❤️‍🔥اسميتها دقات قلبي 👑

جزء الثالث (بارت 3)

بقلم :🖍️ جوديا رماش

تنقل من طرف🪈
ليلى لولينا
💄 أسميتها دقات قلبي

💄 الجزء:  3🧪

فمكان اخر وبلد اخر بعيد على البلد لي فيه فريد و خوتو،
كانت حانية راسها على طبسيل كتقادو بهدوء و تركيز، كتحاول شحال ما قدرات تجاهل صوت الغوات و صداع و تقرقيب لي حدا ودنها، يديها كيبانو كلهم موشومين مع كل حركة حركاتهم، حتى هزات راسها كتبتسم و كتستعد تهضر، حتى سمعات شي حد كيعيط وهي دور وجها.

.....: سووووودهاااااا...سودها عتقي.
سودها: سالا دوام ديالي مع هاد طبق اسي كارلو.

تبسمات ليه و دارت حطات طبسيل، و بدات تحيد طابليتها حتى حبسها.

كارلو: لالالالا عفاك طبقيين لجوج ناس صافي.
سودها: راه دوام ديالي سالا، تسنى شاف تي جي ملي يدخل يكوبي هو يقادهم.
كارلو: ما كيعرفش يصرع سوشي، اوووف ونخلصك.
سودها: 20 دولار.
كارلو: بداااي ها كوموند عندك.

مدات يدها الآلة لي قدامها و جبدات منها تيكي، و بدات تقرا اش فيه حتى لاحتو للمساعدين ديالها، و تحركات كتجبد الماعن فاش طيب.
سودها: جيب صوص حارة بزيادة و زنجبيل.
المساعد1: موجودين.
سودها: روز فالوقت ديالو كتسمع، و حرك كل دقيقة عكس عقارب ساعة.
المساعد2: مفهوووم الشاف.
سودها: على بركة الله

حنات راسها و هزات موس كبير، و بدات كتقطع بيه الخضرة و الديسير لي تحتاج بسرعة، وهي عينيها كيدور على كاع المساعدين، و طباسل لي تستفو قدامها فلحظة.
المساعد3: شااااف لحم واجد.
سودها: قادو هاني وجدت طبق لي يتسربى معاه، يلاه يلاه نتوما ما نبقاوش هنا عام راه غير جوج اطباق.
المساعد3: شووووو شوووو شووو

كلمة اول ما قالها خواو من قدامو طريق بسرعة، وخلاوه يدوز هو الاول بطباسلو ديال لحم، حطهم قدام سودها لي بدات فيهم زينة بطريقتها الخاصة، عاد دفعات الطبق الاول يخرج، و تحنات كتوجد سوشي و ليصوص لي كيكونو معاه، و هاد المرة بوحدها بلا مساعدة حد، كتلوي و تقطع و تستف وهما واقفين من بعيد كيتعلمو.

دقائق قلال و كانت سالات طبق تاني و دفعاتو يخرج حتى هو لزباين، عاد وقفات مع المساعدين ديالها.
سودها: موعدنا مع 9 هنا باش نكوبيو بلاصة شاف تي جي، هذا واش جا ولا ما جاش.
تي جي: لا لا جيت غير كنساينك تخوي كوزينتك باش ندخل
سودها: ترونها نرون لك وجهك.
تي جي: مسترجلة