إختطفني وأنا صغيرة(مكتملة)

مشهد توقعي لو ليلى ماتت

إيه توقعكوا لو ليلى شربت السم وماتت 😮
المشهد هيكون إزاي 🤔

طب ما نيجي نشوف 🫣
حازم بصريخ :"ليلى.... "

جري عليها وهي ابتدت تدوخ مسكها وأخدها في حضنه وهو بيفوقها ودموعه ابتدت تنزل :"لا لا لا... ليلى قومي... قومي يا عمري.... قومي أنا آسف... سامحيني يا ليلى."

سعيد بخضة:"هي مالها؟؟"

حازم بزعيق:"كله بسببك..... ليلى.... ليلى حبيبتي قومي."

ليلى بدأت ضربات قلبها تقل ونفسها بدأ يختفي ورغاوي بتخرج من بوقها

حازم بعياط:"لاااا ليلى.... قومييي.... ليلى.... آآآآآه.... يا الله لا... لا يارب متعملش فيا كده."

سعيد بخضة:"هي جرالها إيه ؟؟ما كانت بتشرب العصير وكويسة من شوية !"

حازم :"أنت السبب.... كنت عايز أموتك أنت.... أنت السبب.... أنت اللي كان المفروض تموت مش هي..... ليلى.... فوقي يا ليلى عشان خاطري.. فوقي يا ليلى أنا بموت منغيرك.... ليلى.... ليلى."

بقى بيصرخ وواخدها في حضنه وليلى استسلمت ونفسها قطع خالص وضربات قلبها بدأت تهدى لحد ما وقفت
وفجأة باب الأوضة اتفتح ويوسف دخل وماسك مسدس وأمه وراه :"وريتك الفديو اللي كان بيحط فيه السم بإيده.... هو اللي قتل سع..... "

بصت ولقت سعيد اللي عايش وليلى نايمة في حضن حازم اللي بيعيط وبيبصلهم بخوف
يوسف اتصدم وقال بصريخ:"ليلى !"

رفع المسدس على حازم وزعق بوجع :"موتها يا كلب.... أنا مش هرحمك أبدا.... موتها ليييه؟؟؟؟"

حازم أخد ليلى في حضنه أكتر وبيشاور براسه لا:"مموتهاش... هي كويسة... هتقوم دلوقتي... ليلى قومي يا عمري عرفيهم إنك كويسة... قومي يا ليلى."

يوسف قلبه اترعش وهو شايف ليلى ميتة قدام عينيه وكان بيتقطع من جوا والغل تملكه واتكلم بغضب:"مش هرحمك."

حازم بعياط :"أنا مكنتش قاصدها هي... والله ما كنت.... (بص لسعيد وزعق)أنت السبب... أنت اللي كان لازم يموت مش هي."

ساب ليلى وبقى بيقرب على سعيد وهو مش شايف قدامه... خلاص هو مبقاش خسران حاجة.... ولا باقي على الدنيا يمكن كان مكمل في حياته دي عشان ليلى إنما دلوقتي الحاجة اللي كان عايش عشانها خلاص راحت.

قرب منه ومسكه من رقبته يخنقه:"كان لازم تموت من بدري... كان لازم تموت."

نعمة بقت بتبتسم بخبث وبتقول في سرها:"ياه لو يموت سعيد وأبقى خلصت منهم هما التلاتة دفعه واحدة."

ويوسف رفع عليها المسدس وبقى بيقرب منه ورجالة شرطة دخلوا وقربوا منه:"سيبوا يا حازم... سيبوا بقولك.... وإلا..."

حازم مكانش سامعهم وبيتّك بإيده جامد على رقبت سعيد وسعيد كان بيختنق ومش قادر يتنفس
يوسف شغل الزناد ومرة واحدة ضرب رصا صة متوجهة على ضهر حازم حازم اتنفض من مكانه وساب رقبت سعيد واترمي علسرير جمب حبيبته وضهره بينز ف وابتدت عينيه تقفل بشويش لحد ما غمض عينيه و مات جمبها.

فهمس الموت بينهما وهو يبتسم:"نهاية حبكما هو بداية قصتي."

وكاااات
إيه رأيكم 😂😂
دي مش التكملة متخافوش بس مجرد مشهد جيه في دماغي في توقعاتي ان لو فعلا ليلى اتسممت إيه اللي هيحصل... واديني جاوبت عليكو بمشهد
نداء تاني... ده مجرد مشهد توقعي.... مش تكملة لحاجة عشان مش عايزة صياح في الكومنتات
استنوا بارت بكرة... دمااار🔥❤❤
سبحان الله وبحمده سبحان الله العظيم
#إختطفني_وأنا_صغيرة
#MariamElshahawy