سـواد اللـيل ..!
تتلملـم حمامات
ألحزن بيه..!
ومصابيح المدينه تموت
مظفر النواب
ــــــــــــــــــــــــــــــــــــــــــــــــــــــــــــ
گاعده بسيارة عرسي بصف الرجال الي يسمونه ابن عمي ومغطيه وجهي وماشفت شكله ابد انخطبت وعرست واني ماشايفه جهرت رجلي صح ابن عمي بس مايجون يمنه ابد خاصه هو مايجي اسمع همساته وتلعب نفسي شنو هذا شبي يريد يزوع وصلت الزفه ماوطلت خمس دقايق بيتنه مو بعيد عن بيت عمي طبيت لبيتهم وكعدت وداير مدايري خواتي ونسوان نص اعرفهن ونص لا واجه رجلي الشفيه واني شفته واخترعت عنده كرش عيونه صغار سنونه صفر لعبت نفسي من ضحك يا شبي هذا ماعنده فرجه واباوع مرت عمي فرحانه تهوس وخلصت الزفه طببوني لغرفتي وطلعت الوادم بقينه وحدنه
فهد: مبروك حبيبتي ويريد يبوسني
عفراء: اوكف اوكف روح فرج سنونك لعبت نفسي
فهد: ها
عفراء: اي كوم كوم تره هسه ازوع عليك
فهد: كمت كمت حبيبتي
عفراء: طلع يفرج واني صفنت زين يسمع الكلام رجع وره اقل الدقيقة ادري شوكت لحك بس يلا احسن من قبل
فهد: نتعشى حبيبتي
عفراء: اي اني جوعانه
اكلنه وتمت ليلتنه كلشي مافهمت بس الي كالتلي عليه امي سويته كعدنه الصبح جابولنه ريوك تريكنه وتلث ايام على هاي الحاله الا ان اجه وقت اطلع بيه انضف
بيت متكون من ٧ ولد اكبرهم فهد مابي بت البيت غير اخت فهد عمرها سنتين وامهم مرت عمي الي تزيح الوصخ وتكعد
مرت عمي: ها كعدت العروس
عفراء: اي عمه كعدت
. يلا سوينله ريوك عمج يتريك من وكت
عفراء: صفنت ماعرف اسوي اي شي حتى جاي ماعرف كل عمري ١٤ مافهم شي بلطبخ
واستحيت اكللها ماعرف
كمت للمطبخ وضليت واكفه اجه اخو رجلي احسان الصغير هذا يعرف يطبخ ردته يعلمني بس ماريد اطلب شلون فكري عفراء ضحكت بصوت احسان يحب اختي سحر يموت عليها خلي اضحك عليه
عفراء: احسان تعال اوكف يمي اخافن وحدي
احسان: ها يلا يمج
عفراء: شلونك احسان
احسان: زين زين
عفراء: ي الحمدلله
احسان: شلونها سحر
عفراء: ابتسمت بمكر تعال شغلي الچوله واحجيلك
احسان: حته اطكلج البيض بس احجيلي
عفراء: لا لا اني اسوي عمتي ماتقبل
احسان: اكللها انتي طبختي
عفراء: يلا خوش وضليت اباوعله شلون يشغل الچوله ويطك البيض وهو يسالني على سحر واني اجاوبه جذب وصدك
وهيج تعلمت اطبخ شويه شويه وي احسان حتى خبز علمني كل هذا ماكلت لعمتي ماعرف عبن ماريدها تلزم عليه لزمه ولا تحجي علينه بنات نجم هيج وهيج وكلشي مايعرفن
مشت هيج حياتي وطبعا عيالي بيهن الزين وبيهم الموزين مثل رجلي الشفيه عطال بطال يطلع يوم يجيب شكم فلس والباقي الي يدبر الله شهر ابيت عيالي يوميه اعرف واحد شنو طبعه مثل عمي يفكر بس ابطنه ويكعدنه ب٦وماعده رحمه لا لابنه ولا الي احد كلهم يعاملهم معامله الخدم عنده انسان طاغي ظالم ريوكه وحده غداه وحده اذا خلص اذان الضهر وماخليت الغده يمه يكوم يرعد عليه ويصيح ويغلط ع ابوي الي اكبر منه وقدره وانطاه بته ولو همه من نفس الام بس مو نفس الابو ماكو محنه بينهم ابوي حنين بس عمي مخبل ساكنه جني و ولد عمي زينين وياي كلهم اكبر منهم اني بس مؤيد بكدي وهذا سوالفه حلوه حتى هلي يحبوه هو خطيه من جان صغير صخن وضربوه ابره ونشلت رجله وهسه هو معوق يمشي ع رجل وحده
ــــــــــــــــــــــــــــــــــــــــــــــــــــــــــــ
دنيا: ز زينه تعاي امشطلج
زينه: اجيت اكلج دنيا
دنيا: ها
زينه: ليش انتِ هيج حبابه ومو عصبيه وتحبينه وماتضربينه من تمشطين شعرنه
هدوه بصوت طفولي: احنا نحبج دنيا انتِ امنه الثانيه
دنيا: ح حتى اني احبجن
زبيده: اسمع حجيهن وابتسم صدك دنيا ام ثانيه لاخواتي الصغار هي اكبر مني بس هي من الله لسانها ثكيل وماعدها صوت هادئه حيل
دائما تاخذ الرزاله هيه والضربه هيه
اذكر من جنه حيل صغار وجان يشغلون التلفزون بس ساعه ب٥ العصر يشغله الريس ويطفي ب٦ وهذا وقت اذان المغرب واحنا نكضي حاجتنه كلنه بسرعه بسرعه علمود نلحك نباوع لسالي واحنا واكفين نباوع ودنيا تراقب من الشباك لايجي ابوي بس سمعنه صوت ابوي كلنا طفرنه وشردنه الا دنيا تمشي على كيف اطفي التلفزيون وشافها ابوي واني اصيح وليج عوفي عوفي شردي وهو شافها وضربها راشدي وكام يصيح عليها ويغلط وهي اجت تضحك ما اشاف سالي ماشافها
كلنا نقهرنه عليها لان هي انضربت وضمت قهرها بكلبها وسكتت
فزيت من صفنتي على صوت امي
زبيده تعاي احاجيج
زبيده: ها يمه
. ماكو شي منا منا
زبيده: بقهر لا يمه
. يعني شنيه مابيج حبل
زبيده: ماعندي يمه
. هاي مرت اخوج مالك البطن الثانيه وانت ماكو وانتن تزوجتن سوه
زبيده: لاتخليني اشك زيجي هو بأيدي خليت دكتوره سيد علويه ماجاي يصير عندي
. الله كريم يمه
زبيده: كمت من يمها مهضومه وكلامها طحن كلبي طحن وكعدت بغرفتي ابجي واذكرت عرسي الاكشر زوجوني لابن خال ابوي هذا يتيم ام وابوه ميت زوجني ابوي اله وحطله غرفه ابيتنه وصار رجلي كعيدي وفوك الحجي الي اسمعه لان رجلي كعيدي ماخلف وماعندي بزر يحملني باجر ورجلي يحبني ويموت عليه بس اني ماحبنه ابد ماحبيته ابد هو عصبي عصبيته ماتنحمل بس يحبني اذكر مره ضرب زينه اختي الصغيره لان جانت تلعب بلشارع وكاللها طبي جوه. مارضت وضربها شبعا دك وامي عيرته فوك مامكعدتك ابيتي تضرب بتي ولعبت لعب بي ماكاتلها ضرب زينه بس هي تريد تسمعه وتسمعني چلمتين يسمن بدنه سم
حميد: كومي سويلي جاي
زبيده: خزرته شوكت تبطل سوالفك عاجبك وضعنه
حميد: لاتخليني امد ايدي عليج زبيده
زبيده: كمت ساكته حقه تصير بي حاله نفسيه هم يتيم وهم الناس ما راحمته وهم اني مابادله الحب بس شسوي مو بيدي ماحبنه بس هم ماعوفه ومسويه وجباتي الزوجيه اتجاهه
ــــــــــــــــــــــــــــــــــــــــــــــــــــــــــــ
عفراء: فهد حاجي ابوك اريدن نروح لاهلي مسوين هناك كعده
فهد: ماحاجي خلي مؤيد يحاجي
مؤيد: اشش محد يروح ينام ونروح
عفراء: تخلص الكعده والمحيبس وكل الناس تروح
مؤيد: هسه اشوفنه
عفراء: كام مؤيد شافه ورجع كال ابوي نام يلا امشونه رحنه اني وفهد ومؤيد لبيت اهلي كل خميس يسون كعده اخواتي وبنات خالاتي ولد عمومي كلهم يشغلون المسجل على اغاني ياس خضر ونلعب محبيس ونضحك وسوالف ل١٢ بليل من صدك تونست يمهم وفرحت بخواتي وهلي صارت ب١٢ طفر مؤيد يلا امشونه لايكعد خلف وينيمنه بلشوارع اليوم
عفراء: مشينه من بيت اهلي لبيت عيالي مسافه ربع ساعه مشي طبينه وسدينه باب الحوش وعلى كيف نمشي وبدون صوت ونريد نفتح باب المطبخ لكيناه مقفول واني كمت الطم يا اليوم نبقى بلشارع يلحسين صخام راح يكعد عمي شلون يربي
مؤيد: صوتج يمعوده لايكعد شبيج لطمتي شبيج
فهد: مؤيد اطفر وافتح الباب
. ي هسه
فزينه من نفتح الباب وعمي كبالنه
عمي: منين اجيتو رجعو....................
يتبع.
أنت تقرأ
مابين الوهم والمُر
General Fictionفي كثير من الاحيان لا نعلم الى اين تأخذنا الحياة ، لكن ستبدأ حياة ابطالنا منذ رحم المعاناة والمُر مابين كل من ابطالها من يعيش قصتهُ بين الالم والمرض والحزن اوهمني بحبه وكنت مقتنعة لكن جرعت المر منه
