Trigger Warning: Death
Anibersaryo
Naaalala mo pa ba yung unang ngiti
na nailapat mo sa'king labi nung sa aki'y magtapat ka?
Natatandaan mo pa ba ang panginginig ng tuhod mo
nung unang beses sa mga magulang ko ika'y nagpakilala?
Sumagi pa kaya sa iyong isip
ang unang punas ng luha, dahil sa ilang buwan ng panliligaw mo,
ako ay sa'yo at ika'y akin na?
Magunita mo pa kaya ang unang pamumuo ng pawis
dahil akala mo sa kasal natin ay hindi ako magpapakita?
Marahil ay hindi na
Siguradong sa'yong memorya iyon ay burado na
Ngunit wag kang mangamba
Hindi ako magtatanim ng kung anumang himutok o poot, sinta.
Sapagkat alam 'kong kung nasaan ka man ngayon
ika'y lubha ng masaya
Dahil mag iisang taon na
Kinakausap ko pa rin ang iyong lapida
Mahal, maligayang anibersaryo na sana.
---
Featured Song: Kung wala ka by Hale
