❤️‍🔥اسميتها دقات قلبي 👑

بارت1

بقلم🪈: جوديا الرماس

منقولة عن طريق 🖍️: ليلى لولينا
 
💄 أسميتها دقات قلبي

💄 الجزء: 1 🧪

صوت الهدرة مخلط مع غوات دراري صغار، و صوت الكرة كترطم مع الحيط،  داخلين من السرجم مباشرة لودنو مشوشين عليه نعاسو، حتى تقلب على ضهرو و هز يدو حطها فوق جبهتو، وهو مغمض عينين وكيصوط بغضب واضح على وجهو

.....: يا ربي يسكتو يا ربي...واش هادو ما عندهم واليديين يشدوهم؟؟؟ بناقص منو نعاس كاع.

فلحظة لاح الغطا لجنب و ناض جلس فوق سداري كيحك عينيه ، حتى سمع صوت الساروت كيدور فالباب عاد دور وجهو، فانتظار زائر لي داخل عندو.
ثواني قلال و بانت قدامو كتسد باب دار من داخل، عاد تحركات جلسات حداه.

.....: على سلامة لالة بثينة دخلات، داك الحلوق تبقاي غا طالقاه فباب دار ما كاين لي يحكمك ابنادمة ولا؟؟؟ اجي حفظتي بعد عاد خرجتي لباب دار!!!
بثينة: والله حتى حفظت.
....: مالك كدوري فعينك؟؟
بثينة: بغيت فلوس الحمام و ما نتعطلش، والله فريد.

هز راسو كيشوف فيها، حتى خشا يدو فجيبو جبد منهم فلوس حطهم فوق طبلة، و بقا حاط يدو فوق منهم، عاد هز راسو.

فريد: فلوس الحمام و فلوس الكوافورة، و ما تخرجي حتى يجي سيد و يديك و يجيبك.
بثينة: ارا الفلوس و سيد هاهو يدخل دابا، نوض نجمع حوايجي بعد و نمشي انا و صحبتي.

جمعات الوقفة و تحركات من حداه داخلة لواحد من البيوت، حتى سمعاتو كيغوت وهي تهز راسها باش تجاوبو.

فريد: و طيبي لي ما نكل عاد سيري.
بثينة: وااا نووض لثلاجة ما عندك رجلين.
فريد: راه والله حتى نوض لمك، راك زغتي تاني و هاني جيت.
بثينة: صافي نوض جيب السكر من الحانوت راها تقدا صباح.
فريد: واش تاني الخبز
بثينة: ايه ايه

جمع الوقفة كيستغفر مولاه عاد لبس صندالتو و تحرك خارج من دارهم، حتى وقف فباب الدار كيشوف دراري باقيين كيلعبو، حتى تحرك قاصد الحانوت