رغبات خاصه 🔥
الحلقه (20)
بقلم مروان فرج
.
.
لايك وتعليق وصلوها 700لايك ونزلكم الحلقه 21
ع السريع🔥
.
.
انا... خديت تلفوني وفتحت نت وشويه ورفعت راسي بنشوف محمد مالقيتاش توين مشي هذاا قعدت نشوف يمين ويسار بس مالقيتش ولا حد
نزلت من السياره هكي والتفت علي ورائ وكانت الصدمه يلي ماتوقعتش يوم تصير لقيت محمد واقف هوا وريان بحدا بعض ويحكو شوي وكانو بالدرقه دوب ماشفتهم😨🔥
انا.....محمد بصوت عالي شن ادير معا رياااان قولي
محمد...انصدم لما شاف خلود تشوفله ومعاش عرف كيف يدير بكل
انا...شفت لريان بنظره وريان طول خشت للحوش بدون ماتحكي معاي ولا حرف بكل ماتت من الخوف 💔🙂
محمد...تي اسكتي ي خلود مش وقتك توا اركبي خليناا نطلعو وجي بسرعه سكر كوفني السياره
انا...توين بتمشي خليني نمشي نحكي معا ريان ونفهم منها ليش ادير هكي ونا قولت خيرها ريان مسكره راسها وماتبيش ترجع لعادل تاريتها انتا تحكي معاه وفتحت باب السياره وجيت ببنزل وبنمشي لريان
محمد....مسكني من يدي مسكه قويه وركبني ف السياره وسكر السياره بالقفل من داخل وطلع بسرعه من قدام حوش اهل ريان عشان مايحسوش بشي
انا....محمدددد ليش درت هكي ف خوك عادل ليش حبيت مرته وخليتته يطلقها ليش هكي بس🥺💔
محمد....تي سكري فمك خليني نحكيلك بس وانتي من اول ماركبتي وانتي تبيش تخلي حد غيرك يحكي اسكتي خليني نفهمك
انا....تي شنوو مزال بتفهمني ماهو كل شي واضح قدامي ماعندكش ليش بتفهمني اصلا انتا وريان خنتو عادل صح ولالا🙂🔥
محمد...لا مش هكي بكل انا كلمت ريان بعد عادل طلقها وبس مافيهاش لا عيب ولا حرام
انا....شفت لمحمد بنظره هكي وقوتلا انتا كداب ي محمد ورح نخبر عادل وامي عليك وعلي افعالك ورح نوريها ريان هالحيوانه هاذي غير نشدها بس
محمد....مش رح تستفيدي شي ديري يلي تبيه بس ع فكره لو قوتلي شي من يلي شفتيه توا رح نخليك تندمي ي خلود ونا محمد لما نقول شي تعرفي كلامي كويس
انا...محمد ع نفسك مش عليااا ي خاين تفووو عليكم تعرف ماتوقعتش يجي يوم ف حياتي ونشوف الشي هذا بجديات لو يعرف عادل شن رح يصير ترااا قولي وشفت لمحمد
محمد.... عادل طلق ريان وحاليااا ريان حره تزوج من تبي يعني حتي لو عرف مش رح يصير شي
انا...قعدت نشوف لمحمد ونبي نعرف كيف قدر يتكلم بالصراحه هاذي معاي بس مافهمتيش ليش نحس فيه مش خايف من شي بكل او ممكن هوا مخلي نفسه قوي قدامي بيش نا نانخليش يخاف مني ونحكي علي يلي شفته🙂🔥
محمد....تبي تحكي احكي ي خلود انا لما نكمل حوشي رح نكلم امي ونخطب ريان وخلي يلي بيصير يصير وهذا قراري النهائي ومش رح نتراجع فيه بكل🔥😐
انا ...تمام يا محمد وقعدت ساكته لعند ماوصلنا قدام حوشنااا نزلت نا وخشيت ولقيت ماما وبابا قاعدين مقعمزين يتفرجو ع الشاشه وخش وراي محمد
انيسه....خلود شن صار معاك شفتي ريان وحكيتي معاها ع الموضوع يلي قوتلك عليه ولالا
انا....اي كلمتها يااماما بس بدون فايده
محمد...طول خش لداره مباش يقعد بكل خاف انا خلود تحكي لامه
انيسه....الله غالب شني انتي اليوم بايته هنا ف الحوش يعني مش رح تروحي لحوشك
انا....ارتبكت شوي وقوتلها اي قاعده اليوم لانا اكرم عنده شغل وقالي باتي
انيسه....باهي خودي راحتك ي بنتي الحوش حوشك ❤️
انا ..ربي يخليك لياا ماما وخشيت لداري يلي زمان كنت قاعده فيها غيرت دبشي ورقدت علي سريري وشديت تلفوني وجيت بنرن علي ريان وبنقولها كلام من داخلي بس عارفته مش رح ترد عليااا بعد يلي صار وفي نفس الوقت قولت مرات نكون ظالمته وزي ماقال محمد حكي معاها بعد ماطلاقها عادل بس مهما يصير ماتجيش لقطه من محمد بكل يخون خوه 🥲🔥
قعدت متوتره ومش عارف شن ندير بكل ع رنت تلفوني نضت مخلوعه شديت تلفوني وقولت من يلي يرن علبااا ف الوقت هذا لقيت اكرم يرن علبااا استغربت ليش لكرم يرن عليااا توا بس قولت اكيد رح يطلقني بعد كل يلي صار امس بحد حسيت بشي من داخلي مش حلوو بكل....💔🥺
شديت تلفوني ورديت علي اكرم وقولت خلي يلي بيصير يصير قلبي مش ناقص انا رديت ع اكرم الووو
اكرم....اسمعي ي خلود هما كلمتين بس تمام ومش رح نزيد عليهم شي تاني
انا....قولي شن هما
اكرم....يااما خوك عادل يرد الفلوس يلي خنبهم من الشركه وننسي انا كل شي صار بيناتتا ونروح بيك لحوشي وتقعدي مرتي زي الاول زي التاني❤️
انا....باهي وشن الخيار التاني
اكرم....يااما رح نديرلكم فضيحه كبيره ومش رح تفهمو كيف رح يصير فيكم انتي وعليتك وخوتك ونطلقك ونطلعلك عليك هلبااا كلام وانتي ديري رايك رح نعطيك 3ايام وبعد ثالت يوم نبي جوابك تمام زيدي فكري المره هاذي اكرم راهو مايلعبش بكل هياااا سلام وسكر الخط في وجهي🥲🔥
انا.....اوووووف يااربي شن هذا معقوله عادل بيرد الفلوس لاكرم هاذي شبه مستحيله بكل يديرها عادل اااه وخلاص شن ندير نا بس شن ندير
سكرت تلفوني وغميت روحي بالبطانيه ومن داخلي نحرق نبي نطلع من كل الكابوس هذا يلي عايشه فيه بين اكرم وعادل ومحمد كل واحد فيهم عنده رغبات الخاصه ونا الضحيه يلي جيت بيناتهم رقدت ونا من داخلي مضايقه🥲💔
أنت تقرأ
رغبات خاصه 🔥
Gizem / Gerilimعائلات واشخاص هلباا وكل شخص وعنده قصه بروحه احداث نار روايه تحت اسم رغبات خاصه 🔥🔞
