زين: بصراحه اه بس ممكن احتفظ بيه لنفسي
حنان بحب: ماشي يا حبيبي انا بس من واجبي اني انصحك بنت عامر دي ادب واحترام ابوك كان يحب ابوها جدا ويحترمه وانا كنت بحب امها زي امك كده لانهم طيبين والبنت دي زي امها جرحها بموته زي الحصان جرحه بيعكزه ويموته من القهره.. دي بنت ناس مش زي الناس التانيه بتاعت مصلحتها يعني لو هتحب تحب بجد ويناارك من كرهها حافظ عليها ومتجرحهاش لان لو حصل انا اللي هقف لك
زين: متخافيش يا تيته.. ده انا تربيتك حتى
لتقوم حنان: طالما كده انا هنام لان بكره حفيدي وابني وحبيبي هيخطب
ليدخل زين اوضته
وياخذ شاور ولكن كان عقله مشغول بصاحبه العيون البنيه
في اوضه عشق
عشق وهيا رايحه جايه في الاوضه: انا اتجوزه اناااا يلااهوي هو انا لبست فيه لااء كده كتير بجد والنعمه ليطفش والله هطفشه.. يا انا ياا انت يا بن العز
لتدخل عشق تاخد شاور وهيا تحاول ان ترفض بان تتذكره وتتذكر ملامحه
وتتوضأ وتصلي
وتجلس على السرير وتمسك هاتفها وتقرأ روايه وفجأه تلفونها يرن
عشق: اوووف كل شويه رن رن مين بيرن الساعه 12 ده
لترد عشق
عشق: الو
زين: الو ازيك يا عشق
عشق: وانت تعرف اسمي منين يا جدع... انت شكلك بتخف دمك وهيا مش ناقصه
زين: استني يا طفله
عشق: طفله.. لاء اكيد مش انت
زين: ايوه انا العريس يا طفله
عشق: وانت جبت رقم منين ولا عرفت اسمي ازاي
زين: عيب عليكي ده انا زين مفيش حاجه توقفني
عشق: نينيني.. خف غرور يا عم هتفرقع
زين ببرود: تؤتؤ متخافيش..
عشق: واخاف عليك باماره ايه يا اخ انت
زين باستفزاز: عشان هبقى جوزك وبعدين ايه اخ دي قولي قرة عيني
عشق بردح: نعم يا عنيا.. قرة ايه يا اخويا
زين باستفزاز: قرة عيني
عشق: ده عندها.. سلااام
زين: استني بس
عشق: امم.. اتفضل يا مصبر الوحش على الجحش
زين باستفزاز: فعلا يا جحوشتي... بقولك بتصلي
عشق بدهشه: جحوشتك.. ااااه يامااا وبعدين انت مالك.. هتتحاسب مكاني
زين: يبقى مش بتصلى انتي لازم تصلي يا بطوطتي عشان الصلاه مهم وبعدين انا هبقى جوزك فهتحاسب عليكي
عشق: بطوطتك... ايه الراجل ده.. انتي ايه
زين باستفزاز: جوزك
عشق: اااااه بطل جوزك دي.. وبعدين انا بصلي... نفسي اعرف ثقتك دي جايبه منين انك هتتجوزني
زين ببرود: مش هقلك عشان متجبيش زيها.... وبالنسبه للصلاه ابقي صلي استخاره.. اصل بصراحه انا كمان هصلي استخاره فقلت يبقى انا وانتي في نفس الوقت كده
عشق: يا محنوووو.... ماشي يا اخويا انا من اساسه كنت هعمل كده مع اني عارفه القرار واحد هو لااااء
زين: يلا بقا قومي صلي يا مرات المحنوو
عشق: اااه اقفل ياااض اقفل
وتقفل عشق وتقول: بطوطتي وجحوشتي ومرات المحنووو... ايه البرود مهما استفزه باارد اووي... انا هقوم اصلي استخاره
عند زين في اوضته: بقا انا محنو وتقفل في وشي السكه اه يا بنت عامر هيا دي اللي طيبه وبلسم بس جاامده
(وتدور محادثه بين قليه وعقله...... عقله: اتعدل يا زين ايه الكلام ده
قلبه: يعم البت عليها عيون ولا عيون ليلي
عقله: وانت مجنون ليلي بقاا
قلبه: وفيها ايه
عقله: متنساش الماضي
قلبه: صوابعك مش زي بعض
عقله: بس الكف واحد.. وهينزل على وشك لو متلمتش
قلبه: عنيف اووي انت
عقله: ده المنطق ياااا محنووو
زين: بسسس انتو ال اتنين انا هخش اصلي ده ايه ده)
وليصلوا الاثنين
عند زين
بعد مخلص صلاه.. التليفون بيرن يفتح زين
.......: كده يا واطي بكره خطوبتك واللي بنا
»»»»»»»»»»» ♡ »»»»»»»»»»»
الي هنا انتهى البارت.... اتمنى يعجبكم عايزينوا يبقى اطول ولا كده حلو... اتمنى يعجبكم....
بحبكم ❤
#خيرٌ وبعدها الفِ خيراً
#بقلم: الكاتبة الصغيرة
❤✨
