هي البدرُ حسنًا و النساء كواكبٌ💙

البارت ٥٣

الريم:طيب مطول ترا عيد ميلاده بعد العيد ب يوم و العيد باقي له شهر
لينا:طيب و بكره اول يوم رمضان و اول رمضان ل لودي معنا و هو يمشي
ام عزيز:ماشاءالله مره متحمسين
طلع ابو عزيز
ام عزيز:اريام لفي السمبوسه
لينا:عمتي اريام عروسه انا الف السمبوسة معليك
ام عزيز ناضرت الريم:و انتي مو عيب حرمة اخوك تشتغل و انتي جالسه
ضحكت لينا:عمتي و الريم تعبانه ترا بالليل محد جلس مع لودي الا هي
الريم:اي والله يا يمه انها صادقه و بعدين حرمة اخوي ماهيب غريبه تراها بنتك و اختنا
لينا:و بعد صادقه عمتي مانيب غريبه اكرفيني كرف و اطرديني بعد الكرف
ام عزيز:اخسي اي والله حبيبتي انتي الداخله و حنا الطالعين اجل ريموه امسكي ولد اخوك و ابعديه عن شبة النار
الريم شالت خالد و بدأت تلعبه
و كملو شغلهم على ذا الحال ب بيت ام يامن كان نفس الوضع يلفون السمبوسه اريج سندت ظهرها على الكرسي بتعب:خلاص عمتي تعب
ام يامن:اريج من اول اقولك انتي حامل لا تشتغلين بس ما تسمعين الكلام الحين يجي يامن و بيشوف شكلك بيعصب
اريج:ما عليك عمتي اهم شي خلصنا بروح اتروش و بجي اساعدك نرتب المكان
ام يامن نفت بعدم تصديق بس قاطعهم دخول يامن:ارييجج ؟؟؟
اريج التفتت له:هلا
يامن عصب:ليه شكلك كذا يمه مو قلت لك لا تخلينها تشتغل
ام يامن:قلت لها وانا امك بس مهي راضيه
اريج:طفشت يامن طفشت
يامن:قومي قومي
اريج ابعدت:وخرر بروح اتروش و ابي اروح مع عمتي
يامن:وين
ام يامن:بيت ام عزيز
يامن باس راس امه و راس اريج:طيب يمه تجهزو
اريج راحت غرفتها تروشت و تكشخت و نزلت
يامن على طول ناظرها:اريج بتروحين كذا
اريج:ليه؟؟ مو حلو كنت عارفه بتقول مب حلو
يامن:الا حلو بس مره اوفر يعني
اريج ميلت شفايفها:يامن لا تقهرني قول الحقيقه
يامن:امشي ننام و اسحبي عليهم
اريج لبست عبايتها و ابتسمت من جت عمتها:يلا حبيبي
طلعو و راحو بيت ام عزيز و يامن رجع البيت
لينا فتحت الباب:حياكم عمتي بالمجلس يا عمه
سحبت اريج:خير وش ذا اللبس
اريج:اقولك ملابسي كلها تطلع بطني من تحت
لينا:بعطيك كم قطعه ساعدوني بالحمل و بالذات من الشهر الخامس يغطون البطن البسيهم تحت الملابس الي تطلع بطنك
اريج:يلا ندخل
لينا:لودي مشى اول خطواته تعالي تشوفينه
دخلو
لينا:يلا لودي مامي
مشى خالد للمره المليون لان لينا كل شوي تصوره
اريج:يا عمري ماشاءالله
ام يامن:الله يحفظه
لينا ابتسمت تحطه بحضنها:امين يا عمه
الريم:اريام عز يبيك تو عزوز كلمني انه وصل
اريام توترت:انا؟
الريم:اجل انا خطيبي ولا خطيبك هو و بعدين وش مسويه
لينا:اريام مو مسويه شي بس هي تستحي
اريام:ايوه ما ابغى
الريم:اقول اطلعي للمجلس اشغلنا ذا
لينا:روحي اريام خمس دقايق و بدق عليك اتطمن
اريام طلعت و راحت للمجلس
عز ابتسم:هلا بالي سارقه قلبي حلال لك والله
اريام نزلت راسها بخجل تجلس جنبه و هو حط يده على فخذها:جيت ابي نسولف انا و زوجتي شوي
اريام:طيب
عز:كيفك
اريام بخجل:الحمدالله و انت
عز:الحمدالله بخير،نتكلم ب موضوع البيت؟
اريام:عز انا المكان الي انت مرتاح فيه انا مرتاحه فيه
عز باس خدها:صدق اني احسنت الاختيار
اريام:بس ممكن طلب؟
عز:عيوني لك
اريام:بقولك انا ايش احب و ايش يضايقني عشان انا احب الشخص الي يحب الي انا احبه
عز:وش يضايقك ابدي فيه عشان اذا فيني شي يضايقك على طول اغيره
اريام:شوف ادري بتقول هاذي كيف صارت جريئه بس انا ارتحت معك يعني لا تزعلني
عز اشر على عيونه:من ذي قبل ذي
اريام:اول شي احب شكلك بالثوب مررهه ثاني شي يضايقني كونك مرره حلو
عز قربها من خصرها له:وش