و فى مكان اخر كان جالسا يدخن كالعاده بعصبيه دخلت عليه سيده و قالت: حرام عليك نفسك بقى ليل نهار مبتسبش السجاره من ايدك ارحم نفسك
الراجل بعصبيه: مش قادر استحمل انا تقولى اهلى اولى منك ماشى انا بقى هوريها و مش هخليها تشوف عيالها تانى
السيده بنفاز صبر: حرام عليك عيالك انت مش خايف من ربنا يردهولك فى ابنك
الراجل ببرود: ملكيش دعوه انتى روحى اعمليلى كوبايه شاى
( محمد طارق راجل فى اواخر الثلاثينات من عمره لديه ثلات ابناء اثنان من زوجته القديمه و واحده من الجديده محمد لم يتقبل ابدا انه طلق زوجته القديمه من خمس سنوات ليس حبا فيها او فى اولاده بل طمعا فى مالها اما عن تلك السيده فهى زوجته الثانيه اسراء سيده فى اواخر العشرينات لديها ابن واحد من محمد و ثلاثه من زوجها القديم)
عند كنزى الشخص بغضب: و انت بقى المحامي بتاعها بقى ولا اى
كنزى بصدمه: فارس...؟
فارس بعصبيه: انا بقى هوريلك المحامى بتاعها هيعمل اى يا روح امك
انهى فارس جملته و قام بضرب الشخص ضربا مبرحا
كنزى بصدمه: خلاص سيبه يا فارس
فارس بعصبيه يحاول الهدوء فيها: امشى انتى
ذهبت كنزى عند ندى و رحاب
ندى بقلق: اتأخرتى ليه يا بنتى
كنزى بمحاوله منها ان تفوق من صدمتها: فى واحد حاول يدايقنى بس اخوكى اتخانق معاه
ندى بأستغراب: اخويا مين... فارس!
كنزى بإيماء: ايوه
رحاب بتساؤل: لا جدع... بس هو فين البيبسى
كنزى بصدمه: يعنى انا اقولك كل ده و انتى بتسألى على البيبسى اى البرود اللى انتى فيه ده
قطع كلامهم مجئ فارس: يلا يا ندى
كنزى بشكر: شكرا يا فارس على اللى انت عملته ده
فارس و هو يحاول استفزازها: ملوش لزوم الشكر
انهى كلامه و ذهب هو و ندى
و فى مكان اخر كانت جالسه تذاكر كالعاده: يادى النيله السوده ابو التعليم على اللى عايزين يتعلمه
(قالت هذا ريم فتاه فى السابعه عشر من عمرها اخت رحاب الصغرى فى الصف الثالث لديها بشره بيضاء اللون و شعر ويفي طويل و جسد متناسق الى حدا ما و عيون بنيه اللون)
قطع كلامها هذا امها و هى تقول: بطلى برطمه و ذاكرى و انتى ساكته يا بنت ابو الهول
ريم بمرح: يا ماما تعالى اعربى مكانى كده و شوفى هتبقى عمله ازاى كده
الام بضحك: انا رايحه اعملكو الطفح غوري يبت ذاكري
ريم بتنهيده حزينه: طيب
اما عند كنزي ورحاب قالت رحاب: قال هو كدا يعني جينتل مان وتفضلي انتي بقي تسبليلو وهو يسبلك والحوار الفاكس ده
كنزي بغضب: لا يحببتي مفيش الكلام ده لا ويقولي اي ملوش لزوم الشكر ابو شكله مغرور
رحاب بضحك: احسننن ادي اخر تناكة علي خلق الله
كنزي بغضب: مفيش فايدهه فيكييي
اما عند ندي قالت ندي بضحك: لا بس حلوه الحركه اللي انت عملتها دي جنتل يولااا
فارس بغضب وهو يقلد كنزي: شكرا يفارس ع الي انت عملته ده
ندي بضحك: بموتتت انت مدايق يلا ولا اي
فارس بغضب: يلااا!؟
ندي بمرح: يعم بهزر ولا الواحد ميعرفش يهزر معاك مرتدش ع سؤالي برضو بتتهرب صح
فارس بجديه: لا بس هي تنكه ومستفزه مش اكتر
ندي بضحك: طيب اروح اذاكر انا لامتحان بكرا بقي
اما في مكان اخر امام كليه الهندسه قال يوسف بغضب: انا يوسف سامح يتعمل فيا من كدا لا وبنت تنكه وشايفه نفسها ع الفاضي وابن
ال***الي ضربني ده انا هوريهم ازاي يعملو فيا كدا
قال عمر صاحب يوسف بخبث: خلاص هدي نفسك ي مان انا عندي
ليك خطه هتكسر غروررها ده وترجع تترجاك
يوسف بتساؤل: اى هى بقى....؟؟؟
ياتري اي هي الخطه دي وهتنجح ولا لا؟!
نجمه للبارت يسكر لو عجبك ومتنسوش تقولولي رأيكم ف الكومنات يحبايبي🥰🤍🤍
