صراح الهوجس

Part7

#صراح_الهوجس

- سراب

................

ضحكت بهستريا:-ايي انيي ضلو خاطفيني بشرفكم ضلو خاطفيني انييي اعرفك أنتَ بس ماذكر اسمك والله عرفتك أنتَ ويا لاكبر
هلهلت بصوت عالي فرحانه

هز ايده وطلعو ضليت وحدي لفتره طويله كاعده بغرفه بَيها شباك جبير اسود ومن جه ثانيه شباك صغير على شارع الباب حديد ومكسر الجام يكدرون يشوفوني من خلاله

صحت بصوت عالي :-جوعاااانه وينكممم يمعوديننن رآحَ اموت من الجوع والعطششش يَعني شلوننن اموت من الجوعع وينكك

دخل الولد تخوصر يباوع عليه:-ثبرتينه بصياحج كافييي نريد ننام

:-لك بابا جوعاننه انطيني سمم اتزقنب

:-ماكو اكل لحد ميجي سيدي سدي حلكج ونامي

:-شنو ماكو اكل داكلك جوعااانه جوعانه

طلع ورجع بيده كنيلكس تقرب يمي عكدت حواجبي وبعدت نفسي :-شدسوييي يمه وخررر

:-لج اريدج تسكتيننن وراي دوام خرب بيججج

:-لك شنو أنتَ متستحي ها متستحي بس اني وياكم هنا شنو ماعدكم غيره كاعدين بين بنيه ووحدنه

:-هسِه مالي خلك اردج بس باجر نحجي اسكتي خل انام

:-رآحَ اسكت والله بس جيبلي اكل جوعانه

:-نامي وباجر اجيبلج بس نامييي يَعني عافني يمججج شنو حماررر انيي

:-زيَن تعرف نفسك

خزرني وتقرب خنكني بـ الكنيلكس ثواني ومادريت بشي بعد
كعدت راسي يوجعني ودايخه غمضت ٵريد استجمع قوتي المتلاشيه

:-ام الهجع صحيتي

بقيت على وضيعتي اريد اميزصوته سامعته بَــس وين ايد تضرب خدي بخفه .. فتحت بثكل
كاعد على قنفه صغيره كدامي وايديه على رجله كفوف ايدية متغطايه بكفوف جلد اسود  ماسك سلاح يفر بيَّ

- راسي الصداع نهش جمجمتي

:-لا يَابـه حقِج حقِج تعلفين بلحبوب وترجعين ليورا مَـن وصلت يم مخدر المسكين نهش راسج الصداع

:-لضل تاكل تبن مـنِـو أنتَ

:-لسانج لج

:-نترت بعصبيه .. راسيييي راسييي شمنطيني رآحَ ينفجر ماحس غير مي بارد نزل عليه .. لك نذللللل أنتَ شبيككك

خله السلاح براسي وضغط عليَ قوي غمضت عيـوني أنيت متألمه من ضغطته القويه بلعت ريكي كوه وحجيت

:-مـنِـو أنتَ مَو مَـن جماعه خليل

:-لزمي لسانج لا تتيسرين لوادي السلام

هزيت راسي بخوف روحي رايحه ورجعت كتله:-أنتَ من جماعته مو

:-باوعي بهذا الوجه الحلو وتردين يشتغل ويا خليل افا ضرب ايده حيل .. انا كسار راس خليل