عُمر الملاك

البارت الاخير".!

البارت لل40.
الاخير!!.
ــــــــــــــــــــــــــــــــــــــــــــــــــــــــــــــــــــــــــــــــــ
تاني يوم الصبح
الماذون: ان ابغض الحلول عند الله هيا الطلاق.. متاكدين انكو عايزين كده!؟
الاتنين قاعدين قدام بعض باصين فعيون بعض
ملك وصوتها بيطلع بالعافيه: اه يا شيخنا.. متاكدين..
الماذون: علي بركه الله.. ارمي يمين الطلاق عليها
عمر مش قادر ينطق
الماذون: يا استاذ
عمر بانتباه: اه معاك.. كنت بتقول اي؟
الماذون: ارمي يمين الطلاق عليها
عمر بصلها: انتي طالق
الكلمه نزلت عليهم هما الاتنين كسرتهم
ملك مشيت برا و عمر لحقها
عمر: ملك استني
ملك وقفت بسرعه: نعم.
عمر: نصيبك من الورث
ملك: شكرا.
عمر بصلها كئنها الوداع الاخير
عمر: اشوفك علي خير.
ملك وهيا بتجاهد عشان ترسم الابتسامه: ان شاء الله..
ـــــــــــــــــــــــــــــــــــــــــــــــــــــــــــــــــــــــــــــــــــــــ
*شهرين*
شهرين عدو
حصل فيهم حاجات كتير
عمر سافر يكمل حياتو برا
ملك قاعده فبيتها مع ابوها مبقتش بتخرج ولا بتقابل حد
ـــــــــــــــــــــــــــــــــــــــــــــــــــــــــــــــــــــــــــــــــــــــــ
في اوضه ملك
محمد: يا حبيبتي انتي بقالك شهرين مش بتنزلي من البيت مش بتشوفي الشارع حته.
ملك: مبقتش احب اشوفو
محمد: يا حبيبتي هتفضلي كده لحد امتي بس.. كل حاجه هترجع احسن من الاول بس لازم من الحاله الي انتي فيها دي دا انا مش بشوفك بتاكلي غير كل فين وفين
ملك: بابا ارجوك سبني براحتي
محمد باس راسها: ربنا يديكي الي فيه الخير يا حبيبتي
ـــــــــــــــــــــــــــــــــــــــــــــــــــــــــــــــــــــــــــــــــــــــــ
تاني يوم بليل
محمد كان فالصاله وملك خرجت
ملك: بابا انا نازله شويه
محمد بفرحه: طيب يا حبيبتي اتبسطي
ملك وهيا بتسم بصعوبه: حاضر
ــــــــــــــــــــــــــــــــــــــــــــــــــــــــــــــــــــــــــــــــــــــــ
ملك نزلت ومكنتش عارفه تروح فين لقت رجلها بتوديها لبيتهم..
وصلت عند العماره و اتردتت تطلع ولا لا و فالاخر طلعت
طلعت نسخه المفاتيح اخر ذكري منو محتفظه بيه لحد دلوقتي..
فتحت الباب ودخلت.. وحشها اوي..
دخلت اوضتو و فتحت الدولاب و طلعت هدوم كان نسيها وفضلت تعيط
ملك: انت ليه سبتني كده.. انت متعرفش اني بحبك؟ متعرفش اني كان ممكن اسيب الدنيا واختارك.. انا بحبك ومازلت بحبك ولله مش هقدر اشوفك مع غيري افهم انا بحبك.. انا ليه عمرك ما حسيت بيا! انت مش بتحبني للدرجادي.. بس انا الي غلطانه انا الي قلبي الحقير عشقك و عشق كل حاجه فيك.. انا بحبك..
انهارت من العياط و فضلت بايته فالشقه
تاني يوم
ملك صحيت و روحت
محمد بزعيق: كنتي فين يملك.. تباتي برا البيت!! ومن غير ما تقوليلي كمان! كبيرك مات ولا اي
ملك: بابا ولله ما ناقصه.. كنت فين كنت فبيتي
محمد بعد ما هدي: ادخلي جوا
ملك دخلت ونامت وهيا مكسوره.. تايهه.. مجروحه.
ــــــــــــــــــــــــــــــــــــــــــــــــــــــــــــــــــــــــــــــــــــــ
بعد يومين
محمد دخل علي ملك
محمد: عامله اي يا حبيبتي
ملك: الحمدلله
محمد: عايزه فموضوع
ملك: خير
محمد: فيه عريس متقدملك
ملك: ما انت عارف اني مش بفكر فالموضوع ده يا بابا
محمد: يبنتي اسمعي مني ولله ده عريس لقطه صدقيني انا مستريحلو جدا و بعدين ابوه معرفه قديمه
ملك بقله حيله: ماشي يا بابا الي تشوفو
محمد باس راسها: صدقيني مش هتندمي
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم قرايه الفاتحه
ام العريس و. ابوه و اختو هما بس الي كانو موجودين
محمد: اهلا نورتو
ابو العريس: البيت منور بصحابو
ام العريس: فين عروستنا اومال
ملك طلعت كانت لابسه بنطلون اسود و بلوزه حمرا
ام العريس: ما شاء الله اي الجمال ده كلو
ملك:  شكرا
ملك اومال فيه العريس مجاش معاكو ليه
ام العريس برتباك: احم اصل العريس مشغول جدا فشغلو ربنا يعينو يارب بس هو واثق يعني فينا و شاف صوره ملك و انا حكتلو قد اي هيا بنت جميله و متربيه فا هو موافق بس ظروف شغلو بقا
ملك: يعني اي ميجيش قرايه فتحتو عشان شغل!!
محمد: معلش بقا يا ملك تتعوض
ابو العريس: علي بركه الله نقرا الفاتحه
كلهم قراوها و حددو الخطوبه هتبقا شهر و ملك كانت رافضه جدا عشان كانت شايفه ان المده قليله جدا و استغربت رد فعل ابوها لما وافق بس بعدها محمد اقنعها
ــــــــــــــــــــــــــــــــــــــــــــــــــــــــــــــــــــــــــــــــــــــ
ملك طول الشهر كانت بتجهز الحاجه لوحدها و من غير نفس مكنتش متخيله انها هتبقا لواحد تاني فالاخر غير  عمر و فكرت تتصل تعزمو علي الفرح كتير بس محمد قالها انو مش هيعرف يجي
طول الشهر العريس مكلمش ملك و لا تعرف اسمو ولا اي حاجه عنو و ام العريس نادرا لما تكلمها و دايما تتحجج ب ان العريس عندو شغل وده كان مقلق ملك اكتر و مخليها مش مرتاحه و مستغربه جدا رد فعل ابوها الهادي
ــــــــــــــــــــــــــــــــــــــــــــــــــــــــــــــــــــــــــــــــــــــــــ
يوم الفرح!!
ملك كانت عامله كل حاجه من غير نفس.. الفستان كان من اكبر ديزاين فمصر و كان تحفه بس هيا كانت مختراه من غير نفس.. بس ميمنعش انها كانت طالعه احلي من القمر
كانت ف الاوضه بتاعت الاوتيل الي هيعملو فيه الفرح بعد ما الميكب ارتست خلصت.. محمد دخل
محمد: جاهزه؟
ملك بتوهان: خايفه اوي.. مش عارفه من اي.. حسه ان فيه حاجه غلط
محمد: انا بعمل كل الي اقدر عليه عشان اسعدك
ملك: يا بابا انا مشوفتش العريس ولا مره ولا خته اعرف اسمو ولا شكلو!! ومده الخطوبه كانت قصيره جدا و الغريبه انك كنت موافق علي كل ده!
محمد: صدقيني مش هتندمي
محمد خدها و نزلو الفرح
مشي بيها و ملك اول ما شافت العريس كانت هتقع من طولها لولا محمد سندها
عمر!!!!!!
هو عمر بجد ولا هيا بتحلم!!
عمر هو العريس!!!!!!
محمد قربها لعمر
محمد: انا واثق انك هتخلي بالك منها
عمر: فعيني
عمر بصلها: شكلك زي القمر
ملك: هو انت بجد!!
عمر خدها وملك حرفيا طول الفرح كانت مصدومه
*طبعا جومانا و سما جم الفرح و كانو عارفين كل حاجه *
ملك: هو ده بجد!
جومانا؛ بجد
ملك: انا مش مصدقه.. خايفه اكون بحلم
سما: عمر عمل المستحيل عشانك يا ملك
الفرح خلص
ـــــــــــــــــــــــــــــــــــــــــــــــــــــــــــــــــــــــــــــــــــــــ
فجناح كان مخصص لعمر وملك
ملك: انت ممكن تفهمني اي الي بيحصل؟ وانت العريس ازاي وانت هنا ليه اصلا!؟ مش انت طلقتني عايز اي بقا
عمر: و الفرح الي كان شغال من شويه ده كان فرح امي
ملك: عمر متجننيش اي الي حصل
عمر: انا من اول ما سافرت وانا كنت عايز ارجعك وكنت بفكر هعمل اي روڤان و ياسين اقترحو عليا الفكره دي و عجبتني و اجرت اتنين بيمثلو عشان يعملو دور امي وابويا و اكيد محمد كان عارف..
اكتشفت ان انا كمان بحبك من وانتي صغيره.. حبيت كل حاجه فيكي.. انا كنت بحارب مشاعري كل يوم وانتي معايا.. انا كنت بحاول علي قد ما اقدر معترفش بحبي ليكي حته قدام نفسي بس معرفتش.. انا بحبك
ملك حضنتو اوي: وانا بعشقك
و اخيرا
خلصت حكايه ملك وعمر🌏"
ـــــــــــــــــــــــــــــــــــــــــــــــــــــــــــــــــــــــــــــــــــــــ
الروايه خلصت!.
بس الروايه الحقيقيه لسه مخلصتش فالحقيقه..
ساعات النهايات مش بتبقا واقعيه.. بس بنكون بنتمني انها تبقا واقعيه
*_اذا لم تكن لي فلماذا القدر جعل قلبي لا يريد سواك*_
كان بقلم: ملك رضا
تمت 🫶🏻❤
نتقابل في روايه جديده3>