نزوجوها ب فؤاد ناضت مرت عمي قاتلهم غير هدي الهجالة لي منديهاش لوليدي وانا مخلوعة فؤاد اكثر بناادم يكرهني ونكرهو منحملوش بعضنا من صغرناا هو ميحملش ريحتيي وين حتى نتزوجو قتلهاا لالا تعيشو لالا راكم تقتلو فيا قاتلهم جدااتي فؤاد الوحيد ليي رح يقتنع ويسمعلي هدرتي ولاد عمومها لخرين راضعة معاهم مكاش كيفاه نزوجوهم قبلو قع ومرت عمي تبكي وتقلهم مكاش كيفاه وليدي داير بزاف لبروجي في راسو متخسروهلموش بسباب خاامجة كيفها هي دارة الغلطة ووليدي يخلصها ولا واش فؤاد هو وليد عمي حمد وخو روفيدة ليي حكيتلكم عليها وهي اكثر بناادم يفهمني قبل منهدر المهم سكتو قع مصدومين وسقسو فيهاا اسك فؤاد حيقبل ولالا بيسك علبالهم قع بلي ميحملنيش في الدم ايي نطق عمي يوسف قالهم ايي خفو زربو في الحكاية قبل ميبداو يسمعو الغاشيي واناا واحد مسامع بيا نطقت روفيدة قاتلهم بصح علاه مسكينة راكم ديرولهاا هكاا اسمعولهاا بلاك لحكااية قع بالغلط فهمنهاا شافت فيهاا يمها شوفة تع بلعي فمك هبطت راسهاا عيطت مرت عمي وقاتلهاا اطلعي لشنبرتك من وقتااه تشركيي فمك على الخامجات ليي كيفهاا ايي سكتو قع صونا تلفون ربوندات جداتي قاتلو ياعمريي على وليدي ميردنيش قع صحاا وقتاه تهبط وكوبات قاتلهم فؤاد راهو هابط هو يخدم في فرنسا ايي عيط نصرو قالي اطلعي انا رحت حطيت راسي قاعدة نخمم في الباك تاعي والخدمة لي كنت نحوس عليهاا ولافونير تاعي ليي طارت في رمشة عين خبط الباب وجبدنيي من شعريي مع لي درت لقيتو محمد خويا قاليي بواش نقصنا معاك باه درتيلنا هكا علاه ضربني بكف حسيت السماء دارت بيا وقعد يضرب فيا مي هدي الخطرة مكاش لي سلكني طحت تغاشيت خرج ومشافش قع موراه وغلق الباب موراه مع لي فطنت لقيت روحي زرقة مالضرب لطراس تع الضرب حالتي حالة دخلت ماما ليا جايبتلي كاس قهوة وراقدة خبز وكاس ما بيسك كنت مكليتش عندي يومين هي مدتلي نشرب القهوة ودخل محمد قالهاا وش قتلكم ورفد الكاس تع القهوة ورمااه على كتفي كان سخون يشلفط تحرت من كتفي مي مشافش قع موراه قعدة نعييط برك وماما تبكي برك وتبوس فيا تقولي وش داك يابنتي وش داك وش تعبت وش ربيت في رمشة عين تقلب كلش كنتي تقوليلي متخافيش عليا ماما تعرفي وش ربيتي علاه يا سوسن علاه وقاعدت تبكي ومعنقتني دخلتني دوشت وبدلت حوايجي رحت صليت ودعيت ربي يفرجها عليا حتى جات روفيدة مع نصرو فتح الباب وقالها هبطيها هبطت لقيتهم مجمعين قابلني قبالة فؤاد شاف في حالتي كنت نخلع بالطراس تع الضرب قالي وشبيك وشنو هدي الحالة انا هنا فهمت بلي مزال مسمعش بالهدة لي رح يديروهاا ويخلعوه بيهاا
