عشق: مش هتجوز... واللهي ما هتجوز.. قاعده في حجرك يا حااج.. نوووو جوااز يا حاج
عامر «والدها» وهو يتمالك نفسه من الضحك: يعني ايه يا قرده انتي انا عايزه افرح بيكي... وطي حسك الراجل برا
عشق: يااارب يسمع.. مش هتجوز يا اخ ياللي برااا.. خد بوكيه الورد وامشي
عامر: عشق بلاش هبل احترمي نفسك..
(ثم يكمل حديثه وهو ينظر ل حور «صديقه عشق») وانتي ياللي بتضحكي.. هديها لحد ما اشوف الراجل طفش ولا لسه
عشق: يااارب
و يخبط عامر كف ب كف ويخرج
حور وهيا تتمالك نفسها من الضحك: مش ناويه تتهدي بقى
عشق: مش هتجوز يا حور.. واللهي ما هتجوز
حور: يا بنتي كفايه حلفان هتصومي كده شهر كامل بكتر الحلفان ده
عشق: اصوم ولا اتجوز يا حور هاا..(وتجلس علي السرير).. واديني قعدت ابقوا قابلوني مين هيقومني
حور: استهدي بالله يا هبله.. وقومي متصغريش ابوكي.. انتي عارفه ده مين.. ده صاحب الشركه اللي شاغل فيها عمو
عشق بتفكير: اممم يبقا بابا مداين في لعب قمار ومش عايز يقولي والحيوان اللي برا ده قاله هاخد بنتك.. او بيهدده بيا...
حور بدهشه: الله يخربيت الروايات اللي لحست دماغك
عشق: انا هقوم البس وهفرجه مين عشق بنت عااامر
حور: استرها يااارب.. انا خارجه
وتخرج حور
عشق بتفكير: هوريك يا بن العز انت
خارج اوضه عشق
عامر: انا اسف يا بني على الهبل ده.. انا جميلك عمري ما هنساه ابدا
زين «البطل»: متقولش كده يا عم عامر حضرتك جمايلك كتيير وياما انقذت الشركه
لتخرج حور
عامر: ايه يا حور اقنعتيها
حور: دي هبله يا عمو... هبله اووي.. دي دخلت هندسه ازاي دي
زين بدهشه: هيا في هندسه
عامر: اه يا بني
حور باحراج: ازي حضرتك يا استاذ زين معلش مسلمتش البنت الهبله دي كلت دماغي
زين بابتسامه: لا ولا يهمك.. انتي اختها
عامر: لا يا زين يا بني..(عامر بيقول ل زين يا بني لانه يعتبر اللي مربيه وزين بيحبه جدا).. دي حور صاحبه الهبله اللي جوا
ويقطع الحديث خروج عشق بفستان اسود وطرحه سودا
حور بصدمه: الله يخرب بيتك.. اسود يا سوسن اسووود.. اااه يمااااا
عامر في سره : الله يخرب بيتك.. الواد هيطفش
وليقطع هذة الدهشه صوت زين وهو يمد يده ليصافح عشق ويقول: اهلا بيكي
لتجلس عشق بجانب حور بدون ان تسلم: معلش ما بسلمش
زين بعند فهو يفهم هذه دماغ جيدا: زين ما ربيت يا حاج.. وده اللي انا عايزه
عشق بخفوت: لازقه
حور وهيا تضرب بكوعها: انتي نخرسي خااالص.. اسوود ومبسلمش.. ده انتي اللي رايح واللي جاي سلاامات يا بت.. وفين انا عمري ما البس اسود فيين
عشق بتمثيل: انا.. اخص اخص عليك يا محاميحو
حور بخفوت: محاميحو يلاااهوي
عامر: ايه رايك يا حور نقوم نسيب العرسان لوحدهم
حور: صح صح يا عمي.. يلا( وتنظر ل زين) .. ربنا يعينك
عشق: مش هرد... هاا بس مسيرو يمشي وهوريكي الاعانه اللي بجد
وبقا زين وعشق لوحدهم.. ولكن فجأة...
الي هنا انتهى البارت
اتمنى يعجبكم..دي مش روايه...دي ممكن تكون قصه مش هتتعدى الخمس فصول.. لانها قصيره ومش عايزه امط فيها عايزها تحتفظ بضحكها ونقلل النكد.. بس هتكون كوميدي ورومانسي واقدر اقول انها ان شاء الله هنفصل بيها من مشاغل الدنيا...هنزل تعريف الابطال.. ممكن نعتبر القصه دي بدايه تعارف بيني وبينكم........ بحبكم ♥✨
#خيرٌ وبعدها الفِ خيراً
#بقلم /الكاتبة الصغيرة
