رحاب: مش عارفه والله بس انا هختفي الفتره دي... باسم
هو انت سجلت الحجز بإسمي
باسم: لا انا لسه مسجلتوش
رحاب: خلاص سجلو باسمك بالله عليك
باسم: خلاص تمام مفيش مشكله
رحاب: ومعلش هقعد عندك اليومين دول
باسم: انتي بتقولي اي ده اصلا بيتك
رحاب: شكرا يباسم خدها باسم ومشي بعد اما سجل الحجز بإسمه زي م قالت رحاب وخدها وركبو العربيه رحاب كانت سرحانه طول الطريق وافتكرت ازاي طلبت مساعدة باسم
فلاششش باااااااك
بعد اما طردتها مراد من الفيلا زحفت رحاب بصعوبه لحد اما استخبت ف ظهر بيت من الي هناك وطلعت التليفون من جيبها واتصلت بباسم
رد باسم وقال: اي يبنتي كل دي غبيه
رحاب: مش وقتو يباسم انا عاوزاك دلوقتي تيجي تاخدني وهبعتلك اللوكيشن
باسم: هو في حاجه حصلت ولا اي
رحاب: تعالي بس بسرعه وانا هفهمك متتأخرش لاحظ باسم من
صوتها انها تعبانه وراحلها بسرعه ع المكان الي هي بعتتو واتصدم لما شاف الدم مغرقها واول م شافته اغم عليها شالها وراح بيها ع
المستشفي
باااااااااك
طلع بيها باسم الشقه بعد اما كانت نامت ودخلها في اوضه مامته الي سافرت تاني بس هو فضل ومسافرش(وطبعا كلنا عارفين فضل ليه) وسابها وطلع البلكونه وفكر هيعمل اي هو بيحاول ميسألهاش علي حاجه علشان هي دلوقتي مش ف مزاج انها تقول حاجه
*****************************
وعند فريال بعد اما خلصت المحاضره نده عليها هيثم وقالها انو عايز يكلمها ف موضوع وان هما هيروحو كافيه وافقت فريال لان هي كانت عايزه تعرف هو ازاي الدكتور بتاعها وازاي اصلا ميقولهاش
ركبت معاه العربيه وكانت عماله تزن طول الطريق يعرفها بس هو قالها ان هما لما يوصلو هناك هيعرفها كل حاجه وصلت الكافيه هناك وكان متزين ومليان شموع وبلالين وموسيقي هاديه اتفاجئت فريال جدا
وسألت:اي ده مين الي عامل مفجأة لحببته هنا احنا شكلنا قطعنا اللحظه عليهم
هيثم كان هيشد ف شعر حواجبه من غباء فريال بس عدي اليوم علشان ميبوظش وقالها: يلا يفريال يحببتي علشان نقعد راحت معاه
وقعدو واو مقعدو قالت فريال: انت ازاي
هيثم: ازاي اي
فريال: ازاي متقوليش انك دكتور جامعي
هيثم: عادي كنت عاملهالك مفجأه... المهم دلوقتي انا عاوزك ف موضوع تاني
فريال: واي هو بقي
هيثم: انا بحبك
