بعد اسبوع أتى يوم جديد على ابطالنا ملئ بالأحداث فى المستشفى كان محمد وميس يساعدون لليان للخروج من المستشفى فقد تحسنت حالتها الصحيه ولاكن ماذا عن نفسيتها التى مازالت على حالها او للاسوء منذ ذلك اليوم الذى اتى فيه إلى المشفى وغادر لم ياتى مره أخرى ولاكن كانت تتابع أخباره دائما فكان دائم الظهور بجانب تلك الشيطانه
محمد : يلا يا لى لى جاهزه نطلع
لليان : ايوه بس ...
محمد وهو يضع يديه على كتفها : متقلقيش يا قلبى انا عارف انك مش عوزه ترجعى الفيلا عشان متشوفيهوش عشان كده خليت حد ينضفلنا الشقه القديمه ونروح نقعد هناك كام يوم كده يلا بينا بقى
( ليهبطو إلى اسفل ومحمد يضع الحقائب فى السياره وميس تقف بجانب لليان تتحدث معها لياتى صوت من خلفهم ليلتفت الجميع )
أكرم: ميس
ميس : انت اى إلى جابك هنا
لليان : اهدى بس يا ميس
ميس : اهدى اى اسكتى انتى اظن انا آخر مره قولتلك مش عوزه اشوف وشك تانى
محمد : اهدى يا ميس مهما كان دا خطيبك
ميس : كان خطيبى اظن مفيش حاجه تربطنا دلوقتى
أكرم: ممكن بس اتكلم معاكى دقيقه
ميس : قو....
لليان : بس يا ميس مينفعش الأسلوب دا هنستناكى فى العربيه اسمعيه وشوفى عاوز اى
( ليذهب الجميع وتبقى ميس التى تنظر له نظره لم يراها فى عيونها من قبل فكانت دائمآ نظراتها نظرت حب غيره شوق ولاكن يبدو هذه المره انها نظره كره ونفور ليقترب منها محاوله منه ليمسك يديها لتبعد يدها عنه وتضمها إلى صدرها )
ميس : اتفضل عاوز اى
أكرم: ممكن بس بلاش النظره دى انا مش حمل انك تكرهينى
ميس : وعاوز بعد دا كلو احبك يا بجاحتك
أكرم: وانا مالى هو انا الى سبتها يوم الفرح
ميس : انت مالك هسالك سوال يا أكرم وترد عليا انت كنت عارف انو هيعمل كده من الاول صح
أكرم: بس هو كان ...
ميس : صح ولا لا
أكرم: ايوه بس صدقينى انا...
ميس : اصدقك عشان فى يوم تعمل فيا نفس إلى هو عملو ما انتو صحاب اكيد شبه بعض
أكرم: ميس اسمعينى ارجوكى هو صاحب اخويا ويعتبر اخويا الكبير وكنت فاكرو بقى بيحبها
ميس : مبقتش بثق فيك ولاخر مره بقولك أبعد عنى ومش عاوزه اشوفك تانى نهائي
( لتذهب من أمامه بينما هو ظل واقفا مكانه يبدو أنها لم تسامحه حقا)
.....................................
على الجانب الآخر كان يقف ينظر من شرفة قصره للفيلا المقابلة لهو فهو اخذ مفاتيح بيتها وليس لها مكان غير بيت أخيها وقد علم انها سوف تعود اليوم من المستشفى فكان قلبه يتراقص انه اخيرا سوف يراها لتدخل عليه تلك الحمقاء فمنذ أول يوم وهو يتجنبها ويمنعها من التطاول معه حتى تأكدت انه مازال على حبه القديم مما زاد كرها
سالى : مش هتيجى
لينتبه هو الى صوتها : مين إلى قالك
لتقترب منه تلف ذراعيه على رقبته : عرفت انها مش هتيجى قولت اقولك عشان رجلك متوجعكش من الوقفه كده
اسر : اومال هتروح فين
لتبتعد لتجلس تضع قدم فوق الأخرى
سالى: شقتها القديمه
اسر : اممم
سالى : أصلها مش عوزه تشوفك تانى فا .....
اسر : خلاص يا سالى اطلعى بره
سالى : طيب براحتك
لتخرج ليدخل مصطفى خلفها إلى اسر
مصطفى : مفيش داعى لوقفتك مش ....
اسر : عرفت
مصطفى : هى لحقت قالتلك
اسر: أكرم عمل اى
مصطفى: مش راضيه تكلمو ورمت الدبله فى وشو
اسر : وهو مالو
مصطفى : يا جدع والنبى تسكت جرجرتنا كلنا للمشاكل
اسر : مكنش ينفع مخدش حقها يا مصطفى
ليضع يديه على كتف صديقه: خلاص يا صحبى بلاش تأذى نفسك اكتر من كده
لينظر اسر إلى شرفته لتهبط دمعه من عيونه متذكرا ما حدث فى الماضى وسبب انتقامه
Flash back
........
أنت تقرأ
كره بعد محبه
Romanceاحبته وعشقته منذ اول يوم عرفته فيه قد كان دنيتها وحياتها وتنتظر يوم عرسها منه على أحر من جمر ولاكن صدمتها أنه جعل من حياتها جحيم فى أكثر يوم كانت تتمناه فى حياتها ولاكن هل يدوم هذا الجحيم
