رغبات خاصه 🔥

الحلقه 19

رغبات خاصه 🔥

الحلقه (19)

بقلم مروان فرج
.
.
لايك وتعليق وصلوها 700لايك ونزلكم الحلقه 20
ع السريع🔥
.
.
انا....باستغراب من يلي جايناا ف الوقت هذاا يااكرم
اكرم....مش عارف والله خليني نشوف تراا وناض اكرم ومشي لعند الباب
واول مافتح اكرم الباب انصدم.... لقي عادل واقف قدامه😨🔥
انا...قعدت مصدومه ليش جاي عادل وشن يبي ف الوقت المتاخر هذا وتفكيري قعد ياخد ويجيب اكيد وراه قصه جيت عادل ف الوقت المتاخر هذا🔥
اكرم...قعد يشوف لعادل وكان ساكت ماتكلمش بكل استغرب ليش جاي عادل وخصوصا الساعه12 ف اليل
عادل...شني مافيش تفضل ي اكرم والل تبي تخليني ع الباب
اكرم....ههع بضحكه بارده تفضل يااعادل خش
عادل...خش داخل الحوش ولقاني مقعمزه هكي ومن منظري كان واضح علياا مستغربه فيه يعني مافهمتش ليش جاي وشن يبي ف اخر الليل😐
عادل....شن حالك ي خلود
انا...تمام الحمد لله بخير وقعدت ساكته ومن داخلي يدق قلبي حسيت بانا عادل جاي ع خاطر ف مشكله بينه وبين اكرم ماعرفتش ليش قلبي كان حاسسني هكي
اكرم...ديرينا قهوه ي خلود وخليك في المطبخ ❤️
انا... حاضر تمام ومشيت للمطبخ وحطيت البكرج ع النار وقعدت نسمع في كلام اكرم وعادل كانو بعاد شوي ومانمسعش فيهم كويس
اكرم....شن حالك ي عادل حقا سمعت انك طلقت مرتك إنشاء الله خير بس الموضوع
عادل ..اي تمام وكله خير  طلقها ع خاطر نتزوج تاني معاش عندي فيها نيه الحق
اكرم....بضحكه بارد باهي عندك انتا فلوس بيش تتزوج تاني كان ماعندكش قولي نعطيك راهو😉
عادل....هههه لالا عندي نا نبي نتزوج ريماس بس
اكرم....عصب هلبااا تكلم كويس انتا قاعد في حوشي راك تنسي بس مانبيش ندير معاك شي مش حلوو
عادل...شن قولت شي عيب اني طالب يد اختك بس بالحلال مش قصدي تاني زي ماانتا تزوجت اختي بنتزوج اختك 🔥😉
اكرم....بعصبيه قولي ليش جاي بس وشن تبي ماعنديش وقت نا للكلام الفاضي متاعك
انا...جهزت القهوه ومشيت لعند ماوصلت لي اكرم عطيته القهوه وطلعت من بحداهم ماقدرتش نقعد الحق ومشيت لخشيت لداري وسكرت ع روحي الباب وكان قلبي يدق من داخل🥲💔
عادل....خدي فنجان القهوه وقعد يشرب  ويشوف لاكرم وكان بارد بشكل غريب بكل كيمه البرود يلي كانت ف عادل مش طبيعيه
اكرم....شاف لعادل وحس من نظراته انا هوا يلي سرق الشركه وفي لحظه قاله ليش سرقت الشركه لو جيت وطلبت مني فلوس كنت عطيتك ليش جاي تخنب فيها مش حركه راجل هاذي😐
عادل....هههعع عرفت يعني انا جاي ع اساس بنقولك خديت منك حقي واقل من حقي يلي خديتهم مني ويلي وصلتني بيه لمرحله اني معاش عندي شي وطلقت مرتي ع خاطر افعالك والل نسيت شن درته فياا بعد ماخليتني ع الحديده واي حد نمشيله نقوله نبي فلوس يقولي ماعنديش نسيت شن درت ياااكرم
اكرم....عصب لدرجه بكل وناض وقاله لعادل اطلع من حوشي ومعاش نبي نشوقك تاني بكلللل يالا اطلع
عادل...طالع بس مزال ماريت شي يااكرم رح نخليك تعيش كل شي عشته اني وطلع عادل وكان مرتاح من داخله ليه فتره كان يبي يرتاح ويقول كل يلي ف خاطره وتوا جت الفرصه تتكلم وقال كل شي يبي يقوله لي اكرم....🔥
اكرم....كان معصب بكللل لدرجه مش متوقعه بكل وكان شاد فنجان القهوه في يديه كسره ومعاش قدر يتحكم في اعصابه
انا....لما سمعت فنجان القهوه تسكر نضت من مكاني مخلوعه ومشيت ع خاطر نعرف شن يلي قاعد يصير براا لقيت اكرم معصب بكل ووجهه مايتفسرش 🥲💔
انا...شن في يااكرم خيرك معصب شن قالك عادل
اكرم....ي كلبه مش قوتلك خوتك هما ياي سارقين فلوسي وربي انتي ماتتستاهلي ولا حاجه حلوه مني بكل تفوو عليك وشدني من شعري بقوه ورفعني لدار النوم لوحني ع السرير وقعد يضرب فياا بقوه
انا...اكرم ارجوك ارجوك ليش هكي ليش شن درت ني مالياش اي علاقه بكل شن دخلني انا
اكرم... معاش نبي نشوفك هنا ف حوشي يالا خودي دبشك توا خلينا نرفعك لحوش اهلك
انا.... باهي بس وسع شوي
اكرم....وهوا يضرب ف خلود وفي لحظه وقف وطلع برااا ونا قعدت ف مكاني ونبكي ومش عارفه ليش اكرم دار فياا هكي بس ماانا مالياش اي علاقه بالموضوع بس كلل السبب من خوتي....💔🥲
قعدت خايفه ومقعمزه في مكاني خفت يجي اكرم مره تانيه ويضربني لانا هوا قايلي من البدايه لو يطلع لخوتي يد ف الموضوع رح يوريني شي مش حلو بكل قعدت مقعمزه طول الوقت وخايفه واكرم طلع مش عارفه وين مشي...🔥ونا مجانيش النوم قعدت نستني ف اكرم يروح جت الساعه 1.30 في اليل وسمعت صوت الباب افتح نضت من علي السرير وطلعت لقيت اكرم خش للحوش ومشي طول للحمام وبعدها طلع ولقاني واقفه قدامه
اكرم....خشي داخل للدار وسكري ع روحك الباب مانبيش نشوفك توا بكل خير من نرتكب فيك جريمه ي حيوانه
انا...طلقني ي اكرم خلاص نا تعبت راهو🥲💔
اكرم....رح نطلقلك بس خلي بكره يجي ونعرفك لحوش اهلك وبعدين نشوف طريقه بيش نفضحك بيها انتي وخوتك يا عيله......🔥
انا....شفت لاكرم ودمعتي في عيني وسكرت الباب بكل  قوتي ف وجهه اكرم وكانت الدمعه في عيني كلا مشاكلي من خوي عادل....💔