صراح الهوجس

Part 12

#صراح_الهوجس

- سراب .

...............

طفيت الضوه وتمددت تنهدت تنهيده طويله ماعرف الندم ماكل بيه ماعرف شبيه عضيت اصابعي اوووف شادن حته سواد نومج بي واقعج
غمضت عيـوني واخذني السواد
معبالي سواد نومي ارحم من سواد ايامي القادمه ..

- كعدت على صوت الكلاب للي  سطرت راسي تمغنطت بمكاني بملل وكمت صارت المرايه كدامي صفنت على وضعي  شعري مكفش ووجهي سمنان عن اخر مره شفته اخذت شفتي بين أسناني متأسفه على وضعي المزري .

كمت على حيلي فتحت الباب كعدت بصاله مرجعه راسي على القنفه مليت من هــذا الوضع فتحت التليفون ودكيت على نذير مجاوبني تأفأفت بضجر

- تردين اكل ؟

رفعت راسي اباوعلها رافعه راسها وتحجي

شادن:-شمسويه اكل؟

-مسويه غده اذا عجبج تاكلين كومي غسلي حته ناكل

شادن:-مممم هسه اجي

كمت غسلت ملابسي وصخه ضجت منها طلعت رحت للغرفه النمت بيها فتحت الكنتور مابي ولا لبسه

شادن:-يبنيه عندج ملابس على قياسي

صفنت بوجهي ساكته :-مو داحاجيج اريد سلابات البس

-ها اي اي عندي هسه انطيج

كامت طلعتلي تراك دخلت سبحت ولبسته طلعت مشطت شعري سويته كبايه   تغديت بسرعه ضليت بمكاني لازمه الخاشوكه اطكطك بيها بلماعون وهيه راحت لغرفتها وركعت الباب صحت بصوت عالي

شادن:-كسر كون

رفعت راسي على اثر صوت كعبها العالي مبدله ومتكشخه عقجت وجهي على منظرها

-راح اطلع ساعه وارجع تعرفين حمودي اجه على مودي وهيج

شادن:-اي واني شعليه طبج مرض أنتِ ويا

رفعت اصبعها السبابه وكالت بتهديد

-مطلعين ولا تفتحين الباب وديري بالج اطلعين بلباب ابد

ضربت الطاوله بيدي وكمت على حيلي بعدني ماوصله يمها وطلعت ركض ضحكت على منضرها انتظرت فتره  تمر باوعت لساعه بــ 5:33راح يصير مغرب

سحبت تليفوني وكمت امشي على اطراف اصابعي لبست نعالي وفتحت الباب على كيف مديت راسي باوعت يمنه ويسره ماكو احد الشارع فارغ طلعت ورديت الباب طكيتها بركضه اني ويا الصاحين متوالمت مو نوب المخابيل

وكفت فحطانه المنطقه جبيره ومحفره كلش كل جه بيها جبل مال زباله كملت مشي لحد ما ابتعدت عن المكان صار رجال كدامي ترددت اسئله لو لا ماعرف حته شنو احجي شجعت نفسي وكتله

شادن:-عمو بلازحمه هاي المنطقه شسمها

-احنه بمنطقه اسمها ....