رغبات خاصه 🔥

الحلقه 10

رغبات خاصه 🔥

الحلقه (10)

بقلم مروان فرج
.
.
لايك وتعليق وصلوها 700لايك ونزلكم الحلقه 11
ع السريع🔥
.
.
اكرم....اسمعي ي ريماس مش بكره بنمشو لحوش عمي علي بيش نرفعو البيان متاعي
ريماس...اي تمام
اكرم.... خلاص نبيك اول ماتوصلي غادي وتخشي داخل الحوش...خودي تلفون خلود وحاولي تجيبلي رقمها او خودي من اي حد مهم نبيه ضروري🔥
ريماس.....تحكي بجديات ي اكرم ليش تبي رقمها انتا😳🔥
اكرم.....ماعليك انتي مادخلكش ديري يلي نقولك عليه وبس فاهمه ولالا 🔥
ريماس....باهي نحاول لانا مرات مانقدرش
اكرم....ديري جهدك مهم نبي رقم خلود وبس ولو جبتي رقمها ي ريماس رح نجيبك معاي هديه تعجبك
ريماس.... إنشاء الله حاضر ❤️
اكرم.... خلاص امشي توا ارقدي بيش بكره تنوضي بكري وتجهزي روحك من الصبح نبيك تطلعي احلي وحده
ريماس...هههه احلي من حتي خلود
اكرم....ههههه تي امشي قوتلك سادك من الكلام 🙂😂
ريماس.....من عيوني ومشت لدارها واكرم قعد مكسد ع الصالون ويتفرج ع الشاشه شوي ورن تلفونه
طلع اكرم تلفونه ولقي عادل يتصل بيه اكرم ابتسم ابتسامه خبيثه وطلع برااا ركب ف سيارته ورد عليه
اكرم....ايواا
عادل....وبعدين معاك انتا شن تحساب روحك شن الجو يلي مدايره هذا
اكرم...ههههه اي جو ي عادل خيرك تدوي هك فهمني ع الاقل بيش نعرف ع شنوو تحكي انتا
عادل....شن جو الخطوبه يلي طلعت بيها توا وبعدين من قالك ف حد يبيك من العيله بكل غير بوي راهو مايعرفكش ع حقيقتك بس
اكرم.... ايييييياح توا معقوله خلود ماتبينيش من قالك انتااا
عادل...احترم نفسك وادوي زين ي اكرم ماتخلنيش ندير شي تندم عليه راهووو وانتااا تعرفني كويس لما ندوي🙂
اكرم...ماقولت شي ني مهم غضواا راك تنسي بياني نبيك تكون قاعد وحاضر باهي وفي عرسي نبيك اول واحد تكون قاعد وبيني وبينك نا مستعجل ولو نلقي من غضوا تكون خلود عندي 🤤
عادل....خليها في بالك بس ي اكرم انك تاخد خلود بالساهل هاذي مستحيل حتي لو يصير فيها دم بينانتا ونصيحيتي ليك فوتها يكون خير ليك
هيااا سلام وسكر الخط في وجه اكرم
قعد عادل يفكر في طريقه كيف يخلي اكرم يسيب اخته وخطرت ف باله فكره قويه بس كان متررد 🔥
عادل...قعد يفكر انا يخطب بنت عمه صلاح ريماس ويدير ف اكرم زي تواا بس من داخله يحب ريان ومايقدرش يتزوج عليها وحده تانيه....قعد عادل يحاول يهدي روحه ويدور ع طريقه احسن من هادي...لانا عارف روحه لو بيدير هكي رح يخسر ريان وتطلق الطلاق ومستحيل ترجعهله بكل🔥
اكرم....سكر الخط من عادل وقعد يضحك لانا عادل معصب هلبااا نزل من سيارته وخش للحوش ورجع قعمز ع الصالون وقعد يتفرج ع الشاشه ويفكر في يوم غضواا كيف رح يمشي ...🤤🔥

تاني يوم الصبح في حوش علي ❤️

علي....انيسه انيسه وينك انتي
انيسه.....نعم ي علي شن في قولي خيرك
علي.....اسمعي اليوم راهووو بيجو عيله خوي صلاح عشان كلموني امس وقالو نبوو نديرو بيان ع اليوم وقوتلا عادي مافيش مشكله اليوم بيجو ف اليل ونبيك تقولي اي شي ناقص عشان توا نطلع ونجيبه ليك مانبيش شي ينقص بعدين
انيسه...بس البنت مادارت شي لروحه ع الاقل مفروض قالولناا قبل بيومين حتي البنت ماعندهاش شي تلبسه مش هك طول ع فجاه😐
علي....بعصبيه وشن هما غريبيين عليااا ماهم حوش خوي عادي تلبس اي شي خلينااا نكملو الموضوع هذا ونرتاح منها تبي الحق نا ماعنديش خلوق نفكر ف اي حد وتعرفي نفكر لما نكلم موضوع خلود نزوج محمد ونرتاح تعبت منهم ومن المشاكل اني
انيسه....باهي حاضر ماقولت شي ني غير قوتلك مفروض قالولنا قبل بوقت بس ع الاقل واحد جهز روحه
علي....عادي ماصار شي قاعد النهار في اوله قوليلي شن تبي توا وتوا نطلع ناخده وعندك محمد لو خلود تبي شي تكلمه يمشي يجيبلها❤️
انيسه.... باهي دقيقه نكتبتلك شن ناقصنااا بس تمام
علي...بسرعه بس تاخرت هيا ماطوليش
انيسه....يالا وكتبت لرجلها كل الحاجات يلي تبيهم ع خاطر بيان خلود اليوم عطاته الورقه طلع علي وركب في سيارته ومشي وانيسه قعدت تجهز وتربت ف الحوش لعند ماناضت ريان وخلود طلعوو غسلوو ومشوو عشان يديرو قهوه ف المبطخ ❤️
انيسه...مشت للمطبخ ولقت فيه ريان وخلود مقعمزات ويشربو ف القهوه
انيسه....خلود بنتي
انا..... باستغراب نعم ي ماما شن في
انيسه....بنقولك ع شي بس مانبيش عياط وجو زايد فاهمه
انا.....خفت بجد من كلام ماما وفي داخلي شن تقصد زعما هياااا قوتلها قولي
انيسه....اليوم بتجي مرت عمك سعاد وبيجو معاها شوي من العيله عشان يلبسوك الدبله لانا اكرم امس كلمك بوك وقاله نبي ندير بيان اليوم وبوك وافق
انا....نزلت دمعتي لاارادي 🥺ماعرفتش شن نقول لماما حسيت خلاص معاش فيه فايده ولاامل اني نهرب منه الحيوان هذا
انيسه....جهزي روحك انتي وريان باهي ف اليل هما بيجو وطلعت انيسه من جنب البنات وبتش تقعد عشان ماتبيش تسمع كلمه لا من بنتها خلود او شي بكل
انا.... قعدت مصدومه ف مكاني ودموعي ينزلووو بس بدون مانحكي ولا كلمه معاش عرفت شن ندير بكل
ريان...خلود خلود تبكيش عاد ليش انتي تبكي😐 بالسرعه هاذي خيرك عاد هذا بيان راهو مش زواج ومزال ف هلبااا حاجات تقدري اديرهم لقدام وبعدين نبي نقولك ع شي
انا...كنت مصدومه من كلام ماما ونسمع ف كلام ريان ومش قادره ندير اي ردت فعل بكل
ريان....خلووووددددد وشدتني من راسي وقاتلي حطي وجهك في وجهي خيرك انتي ضغفتي لدرجه هاذي وخيره اكرم مرات يطلع من زي يلي ف بالك بكل مرات يطلع كويس راهوو الإنسان مرات تشوفي فيه مش كويس وبعدين يطلع مافيش احسن منه ومرات العكس 🙂🔥 زي خوك عادل كنت نحسابه كويس بس طلع العكس
انا....زعما كلام صح باهي شن ندير توا ني
ريان....ولا شي اليوم تطلعي احلي وحده في البيان وتاني شي اكيد اليوم اكرم هذا جااي ويبي ياخد رقمك ف البيان عطيها وخليه يكلمك وبعدين تتعرفي عليه اكثر وقبل العرس تكون واضح كل شي تمام ماتحكميش عليه توا
انا....بس ماعنديش شنوو نلبس ني كيف بنطلع احلي وحده ومانعرفش نحط مكياج 🙂😂
ريان....ونا شن ندير ساهله بكل هيااا نوضي معاي للدار
انا....شكرا بجد ريونه ع كل شي درتيه ليااا والله مش رح ننسي وفقتك معاي بكل ربي يخليك لياا إنشاء الله
ريان...تي نوضي ي حماره مانحبش الجو هذا ني بكل نوووضي😂🙂
انا....يالا هياا وخشينا للدار وطلعتي ريان فقطان من عندها ازرق ملكي حلووو للركبه هك وقاتلي خودي دوش وتعالي عشان نبدااا فيك بيش تطلعي حلوه اليوم
انا....حاضر ومشيت خشيت للحوش للحمام ولعت الميه وخشيت تحتها هك ونا ندوش خطرت علياا موقف لما اكرم لمنسي من الخلف رعشه ونا ف الدوش مش عارفه احساس جاني.....🔥