පහන්සිළු 🖤🌧️

Chapter 4

බීච් එකට අපි යද්දි සිලුක අයියා මට යන්නම් කියලා..බීච් එකට ළඟ අතුරු පාරකින් හැරිලා ගියා..
මාත් බායි එකක් දීලා.. සෙට් එකට වැටුනා..

මඟදි තව කෙල්ලො ටිකක් එකතු උනා..
උන් මාව වටකරගෙන හැව පැච ගාන්න ගත්තා..විස්තර අහ අහ..

සමහරු ඔය අස්සෙ සිලුක අය්යා කෝ කියලත් ඇහුවා..
ඌ ටිකකින් ඒවි කියලා උන්ව ශේප් කරා...

ඔය අස්සෙ කෙල්ලො දෙතුන් දෙනෙක් මායම් බැල්මවල් දාන හැටි මන් දැක්කත්..
මට ඒවා වෙනදා තරම් ගානක් උන්නෑ..
ඇයිද මන්දා..
කිසි ෆීලින් එකක් ආවෙ නෑ.. වෙනදා තරම්...

දසුනයත් එක්ක හෙමීට බීච් එකේ රැල්ල පාගන්න යන්න ලේස්ති වෙන සෙට් එකට මාත් එකතු උනා...
වතුරට බහින්න අකමැති කෙල්ලොන්ට බෑග් බලාගන්න කියලා..
මාත් ශූස් ගලවලා වතුරට බහින්න ලේස්ති උනා..
කාලෙකින් බීච් එකක් පැත්තෙ ආවෙත් නෑ නෙහ්..

"පහන් අය්යෙ.."
අර බෝල ඇස්...මන් ඉස්සරහට ඇවිත් මගේ දිහා බලන් ඉන්නවා..
"ඇයි නංගි? "
ටික වෙලාවක් බලන් ඉදලා මන් එහෙම ඇහුවා..
මේකි ඇස් වලිනුත් හිනා වෙනවා..
කම්මුල් රෝස පාට වෙලා..

එයා හිනාවෙලා..
"මේ අයියගේ බෑග් එකද?"
මගේ කලුපාට බෑග් එක පෙන්නලා ඇහුවා.. මන් ඔව් කියන්න ඔලුව වැනුවා..

මට ඒ එක්කම පෙනුනා ඈත ඉදන්..
කෙල්ලො වගයක් අස්සෙන් ගැලවිලා.. අපේ පැත්තට එන්න හදන සිලුක අය්යව...
ඒ ඇස් මාව දැක්කා..
එයා ඇදුම් මාරු කරලා..එයත් තද කොළපාට ශර්ට් එකක් ඇදලා...

"අයියේ.. මන් එහෙනම් අයියා එනකල් මේ ටික බලාගන්නම්.."
එහෙම කියලා මගේ බෑග් එකත් තුරුල් කරගෙන ශූස් දෙකත් උස්සන් මේකි ඒකිගෙ යාලුවො වගයක් ඉදපු ගල්පොත්තක් පැත්තට දිව්වා..

ඒ මොන කෙක් ගෙඩියක් ද උනේ කියලා හිතාගන්න බැරුව ඉද්දි..
"අඩෝ.. නංගී අපේ බෑග් ගන්න බැරිද...
ඇයි අපි කලුද.. "
කුශානයගෙ සද්දෙ කන අස්සෙන් ඇහෙද්දි මන් උඩ ගිහින් බිම වැටුනා..
මුන් කෑගහලා මාව බීරී වෙනවා දවසක අම්මපා..

"මොකද මිනිහො කෑගහගන්නෙ.."

"ඇයි මොකද.. පහනෝ...ආව්ව්...ආව්.. මූත් හිමිජ්ජා වගේ ඉදගෙන ..අඩෝ මූට තද වෙලා වගේ මුගෙ කෙල්ල අපි ගනී කියලා.. ඇයි උබට බයද..."