد طلع يجلس معهم وينتظرو رعد وجد تروش ولبست وطلعت وجلست تجهز ملابسها اخذت ملابس كثير واخذت احتياطتها معها وخبتهم وطلعت لهم/خلصت يلا نروح
طالعو لبسها لابسه بنطلون اسود وقميص ازرق وساعه وكاب واستغربت نظراتهم لها وبصوت عالي/خير وش النظرات هذي وشبه لبسي
نواف/لا بس الكل لابس ثوب وشماغ والبعض عقال وانت لابس لبس
وجد بطقطقة/اروح ابدل يعني؟
خالد/لا تاخرنا عليهم ولبس حلو يلا
طلعو الشباب وتهاوشو وجد ونواف وتركي خالد منزعج/خلاص بلا هواش واحد يجي قدام وبعدين خلوكم مثل احمد ماشاء الله عليه ركب ورا بهدوء مو زيكم
وجد/مالي دخل اببي قدام!
تركي/اقول احلم بس انا قدام
نواف تركهم وركب ورا لانه يعرفهم اكثر اثنيين عنيدين
خالد/وبعدين!
تركي/البزر هذا يجي قدام وانا ورا يحلم
وجد/بزر بعينك وبجلس قدام غصب عنك
خالد/طيب اسمعو الطريق طويل شرايكم ساعتين رعد وساعتين تركي؟
وجد/اي زين يلا
تركي/بس عشان مانتاخر عليهم
خالد/بسرعه ركبو وجد قدام وتركي ورا وانطلقوا
وجد/خالد
خالد وهو يسوق ومبسوط انه عنده بس بنفس الوقت يستغفر ربه لانه يحس نفسه شاذ
خالد/هلا
وجد/تراي جوعان ما اكلت شيي وقف عند اي شي بشتري اكل
خالد/تمام كلنا ما اكلنا اليوم فارس متحمس ماعنده وقت يطبخ
وجد/هههههههه احسن بزعل لو اكلتو وانا نايم تعتبر خيانه
وقفو عند بقاله قبل يمسكون خط نزلت وجد والشباب كلهم راحو يشترون اكل ووجد تشتري حلويات واسكريم مسكها احمد من كتفها وهي شايل اكلها لا يطيح/رعد اشتري اكل زي الناس مو حلويات وجاء بيخذهم منها بس وجد راحت تركض وهي تضحك عليه راحت تاخذ كيس تحط فيه اكلها ولقت نواف قدامها/رعد وش هذا
وجد/اوف هذا اكلي مو اكلكم واخذت كيس وراحت تشيل من الاسكريم ولفت بتروح تاخذ عصير الا تشوف قدامها خالد ومتكتف ومتكي على الجدار ابتسمت له بخرشه لان يخوف/اخذ لك؟
خالد راح لها بيخذ الكيس بس شدت عليه وهي تعطيه الوجه البريء خالد حط يده على عيونه/يقطع هالعيون!
وجد ابتسمت وبانت غمزتها الخفيفه/افا بعدين كييف اشوف يهون عليك مايكون لي عيون حلوين؟
خالد بخقه معها/لا والله مايهون علي وجد بعدت يده عن عيونها/خالد تكفى لا تقول شي خاطري فيهم
خالد وانا اقدر ارفض لك طلب اخ بس/طيب بس خذ لك فطيرها على الاقل قبل الاكل هذا
وجد بفرح مسكت يده/تمم تعال اختار لي بعد
خالد ضحك عليه تصرفاته الطفولية مهما حاول يخفي هذا الشي اختارت له فطيرتين وبعد تركني يقول بيجيب له ماء وعصير انتظرته لين جاء وحاسبت عنه وطلعنا للشباب الي من اول بالسياره ورعد مبسوط ويجاكر فيهم لانه اشتري الي هو يبي وهم كلهم يهاوشونه ويطقطقون عليه وجد لفت على قدام وهي زعلانه منهم
خالد/وبعدين معكم مابي صوت
سكتو وجلسنا ناكل وجد اخذت اسكريم بتاكل بس خالد اخذه منها/اول شي كل فطيره تبي تمرض علينا!
وجد تأففت واخذت فطيره وجلست تاكل وبعدها اكلت اسكريم واثنين وثلاثة وطلعت الرابع بتاكل اخذه خالد وهو يبتسم/مايصير كلهم لك هذا لي
وجد فتحت عيونها وكانت بترفض بس تذكرت باقي واحد/اوك خذه خالد استغرب موافقته توقع يرفض وبشده اكل منه/لذيذ بعتمده
وجد/لا تخلصه علي بس
..
بعد ساعتين ونص من سوالف وجد وخالد لفت وجد ورا مستغربه سكوتهم لقتهم كلهم نايمين/هههههههه نامو
خالد لف بسرعه ورجع يسوق/اي هذولي طول وقتهم نوم
وجد طلعت اسكريمها من الدرج الي يبرد/وحنا متى نوصل
خالد/نمشي ٨ ساعات
وجد شهقت/وين اهلك!
خالد ضرب راسها/ياغبي اهلي بعيد عن المنطقة الي حنا فيها
وجد مسحت على راسها/وجع ضربت وجعتني
خالد لف عليها وشافها تاكل اسكريم/ولل انت كم مشتري اسكريم
وجد ضحكت/وش اسوي احب الاسكريم بعدين بس شريت خمس واكلت اربع بالعاده اكثر
خالد/وش الحب هذا كله
وجد/انتو الي مدري كيف ماتحبونه كثري
خالد/رعد
وجد تربعت وحطت ظهرها على الباب/هلا
خالد/عادي اسالك اساله
وجد/اي بس ترا لو ماعجبني السوال مابرد عليك
خالد/اي تمام
وجد/وانا بعد بسالك
خالد/اوك بس انا اول وجد هزت راسها وكمل خالد وين اهلك عايشين
وجد/اخوي راح ايطاليا واختي هنا بنفس المنطقه
خالد/وامك وابوك ترا ما اعرف عنك شي
وجد نزلت راسها لما تذكرت امها وابوها وبغصه/الله يرحمهم توفوا
خالد لف عليها لما سمع صوته/الله يرحمهم ومد يده يرفع وجهه رعد وجد رفعت راسها خالد لف على الطريق لا تنزل راسك ابد اهلك بمكان افضل وعند ارحم الراحمين واكيد مايبونك تحزن عليهم صح
وجد/صح
خالد/وبعدين احنا نكون اهلك وتذكر عندك اختك واخوك انت الكبير صح؟
وجد هزت راسها/ودامك الكبير لازم تكون أقوى عشانهم
وجد/ماعليك المهم انت كلمني عن اهلك مابي ادخل مثل الغبي معرفهم
خالد/ابوي سيف حنون ويعتبر اصاحبي عيال وامي مزنه نفس الشي والشباب بعضهم يقربون لها زي تركي ولد خالتي وفارس يقرب لها من بعيد وأخواني ٤ واخواتي ٣ اكبر واحد محمد عمره ٣٧ متزوج وعنده بنتين وولد واخوي الثاني عماد عمره ٣٥ متزوج وعنده ولد اسمه صقر واخوي الثالث فيصل عمره ٢٩ خاطب وقريب بيتزوج واخوي الرابع راشد عمره ١٥ سنه واخواتي ملاك عمرها ٣٢ عندها توام بنت وولد واختي الثانيه غلا عمرها ٢٧ مخطوبه واختي الصغيرة عمرها رغد ٢٠ وانا تعرفني يعني اصغر شي الخبل راشد
وجد/ما شاء الله اهلك كثير كلهم بالبيت؟
خالد/لا اخواني المتزوجين ببين لحالهم بس الحين لانها اجازه كلنا نجتمع
وجد/حلو انكم عائله كبيره
خالد/صدقني بتنبسط بالذات مع راشد وفصيل
وجد همهت له خالد/انت تكلم عن اهلك
وجد ابتسمت لذكراهم/ابوي رجل اعمال معروف وطيب وحنون ومايخلي بخاطرنا شي ولا يرضى زعلنا عمره ٣٨ وامي تشتغل مع ابوي بشركه خاصه لها وسكتت شوي طيبه بس ماتظهر حبها لي شخصيتها قويه ولا تحب احد منا يكون ضعيف او حزين عمرها ٣٥ وانا اكبر اخواني وعندي اخو توام حنون مره وحساس طيب مره مايرضى شي يزعلني ولا يرفض لي طلب ولا عمره اخفى علي شي طموح ومميز بتفكير واختي الصغيرة اديم قويه ولسانها طويل قلبها طيب ولا تسمح لاحد يزعلها ولا تحب تشوفنا زعلانين حساسه وخجوله ودلوعه عمرها ١٤
خالد/هههههههه وش العائله هذي كلكم حنونين وحساسين
وجد/ياحلوها بس
خالد/تصدق يارعد
وجد/هلا
خالد/حسيتك تحب ابوك اكثر شي وبرضو حسيت ابوك يحبك وكمان احسه شخصيه مثالييه
وجد ابتسمت ابتسامه ناعمه/كلامك صح بس مع الاسف انه توفى وانا ماشبعت منه
خالد/الله يرحمه ويجمعكم بالجنه
وجد/امين
خالد/طيب انت تقول ابوك شخص معروف واكيد عنده شركات واشياء كثيره مين ماسكها؟
وجد/كل شي ماسكه مساعد ابوي بالشغل وهو اساس صديقه بس فيه اشياء كتبها بأسمائنا انا واخواني والباقي ماسكها صديقه لين اكبر انا وامسكها
خالد/اها وانت تبي تمسك شغل ابوك؟
وجد/اكييد!
خالد/طيب ماعندك حلم تبي تحققه غير عنه
وجد/اها الصراحة ابي اكون دكتور بس عادي مايمنع اكون دكتور ورجل اعمال وشخصيه معروفه
خالد/صعب عليك
وجد/مو صعب الا اذا انا ماكنت ابي هذا الشي وانا مستعد اترك حلمي بس ما اترك تعب ابوي وحلمه يروح كذا دامه موصيني امسكه
خالد/تعجبني
وجد/افا عليك اكيد اعجبك
خالد/هههههههه اقول لا تصدق بس
وجد/لا والله وش الي ما اصدق وهذي الحقيقة اني اعجب الكل
خالد/كذب الكذبه وصدقه
وجد/خالددد!
خالد/هههههههه
..
.
بسياره فارس منزعج من الازعاج من زياد وسامي
فارس/خلاص انت واياه
زياد بزعل/فارس هذا من اول وهو قدام المفروض الحين دوري
سامي/دور ايش اقول اسكت بس
فارس وقف السياره على جنب/يلا انزل يا سامي دور زياد سامي نزل بزعل لان زياد يضحك عليه
سامي لما راح يركب ورا/لا تصدق مانزل عشانك بس عشان فارس
زياد/اهم شي نزل
سامي طنشه وجلس جنب فيصل وعبدالله نايم طلع جواله ودق على خالد/الو
خالد/ها
سامي/سولف لي ولا عطني رعد يسولف معي
خالد/هههههههه داق علي عشانه كان دقيت على رقمه
سامي/لا ابي ادق علييك واسولف معكم المهم افتح كام بعد
خالد/لا والله
سامي/يلا خالد عاد ترا وبهمس ترا قارفيني الي معي نفسيات
خالد طالع رعد وشاف على الجوال ولابس سماعته نزل السماعه/سامي يبي يسولف معك كام
وجد نزلت سماعتها/طيب هاته
خالد/لا بحطه هنا ونفتح كام اوك؟
وجد/اوك بس هذولي وتأشر على الشباب اشكالهم تضحك
خالد حطه وفتح الكام وسبكر/منا وفينا سامي متعود صح؟
سامي فتح الكام/صح صح اصبرو بالبس سماعتي مابي يسمعون سوالفكم
وجد/هههههههه الله والسوالف خايسه
سامي ركب السماعة/ادري مو من زينه بس عشان اقهرهم زعلوني
وجد/وقلبي مين زعلك بس الحين اهاوشه
سامي/فارس وزيادوه
وجد/اورييك بزياد بس فارس لا معليش
سامي/وش معنى زياد ايه وفارسوه لا
وجد/والله انت عارف ليه
خالد/وشبكم تخافون منه؟
وجد وسامي/اكيد!
خالد/عادي بالذات فارس مايخوف
وجد/اي هو مايخوف بالعكس بس اذا عصب او تنرفز يخوف مره
سامي/منجد اول عصب علينا ووقف السياره احسبه بيرمينا بالطريق
وجد وخالد/هههههههه
وجد/عاد لو رماكم احسن مامنك فايد الا وجع راس
سامي/رعددد هذا وانا اعتبرك صديق الصدوق الي يوقف معي بكل شي
وجد/لا شدعوه انا اقصد زياد بس ولا انت ما اقدر بدونك
سامي/اي هذا الكلام الصدق
وجد/اي صح
سامي/الا هذولي من متى نايمين
وجد/من اول مامشينا
سامي/ياحظهم يقدرون ينامون عندكم مو زي سيارتنا
خالد/قلت لك سيارتي غير
سامي/قول ان الي معام هادين ولأ السياره مالها دخل
وجد/دامني معهم اكيد السيارة بتكون هدوء
سامي/انت بس صارحني مين مكذب علييك وقالك انك هادي تراك مزعج اكثر من زياد
وحد بصدمه/ياكذب اني هادي صح خالد؟
خالد ماحب يزعلها وهو فعلا يحسه هادي بس فيه اوقات يحسه طفولي فييه/الا ياسامي ترا رعد هادي بس معكم يكون غير انتو خبول
وجد/اي شفت هذا الكلام الصح مو كلامك الخايس
سامي/مالت عليكم ماتستاهلون الي يسولف معكم
وجد/افا تقول كذا عنا!
سامي/ماقلت شي لا تسوي دراما
وجد/هههههههه طيب ومسكت جوالها لما شافته يدق انخرشت منه بس اخذت الجوال ولبس سماعته بعجله وقالت لخالد يشيل السبيكر/وعليكم السلام
ياسر/اخبارك؟
وجد/الحمدلله بخير
ياسر/وينك؟
وجد/مو بالسكن
ياسر/طيب وين؟
وجد/رايحين لاهل خالد
ياسر بعصبيه يحاول يمسكها/وليه رايح ولا اعطيتني خبر وبعدين ليه لا هل خالد!
وجد بتوتر خفيف/مامداني اقولك وليه لاهله لان الكل رايح
ياسر/واذا المفروض اليوم تجي عندي دامها بدت الاجازة!
وجد/المره الثانيه واذا رجعنا وكان لسى باقي اجي
ياسر بعصبيه/كله عشان خالد صح؟
وجد/ماله دخل لا تفسر بكيفك
ياسر/اجل وش تسميي حركاتك هذي وكل ماسالتك قلت مع خالد اكيد انك تحبينه
وجد بصدمه/ياسر!
ياسر/وش فيك ماقلت الا الصدق ولا كلامي غلط
وجد/واكبر غلط بعد
ياسر/فهمني وش بينكم لا تقولين صداقه هذا مو صداقه
وجد/اوف وبعدين مع تفكييرك هذا قلت لك من قلب هذا صديقي وكلهم اعاملهم بنفس الطريقة ولا ناسي انت!
ياسر مافهم اخر كلامها/وش ناسي
وجد/خلاص مو لازم تفهم المهم وش تبي داق عشان تهاوشني
ياسر/لا بقولك عندك مهمه
وجد/مابي خلاص قلت لك من قبل
ياسر/بس هو مو بكيفك وهذا من شروط الصفقه
وجد/طيب انا مو بنفس المنطقة رايحن الشرقيه
ياسر بعصبيه مالها داعي/مالي دخل تجي تفهم تجي
وجد/ماله داعي تعصب خلاص ارسلي المعلومات عن المهم بقفل
ياسر حس الزعل بصوتها/مو قصدي اصرخ عليك
وجد/عادي بس بقفل ولا تخاف بجي
ياسر/طيب باي وقفل الخط وجد حطت يدها على عيونها وتنهدت بصوت عالي
خالد الي مقفل من اول/بسم الله عليك وشبك؟
وجد وهي على نفس الحال/مافي شي ابي انام
خالد/تمام نام
وجد رجعت المرتبه على ورا ونزلتها وغمضت عيونها بتعب ماتبي تفكر بالمهمه الي ماتدري من وين نزلت عليها نامت على طول خالد كل شوي يلف عليها يطالعها
.
.
.
وصلو فارس والي معاه قبل خالد بس قررو ينتظرونهم ويروحون مع بعض ماطول وصلو بعد نص ساعه كذا وصحو وجد قامت وهي لسى تبي تنام/همم
تركي/قوم ييازق ابي اجلس قدام كذبتو علي
خالد/كم مره اقولك مالنا دخل انت من اول لا ركبنا نمت وش نسوي لك نصحيك يعني؟
وجد رجعت تنام بس صحاها وطفشت راحت ورا وكملت نومها ركبو الشباب وتركي قدام بعد عشرين دقيقة وصلو بيت خالد ونزولو بعد ما صحو وجد وزياد الي لسى نايمين وجد لسى فيها نوم وتترنح بمشيتها مسك خالد كتفها وقربها منه/رعد اصحى زين!
وجد بغت تنام على كتفه بس صحت زين لما سمعت الصرخه فتحت عيونها بخرشه
شافت قدامها ولد طوله متوسط وشعره طويل ولابس ثوب راح لخالد وحضنه بقوه وجد بعدت عنهم بخرشه/ايش هذا
الولد بعد مابعد عن خالد/الله مين هذا الحلو من وين جبتوه
خالد/هذا صديقنا الجديد اعقل قدامه
راشد قرب منها وشد خدها/وقلبي اصغر مني
وجد بعدت يده/اهجد ياورع انا اكبر منك
راشد/ماتدري عن عمري
وجد غمزت له/اعرف كل شي عنك وعمرك اسهل شيي
راشد/طيب كم عمري
وجد/عمرك ١٥ سنه
راشد بصدمه/طيب انت كم؟
وجد/انا ١٧
راشد/وربي مبين صغيير مره
وجد/حدك كل هذا وصغير وش اكثر
قاطعوهم الشباب وهم يهاوشون راشد/ياكلب نسيتنا عشان رعد
راشد حك راسه/وش اسوي الولد حلو
فارس/واذا حلو تنسانا؟
راشد راح لفارس وحضنه/لا افا عليك انت بالذات محد يقدر ينساك
وبعدها حضن الكل وسلم عليهم ودخلو للبيت وسلمو على اهل خالد ونظرات الاستغراب على وجد استحت منهم وجلست جنب فارس بعيد شوي خالد يعرفهم على بعض/هذا رعد صديقنا الجديد ويارعد هذا ابوي وهذا اخوي محمد وهذا عماد وهذا راشد وهذي امي وهذي رغد وهذي غلا وهذي الي عند الورعان ملاك وجد بصوت عالي/تشرفت فيكم
الكل/الشرف لنا
وجلسو يساولون وراشد اخذ وجد وطلعو يتمشون حست انها حبت راشد لانه كيوت وصغير اخذها اسطبل الخيل يعرفها بخيله وخيول اهله دخلو الاسطبل ووقف عند اول وحده/هذي خيلي اسمها شوق
وجد/الله تهبل واسمها حلو كمان
راشد/بس حق خالد احلى
وجد/وينه اخذها راشد له وكان فعلا حلو وحتى غير عنهم وجد/وش اسمه
راشد/اياس
وجد/اياس حلو
خالد/وش تسوون عند اياسي
وجد/يع ماتعرف تدلع ناديه باسمه
خالد/غرت لانك مو اياسي
وجد/هههههههه الصراحه اي حبيبي غرت منه ليه تدلعه وانا لا؟
خالد قلبه يدق بقوه وهو عارف انه يمزح/سخيف
وجد رجعت تضحك اكثر وخالد تجاهلها وراح دخل عند اياس وهو يلعب معه وجد وقفت عن الضحك/اقول راشد وريني الباقي
راشد وراها الكل وبعدها رجعو عند خيله وجد/ابي اجرب اركبه
راشد/والله حقي مايخلي احد يركبه غيري
وجد/طيب وراحت عند خالد/خالد ابي اركب على اياس
خالد/لا
وجد/غصب!
خالد/لا
وجد/وجع ليه لا؟
خالد/خيلي عنيد ولا يحب احد غيري
وجد/طيب كلنا اساس ما اعرف للخيل
خالد/بس الحين تعبان شرايك بكره؟
وجد وهي تبي الحين/اوك بكره
خالد/بس ذكرني يمكن انسى
وجد/طيب ابي ارجع عندهم صار برد
رجعو عندهم ووجد فتحت جوالها لانها تذكرت المهمه شافت المعلومات وتضايقت حيل تكره هذا الشغل وكثير بس حتى لو رفضت مو بكيفها شافت الوقت بعد اربع ايام من الحين وارتاحت انه قريب من الشرقية تقدر تروح وترجع لهم شافت المكان مو معروف والكميه كبيره هذي المره بس الي جلطها وعصبها اخر شي ماتحملت وطلعت من عندهم بعد من استاذنت منهم ودقت على ياسر بعصبيه/وش تقصد بأخر كلامك صاحي انت!
ياسر ابتسم لانه يعرف ليه معصبه لهدرجه لانها تحب هذا الشي/بس هذي مفاجأة ما اعجبتك؟
وجد بصراخ/الله ياخذك ارواح الاطفال مو لعبه ترا!
ياسر/جودي لا تصرخين خلاص رح ارسل خمس ثانين
وجد مسكت نفسها لا تصرخ ثاني ويسويه/ياسر
ياسر/نعم
وجد بهدوء وتحاول فيه/ياسر
ياسر/عيونه
وجد/الله يخليك اتركهم وربي ما اقدر اسويها
يباسر/مالي دخل هذا لازم بالمهمه ولا ينقص السعر
وجد بضيقه/تكفى كل شي عادي الا هذا
ياسر استغل الفرصه/كوني حبيبتي
وجد بصدمه/قول غيرها
ياسر بعجز/وش اسوي اكثر ادري مابتحبيني جد بس عادي حتى لو كان حب كذبي
وجد/ياسر اسمعني
ياسر/وش كمان
جلست على الارض بتعب/انا اسفه بس
ياسر قاطعها/لااا تقولين اعرف اعرفف بس وش يقنع قلبي ادري ماتحبيني بس انا اقولك كذا عشان تعطيني فرصه
وجد/ياسر
ياسر ويحس بقهر العالم كله/ليهه ليه ماتحبيني اوعدك اترك كل شي ماتببنه ولا يزعل واتغير بس اعطيني فرصه يرحم اهلك ارحمي قلبي لو دريت انك حبيتي احد الا اقتله واقتلك واقتل نفسي وراك
وجد/بدون هذا الكلام مو وقته الحين الاطفال مالهم دخل واهلهم اكيد خايفين عليهم ويدورونهم صدقني لو هذا ولدك الا تموت عشان تشوفه لو دقيقه عاد وش رايك بألهم الي يدورونهم من وقت ووش رح يحاسون فيه لما يدرون ان اطفالهم ماتو وهو يشرحون اعضاءهم ولا خلنا نكون صريحين مغتصبين انت ادرأ فيهم هذولي الناس لا تسمع لقلبك ولا يهمك الفلوس لو انا اعطيك اياها بس تكفى اتركهم عشاني لو انك تحبني اتركهم ولا ترجع تخطف الاطفال وتبيعهم للي ماعندهم دم ولا امانه
ياسر سكت من كلامها وهو مقتنع بكلامها وجد حست بصوت قريب/ياسر رد علي موافق؟
ياسر تنهد/وانا ارفض لك طلب
وجد/اوعدني تترك هذا الشي
ياسر/ما اوعدك انتي تعرفين شغلي كيف يجبرني أحيانا
وجد/حاول طيب
ياسر/اوك ياوجد
وجد/طيب كل شي تمام الحين وشكرًا ماقصرت
ياسر/عفوا
وجد/يلا بقفل
ياسر/باي وجد قفلت الاتصال وراحت تشوف مين هذا دورت بالمكان مالقت احد ما اهتمت كثير لانها كانت لابسه سماعتها وحاولت تتكلم بصيغه المذكر قد ماتقدر تنهدت وهي تحمد ربها انها قدرت ترجع الاطفال لاهلهم قلبها ما طاوعها لما كتب لها ولما ارسل صورهم ماتحملت اكثر ودقت عليه بعصبيه دخلت المجلس وجلست عند خالد خالد لف عليها/وين كنت
وجد/كان عندي شي ضروري
خالد همهم لها وكمل سوالف مع اهله واصحابه ووجد اغلب الوقت ساكته
مزنه/يلا ياعيالي تعالو نتعشاء
قامو الكل يتوجهون صاله الطعام كانت كبيره وجميله الكل جلس الا وجد لانه اخر وحده وشافت الشباب كلهم بجهه وعائله خالد بجهه راحت جلست عند فارس وقدامها رغد وجنبها من الثاني فيصل حط لها فارس اكل وهو مستغرب هدوئه اكلو الكل ووجد ملاحظه نظرات رغد عليها ما اهتمت ولما قام فارس قامت معه وطلعو اول شي مسكها فارس وجلسها جنبه/رعد وشبك تعبان مو مرتاح؟
وجد/هاه
فارس/وشبك انت فيك شي مو مرتاح هنا!
وجد/لا مافيني شي بس احس فيني نوم شوي
فارس/الحمدلله حسبت فيك شي لان مالك صوت اليوم
وجد رجعت ظهرها على الكنب/ شرايك اصير هادي كذا
فارس ضرب راسها/لا مو لايق عليك الهدوء احب ازعاج
وجد مسكت راسها/وشبكم على راسي اليوم
فارس/هههههههه مين ضربك غيري اهاوشه
وجد/خالد
فارس/افا عليك الحين اضربه لك
وجد/واضح اذا جاء ماتقوله شي
فارس/لا لا كل شي الا احد يضربك
دخلو الشباب دفعه وحده وبزعاج وهواش
وجد/هههههههه مرعجين وزياد وسامي بس يتهاوشون اليوم
فارس/وش هذا الازعاج احترمو اهل خالد
راشد وهو ماسك راس تركي/شدعوه عادي منا وفينا وشد شعر تركي صح؟
تركي مسك شعر راشد/وجع ياورع وجلسو يتهاوشون
راحو فيصل واحمد ونواف وخالد وعبدالله وجلسو عند وجد وفارس
خالد/وشبكم قمتم بدري؟
وجد/شبعنا الحمدلله
خالد/غريبه رعد يشبع
وجد/اكلكم يشبع وكثير
فارس/صادق رعد
خالد/الحمدلله اهم شي اعجبكم الاكل
فارس/لذيذ الصراحه
وجد/اي اعجبني بجلس هنا عشان الاكل
خالد/ابد البيت بيتك بس تدفع كل شي
وجد/لا يابوي خلاص اسحب كلامي
خالد/هههههههه ماتبي تدفع
وجد/اكيد الفلوس اببي اشتري فيها اكل
دخلو اهل خالد ووراهم الشباب والبنات وجلسو وصارو يسولفون بموضييع ثاني وكل شي يتكلم مع الي بجنبه بعدها استاذنوا ام وابو خالد وطلعو ينامون وبعدها الشباب طلعو وجد/الا وين ننام؟
فارس/بغرفة خالد وغرفتنا
وجد/لكم غرفه انتو؟
فارس/اي وكل واحد له سرير
وجد/انتو من جد هذولي اهلكم طيب وانا لي سرير؟
فارس/لا بس على عددنا
وجد/طيب وين انام؟
خالد/تعال نام بغرفتي وسيعه
زياد/مالت عليك ياخاين وحنا قبل بالغصب ندخل غرفتك
خالد/رعد مو مثلكم
تركي/وش يعني؟
رعد/لاني رعد اكيد بكون غير
نواف/لا تصدق بس
فيصل/اقول امسو وضعكم غلط وحنا بنص الدرج ونتكلم ازعجناهم
احمد/ابي انام
عبدالله/منجد ترا تعبانين اذا ماشبعتو من السوالف روحو غرفه خالد وسولفوا
فارس/لا كل واحد يروح ينام
وجد دفت خالد/يلا وريني غرفتك وين بنام
خالد/طيب يلا تعال وراحو الشباب لغرفتهم ووجد وخالد راحو لغرفه خالد
.
.
..