ﺟﻴﻨﺎﺍﺍﺍ ﻟﺪﺍﺭ ﻭﺍﻧﺎ ﺧﺎﻃﺮﻱ ﺧﺎﺳﺮ ﻭﻣﺸﻮﺷﺔ ﺑﺰﺍﺍﻑ ﻛﻠﺸﻲ ﻻﺣﺾ ﻫﺎﺩﺷﻲ ﻭﻛﻴﺴﻮﻟﻮﻧﻲ ﻋﻼﺵ ﺗﺒﺪﻟﺖ ﻓﻨﻬﺎﺭ ﻣﺎﻗﺪﺭﺕ ﻧﻘﻮﻝ ﻟﻴﻬﻢ ﻭﺍﻟﻮ ﺣﻴﺖ ﻛﻨﺖ ﺧﺎﻳﻔﺔ ﻧﺠﺒﺪ ﺍﻟﺼﺪﺍﻉ ﻟﺨﻮﺗﻲ ﻋﻠﻰ ﻭﺍﻟﻮ .. ( ) ﻓﻀﻠﺖ ﻧﺴﻜﺖ ﻭﻧﺴﺎﺍﺍ ﺍﻟﻤﻮﻭﻭﺿﻮﻭﻉ ﺩﺍﺯﺕ ﺷﻲ 3ﺷﻬﻮﺭ ﻣﺮﺕ ﺧﻮﻳﺎ ﺣﻤﻼﺕ ﻭﺑﺪﺍﺕ ﺗﻮﺣﻢ ﻋﻠﻴﻨﺎ ﻭﺗﺨﺎﺻﻢ ﻣﻊ ﻣﺎﻣﺎ ﻭﺗﻘﻮﻝ ﻟﺨﻮﻳﺎﺍﺍ ﺍﻟﻮﺣﻢ ﺟﺎﻧﻲ ﻋﻠﻰ ﻣﺎﻣﺎﻙ ﻣﺎﺑﻐﻴﺘﺶ ﻧﺸﻮﻓﻬﺎ ﻓﺪﺍﺭ ﺧﻮﻳﺎ ﻣﺴﻜﻴﻦ ﺣﺸﻢ ﻣﻦ ﻣﺎﻣﺎ ﺍﻗﻮﻝ ﻟﻴﻬﺎ ﺩﺍﻳﻚ ﺍﻟﻬﺪﺭﺓ ﻭﻟﻜﻦ ﻣﺎﻣﺎ ﻓﻬﻤﺎﺍﺍﺍﺕ ﺍﻟﻤﻮﺿﻮﻉ ﻭﻣﺸﺎﺕ ﻋﻨﺪ ﺧﺎﻟﺘﻲ ﻭﺍﻧﺎ ﺑﻘﻴﺖ ﻣﻌﺎﻫﺎ ﻓﺎﻟﺪﺍﺭ ﻭﻟﻴﺖ ﻧﺪﻳﺮ ﺍﻟﺸﻐﻞ ﻛﻠﻮ ﺑﻮﺣﺪﻱ ﻭﻋﺎﺩ ﻧﻄﻴﺐ ﻟﻴﻬﺎ ﻟﻜﺘﺸﻬﺎﺍﺍﺍﺍ.. ) ﻭﺍﺣﺪ ﺍﻟﻨﻬﺎﺭ ﻛﻨﺖ ﻧﺎﻋﺴﺔ ﺑﺎﻟﻨﻬﺎﺭ ﺣﻴﺖ ﻋﻴﻴﺖ ﻣﻦ ﺍﻟﻮﻗﻮﻑ ﻓﺎﻟﻜﻮﺯﻳﻨﺔ ﺣﺘﻰ ﺣﺴﻴﺖ ﺑﺸﻲ ﺣﺪ ﻛﻴﺮﺵ ﻋﻠﻴﺎ ﺍﻟﻤﺎﺀ ﻓﻘﺖ ﻣﺨﻠﻮﻋﺔ ﻟﻘﻴﺘﻬﺎ ﻣﺮﺕ ﺧﻮﻳﺎ ﻭﺍﻗﻔﺔ ﻋﻨﺪ ﺭﺳﻲ ﻭﻣﺨﻨﺰﺭﺓ ﻓﻴﺎ ﻗﺎﻟﺖ ﻟﻲ ﻧﻮﺩﻱ ﺗﻜﻌﺪﻱ ﻭﺍﺵ ﻣﺤﺸﻤﺘﻴﺶ ﺗﺨﻠﻴﻨﻲ ﻣﺮﻳﻀﺔ ﻭﻧﻌﺴﺘﻲ ﺍﻧﺎ ﺭﺩﻳﺖ ﻋﻠﻴﻬﺎ ﺑﺸﻮﻳﺔ ﻏﻴﺮ ﺑﺎﺵ ﻧﻘﺺ ﻣﻦ ﺍﻟﺼﺪﺍﻉ ﺣﻴﺖ ﻭﻟﻴﺖ ﻋﺎﺍﺍﻳﺸﺔ ﻣﻌﺎﻫﺎ ﻓﺎﻟﺠﺤﻴﻢ ﻭﺣﺘﻰ ﺣﺪ ﻣﻔﺨﺒﺎﺭﻭ ﺩﺍﻛﺸﻲ ﻏﻴﺮ ﺳﻤﺤﻴﻠﻲ ﺍﺧﺘﻲ ﺩﺍﺗﻨﻲ ﻋﻴﻨﻲ ﺑﻼ ﻣﺎﻧﺤﺲ ﺍﺵ ﺣﺎﺍﺏ ﺍﻟﺨﺎﻃﺮ ﻗﺎﻟﺖ ﻟﻲ ﻭﻫﻲ ﻣﻌﺼﺒﺔ ﻧﻮﺿﻲ ﻃﻴﺒﻲ ﻟﻲ ﺍﻟﺒﻴﺘﺰﺍ ﻗﺒﻞ ﻣﺎﻳﺠﻴﻮ ﺧﻮﺗﻚ ﺍﺗﺤﺴﻮ ﻋﻠﻴﻬﺎ ﻛﻤﺪﺗﻬﺎ ﻓﻘﻠﺒﻲ ﻧﻀﺖ ﺻﺎﻭﺑﺘﻬﺎ ﻟﻴﻬﺎﺍﺍ ﻭﺧﻠﻴﺖ ﺣﻖ ﺧﻮﺗﻲ ﻓﺎﻟﻜﻮﺯﻳﻨﺔ ﻭﻣﻠﻲ ﺍﺟﻲ ﺧﻮﻳﺎ ﺗﺒﻘﺎ ﺗﺒﻮﺣﻂ ﻋﻠﻴﻪ ﻭﺗﻘﻮﻟﻮ ﺭﺍﻩ ﺧﺘﻚ ﻣﻜﺘﻬﻼﺵ ﻓﻴﺎﺍﺍﺍ ﺩﺍﻙ ﻧﻬﺎﺭ ﻧﻴﺖ ﻗﺎﻟﺖ ﻟﻴﻪ ﻃﻴﺒﺎﺕ ﺍﻟﺒﻴﺘﺰﺍ ﻟﺨﻮﺗﻬﺎ ﻭﻣﺪﻭﻗﺎﺗﻨﻴﺶ ﺟﺎ ﻟﻌﻨﺪﻱ ﺧﻮﻳﺎ ﻋﺎﻳﺮﻧﻲ ﻣﺰﻳﺎﻥ ﻭﻣﺎﺧﻼ ﻣﺎﻗﺎﻟﻲ ﻭﺍﻧﺎ ﻛﻨﺖ ﻏﻴﺮ ﺣﺎﻧﻴﺔ ﺭﺍﺳﻲ ﻣﻘﺪﺭﺕ ﻧﻨﻄﻖ ﺑﺤﺘﻰ ﻛﻠﻤﺔ ﻭﻫﺰ ﺩﺍﻙ ﻃﺒﺴﻴﻞ ﻭﺩﺧﻠﻮ ﻟﻴﻬﺎ ﺍﻟﺒﻴﺖ ...... يتبع
