حتى شوية ضاقت بيا النفس قعدة في لرض مش قادرة نتنفس راح يجري جابلي البومبا درتهاا وقاعد يقولي صاي اتنفسي صاي شدلي يدي كان خايف بزااف عليا جابلي كاشي تاعي تع رقااد شربتها قاعدة نقولو بصح علاه راك ديرلي هكا داتني عيني رقدة فطنت وهو يحط فيا في فراشي قتلو تعيش متضربنيش رقدة نضت صباح لقيتو جاا قالي اسمعي دوااك علاه مراكيش تشربيه قتلو رانيي ننسى ناض يعييط عليا وكيفاه دوا تنسايه وهدي صحتك ومناا قالي وجدي روحك رنا خارجين قتلو راني مريضة منقدرش نخرج (انا كنت خايف يجبدلي على حكاية لبارح ) قاليي منيشش نسقسي فيك وجدي روحك واهبطي نضت غسلت وجهي وحالتي تشفي هبطت لقيتهم مجمعين بوست ماما وقتلها راني رايحة نكمل جهازي دخل قالها راني مخرجها نبدلو شوية جوا مكان لاه تحشمي راني خاطبك وبقاو يماات على عرسناا مفيها والو ركبت معاه طريق كامل وحنا ساكتين قاعدة انا نجبد في الهدرة ميي كان باين مش حاب يحكييي هبطنا نفطرو قعدنا ساكتين قتلو علاه راك دير هكا حتى نشوف وحدة جاية مقابلتنا قالي وش تقول مديريش عليها جات قاتلو بدلتني بهدي شافت فيا قاتلي نتيا شايفتك قتلها راكي غالطة قاتلها شفتك مع خويا اياد قتلها لالا راكي غالطة قاتلي ياك وسمك سوسن قتلها ايه قاتلي مالا منيش غالطة قاتلي كنتي معهاا كان مصدعنا بيك شافت في فؤاد قاتلو راك مليح قالها ستفي روحك طفلة خاطيها روحي اهبطي لدار امبعد نعيطلك ونهدرو قاتلو علاه راك خايف عليهااا منيش حناكلها قالها متقعديش تكثري في الهدرة بيني وبينك مكان والو يليق تفهمي بلي صاي انا راني خاطب والغلاسيون ليي بيناتنا هدي شحال ملي خلاصت كن خممتي قبل متخليني ضحكت قاتلو مزالك راقد على وذنيك مراكش حتلقى كيفي شافت فيا قاتلي علاه راكي ساكتة قوليلو بلي لبارح هدرتي مع اياد
ايي تهلاو
