صراح الهوجس

Part1

#صراح_الهوجس

- سراب

......................

شايلته بحضني نايم امشي واتلفت جسمي كله يرجف المنطقه ماعرفها وصوت الهوى حيل عاالي لون السماء احمر تعلن عِن عاصفتها الترابيه القادمه ..

يمامه؛-وين جبتينه حسنه المكان خطر ليشوفنه لاكبر

حسنه:-وصلنه يمعوده لتخافين دكي هــذا الباب

نفتح الباب بقوه بوجهنه نزينه مرعوبات وصوت غريب يسمحلنا بلدخول
دخلنا وعيونه تمشي كدامنه سن يطق بسن من الخوف تلكانة الرجال بوجه الشاحب ولحيته البيضه الطويله وفص عينه لازرق محاوطه لون لاحمر المخُيف وجه منزوع منه الرحمه كاعد بلكاع وكدامه

شموع هـواي وغراض هـواية مُرعبه اشرلي اخلي الطفل بلارض باوعت لــ يمامه بتردد اشرت براسها اي لميت شفايفي داخل حلكي ونزلته للارض بصفه كعدت ويمامه بصفي لزمت ايدي وعصرتها حيل

-نزينه بضحكته الغريبه والقويه حجه وهوه يباوع لطفل

:-ولا وحده منجن امه

صفنه بوجه بعض والخوف تملكنا بلعت ريك يمامه وكالت بتلعثم والخوف واضح على صوتها

يمامه:-اا اني امه

عيونه صِارت تتنقل من يمامه لي طبك حواجبه واشر بيده نزينه من صوت الحيوان الغريب والعالي درت وجهي على الصوت كُلشِي ماكو الغرفه فارغه سحبت نفس وبلعت ريكي

:-حركتن كلب امه وهوه صغير يحرك كلبجن وهوه جبير

:-ح حجي احنه

ماخلاني اكمل كال وهوه يعيط

:-اذا جذبتي تطلعون منا محروكين !!

بلعت ريكي وهزيت راسي ساكته يباوعله وايده تتحرك على الجه الثانيه ويهز براسه بشكل مُخيف عيونه مُرعبه رجع حجه

:-يكبر ويصير رعبجن لاول ولاخير هــذا الولد

:-ليش شراح يسويلنا

:-يمشي والكاع تهتز خوف منه ومن شعوذته

شهكت يمامه اييدها على صدرها :-رآحَ يصير مشعوذ؟

:-يحفر كبوركم بيده ويسحركم سحر فرعون يطلع لوعة امه بيجن

كامت يمامه تفرك بيدها :-هــذا كلامك جذب

رفع عيونه لها وتغير صوته لصوت مُخييييف ومتغيررر عِن صوته :-كعدي بمكانج قبل لا يطلعلج!

رجعت كعدت وسحب الطفل صار كدامنه ورفع شعره عِن جبينه

:-يكبر ويصير شـي جبير يهزكم ويهز العائله ويكسر كُل القوانين الثعلب المكار يتعلم من مكره رآحَ يصير هوه اساس هــذا الدرب وهوه يعلم الناس