هي البدرُ حسنًا و النساء كواكبٌ💙

البارت ٦٥

و بعد ساعتين خلصو منها:ابي احط عدسات لونهم عسلي شرايكم
نفت اريام:لا لا خلي عيونك على طبيعتهم مرهه حلوين والله
الريم:اساسا ما يمدي خلاص حطيتي ميكب بيحوس المسكره اذا دمعتي
الساعه ٨ و نص كل البنات جاهزين الا لينا
لبست فستانها الي بالون الوردي مو طويل يوصل ل اسفل ركبتها فيه نفشه و من الصدر ضيق و بدون اكمام تطلع لهم تحط يدها على بطنها:انتي خير تعبتيني ترا
ضحكو عليها يروحون كلهم يصورون طلتها الحلوه و طبعا جمالهم كلهم ما يفوق
دلع حلست على ركبتها تحط يدها على بطن لينا:يناااسسوو الي يتعب ماما ريفان كل يوم ارفسيها
لينا دفت دلع بمزح:من يروح معي ب سيارتي تأخرنا الحريم راحو
دلع و هتيف و اجوان:حنا معك
و الباقي توزعو الي مع اخوها او زوجها
وصلو القاعه تاخذ لينا جوالها تدق على ابوها:ابوي
ابو لينا:عيونه شفيك يبه
لينا:خالد وينه
ابو لينا:جنبي بحضن عزيز
اقولك ترا عزيز من اول يركض معاه و يلعبه
ابتسمت لينا بحب:طيب بابا انتبه امانه و انتبه لنفسك احبك
ابوها:انشاءالله يعيون ابوك بنتبه ادري ب اخر كلمه ما تقصديني بس معليه حتى انا احبك لا ترقصين طيب يا بابا
ضحكت تقفل جوالها تروح للبنات
من جو المعازيم الحريم الي ترحب فيهم ترد على مباركاتهم و الي جالسه بدأ صوت الاغاني يطلع و من اغنيه ل اغنيه لينا جالسه و اريج برضو
وقت الزفه و دخلو المعاريس و بدو يرقصون مع بعض
اريام بهمس:لا تتحمس للفندق عندي عذر
ضحك عز يهمس:مو كأنه عادي؟
اريام نفت:لا لا مو عادي وين عادي ما يصلح
ابعدو يطلع عز و تروح اريام بخطوات هادئه للكرسي الخاص و خلفه ديكور جميييلل و هاذا كله من لينا الي اضافت لمساتها على الديكور تزيد حلاوته
حطت يدها على بطنها بطنها تعصب على الرسايل الكثير الي تجيها:ياربي انت ربي من ذي
اخذت جوالها تسوف الرسايل من سيلين تدعي عليها بكل شي لدرجه دعت ان لينا تسقط اسغفرت ربها تستودعه اطفالها و نفسها و حتى زوجها تبلك هاذا الرقم بتوتر و خوف ان يصير لها شي بس دام ان ربها معها مستحيل تخاف وقفت تروح للبنات
خلص العرس و للان جا وقت العائله البنات لبسو عبيهم و حجاباتهم بدون نقاب و اريام تغطت
ابتسمت لينا تظهر غمازاتها من جا خالد يركض ينط بحضنها:كيف اليوم و وش صار معك
جلس ابو لينا جنب لينا:ها خلودي ماما وش صار معك
خالد:بابا راح معي البعاله و اكلت رز و لحم و بردو اخذت جوال بابا
و بهمس:ماما كل صورك فيه
تجاهلت نظرات عزيز تبتسم:طيب وش رايك اذا رجعنا تقولي كل شي
خالد:ابي بابا
ابتسمت:لا ماما لا بكره تنام عنده اليوم عندي كفايه اشتقت لك
خالد ابتسم:حتى انتي وحشتيني
لينا:اليوم نسهر مع بعض و نجيب حلويات من البقاله ، يلا يبه نمشي
ابو لينا نفى:يبه لينا انا بروح انام عند جدك و باخذ سيارتك
لينا:عادي ما عندي مشكله بس شنطتي ابيها لودي ماما روح مع جدي اخذ شنطتي و تعال
خالد:اوهه ماما انا تعبان جدي عامل موجود هناك
لينا ضحكت بصوت:مو انت رجال؟
خالد نفى:لا انا حبيبك
لينا:خلاص يبه خل عامر يجيبها
جت رنيم:عمه لينا عادي اصورك انتي طالعه زي الاميرات
ابتسمت لينا:ايوه عادي بس جوال مين ذا؟
رنيم بكذب:جوال امي
ضحكت لينا بعفويه و رنيم صورتها:واوو رنيم مره حلوه
راحت رنيم تعطي عزيز جواله و تاخذ منه خمس مية ريال
و كل ذا تحت انظار لينا المصدومه:يلا مامي نروح؟
خالد:ايوه طلعت لينا من القاعه و لحقها عزيز يمسكها من يدها:لينا تكفين اوقفي
لينا حطت يد على بطنها و يد على راسها:وش صار
عزيز:لينا تكفين والله انا ضعت من بعدك و اكيد تعرفين انها تهددني و انا كشفت كذبتها و الاعيبها تكفين لينا ابوس يدك ما تتركيني زياده
وسعت عيونها بصدمه:وش الي ابوس يدك مستوعب الي تقوله انت
عزيز:انا صرت مجنون من بعدك تكفين ارجعي لي
لينا:انا مستيحل اترك ابوي
عزيز:نروح نعيش معه تكفين لينا والله احبك
لينا تجاهلت تحط خالد بسيارته:و الكلام الي سمعتني اياه لا يكون هي بعد مهددتك
عزيز بدموع و انهيار:والله والله لينا انتي بنظري و بنظر كل العالم انتي اجمل منها والله
لينا:افكر