❤️‍🔥اسميتها دقات قلبي 👑

بارت 6

بقلم 🪈:جوديا رماش
من طرف 🖍️: ليلى لولينا
💄 أسميتها دقات قلبي

💄 الجزء: 6 🧪

تعاشات العشية و الحال ضلام، سيد(sid) حلف ما تفلت عينيه على بثينة حتى رجعها لدار و دخل فريد، عاد طلق مسؤوليتها من يدو.

فريد : بصحة الحمام دابا عاد وليتي بنادم.
بثينة: واش ما حاسش بلي كتعامل عادي زيادة، ولا نسيتي بلي 5 سنين و زيادة ونتا فالحبس، مخلينا بوحدنا لا والي لا تالي، كون ما سيد لي قابلني و رباني و ربى راسو يعلم الله فين نوصلو.
فريد: بثينة ما كاين لاش ضلميني راني خوك، و بنادم كيغلط و اه غلطت ولكن ما فتكمش وصيت لي يقابلكم.
بثينة: فرق كبير بين يقابلنا خونا الكبير تاج راسنا و عرضنا و بين يخلي شمايت يقابلونا و يتزللو علينا، الى كانت هادي هي الخاوة عندك بناقص منها.

حطات طرفها ديال الخبز و جمعات الوقفة انسحبات من حداه، مخلياه كيشوف فبلاصتو حتى جمع الوقفة على غفلة، مخلي طبلة تقلب بيها بالعشا ديالها، عاد تواجه مع سيد لي بدا كيرجع باللور، وهو صوت سنانو كيتسمع تقرقيبهم من بعيد

فريد: كللللمة وحدة، تقوووول شكون هدا ولا بالرب حتى نشعل فمكم كلكم العافية.
سيد: مممممم مممممم
فريد: باركة ما تمتم دوووووي.
سيد: يوووونس يونس يونس، تتتا تايتعرض ليها.
بثينة: و داك الفم لي قال كيتعرض ليها قوليه يقول ضربك ملي حبستيه.
فريد: بثيييييينة.
سيد: ممممما ما دير والو
فريد: بيتك يلاه غبر عليا.

بالخف انسحب سيد من حداه دخل لبيتو، عاد تحنى فريد كيلبس سبرديلتو بغضب، وهو عينيه كيلبعو فبلاصتهم، حتى تحرك خارج من دار ناوي ليلة ما دوزش على خير.

بثينة: سيد حل الباب وا سيد.
سيد: شنو بغيتي راه شريتي صداع، و يدابز تاني و يدخل لحبس.
بثينة: و اشنو بغيتي داك شماتة يبقى تابعني من قنت لقنت، حتى شي نهار يشدني يتكرفس عليا، و نصدقو فشي طاب وشي ما طاب، اللهم يطيب لبوه جناب من دابا باش ما يتعرض ليا لا هو لا غيرو.
سيد: سيري تنعسي نفيقو بكري.
بثينة: والله و تفيقني مع 6 حتى نريش بوك.

لاحت ليه كلامها و تحركات كتجمع داك الروينة لي تشتات، في حين سيد جلس فوق ناموسيتو كيراجع القضية لي قدامو و كيقراها حرف بحرف.