عُمر الملاك

البارت التامن

البارت التامن
ــــــــــــــــــــــــــــــــــــــــــــــــــــــــــــــــــــــــــــــــــــ
في الصباح
تحديدا"الاهرامات"
ياسين: اتبسطتي؟
ندا بملل: هتبسط ب اي؟ كلها رمل و تراب و تماثيل بدل ما توديني شرم ولا الساحل؟ و ابقا كده زورت مصر؟
ياسين: انا بحاول اعمل كل الي اقدر عليه عشان ابسطك!
ندا: اسكت يا ياسين
التليفون: تن تن تن تن
ياسين: مممم عايز اي مش لطعتني اليوم كلو امبارح جي تفتكر ان ليك ابن خاله دلوقتي
عمر: بقولك اي انا مش ناقصك.. روح خد ملك من كليتها عشان مش فاضي هروح اشوف الشركه الي هنا اي الي حصل فيها
ياسين: طب وانا مال امي
عمر: يبني انت لسه مشوفتهاش ولا هيا ولا خالك!
ياسين: قلبك ابيض.. انا يحبيبي وقت ما كنت انت وملك فالملااهي هاهه كنت انا عند خالي بناكل محشي وملوخيه
عمر: طب معلش.. ربنا يكرمك.. وبالمرع تخلي ندا تتعرف ع ملك مع اني متوقعش انهم يخدو ع بعض بسهوله
ياسين: امري لله انا بقا
عمر: يلا سلام
ــــــــــــــــــــــــــــــــــــــــــــــــــــــــــــــــــــــــــــــــــــــ
عند ملك تحديدا كليه تجاره
سما: يعنني اي يعني بقا استناكو 5 ساعات يمفتريين و فالاخر كل واحده كانت مع المز بتاعها!
جومانا: احم لا مسمحلكيش علي فاكره شريف لسه احنا Just friends
سما: اه ماهو واضح.. انا عايزه شاورما غير الي انتو بوظتوها
ملك: هوففف يسماااا انا هقوم اجيب حاجه م السوبر ماركت هتنيل اجيبلك شاورما
جومانا: احم وانا عندي مكالمه تليفون نونو قد كده🤏🏻 هخلصها عقبال ما تجيبو الاكل.. ءء ملك قولي لعمو ميحطليش فالسندوتش خيار مخلل
سما: ههءء و بتقولك احنا جاست فريند
ملك: انا هقوم بدل ما اتشل
ــــــــــــــــــــــــــــــــــــــــــــــــــــــــــــــــــــــ
علي باب الكليه ياسين كان واقف و دخل الكليه بعد ما طبعا ندا فكستلو و راحت لصحابها الي فمصر
ياسين: ياربي القيها فين دي كمان.. دي هيا؟؟ ملكك
ملك: ايدااا ياسين و جريت علي.. الله وحشتني عامل اي
ياسين: بجد وانتي وحشتيني اوي
بص روح اقعد مع سما عقبال ما الاكل يخلص.. تاكل شاورما؟
ياسين اول ما سمع اسم سما قلبو دق جامد
ملك: ياسينن .. بكلمك.. تاكلل؟؟؟
ياسين: ءء ماشي ماشي و راح لسما
سما كانت بصه للتليفون مش بصالو
ياسين: ءءا احم سما..
سما قلبها دق و رفعت وشها
سما: ياسين!!
سما و ياسين فضلو متنحين فبعض
سما بصوت وصل لياسين بالعافيه: وحشتني
ياسين بنفس الصوت: وانتي كمان
جومانا: اي ده انتو متنحين لبعض كده ليه
هما الاتنين فاقو م الصدمه الي هما فيه و لعنو جومانا
جومانا: انت مين؟؟؟ لا ثواني كنت بشوفك مع عمر فالصور الي ع السوشيال.. انت ياسين؟
ياسين: اي ده انا طلعت مشهور ع كده
جومانا: طبعا يبني دا انت اشهر من مهاب شادي
سما بشئ من العصبيه و غيره: مش نسكت بقا
ملك جت: يلا اطفحو بالسم الهاري.. انت جي ليه يا ياسين
ياسين و هو بيفتح السندوتش: عمر كلمني قالي روح خد ملك من الكليه
ملك: اه يعني هنروح فين
ياسين: معرفش.. اسكتي بقا
سما: انت اتجوزت بجد يا ياسين؟
ياسين: مممم
سما: شوفت صور فراحكو.. بتحبها؟
ياسين حب يستفزها: جدا
سما مقدرتش تمسك دموعها: انا رايحه الحمام
ملك ضربت ياسين ع كتفو: مش تنقي كلامك
ياسين: طب متزوقييشش
التليفون: تن تن تن
ملك: اي يا عمر
عمر: عيون عمر
ملك بصدمه و صوت مهزوز: احمم.. عايز اي
عمر: ابوكي كلمنا و عايزنا نتجمع فبيت تيتا.. و المحامي جي
ملك: ايه! محامي اي و ليه؟
عمر: ولله يبنتي علمي علمك
ملك: خلاص اشطا..هنروح
عمر قفل مع ملك
ملك: يلا
ياسين: هنروح فين
ملك حكتلو
ياسين: طب يلا.. سلام يسما
سما بتبصلو من فوق لتحت: سلام
ــــــــــــــــــــــــــــــــــــــــــــــــــــــــــــــــــــــــــ
البارت التامن ضنن
تفتكرو محامي اي الي هيبقا موجود؟
تفتكرو اي رد فعل العيله لما يعرفو ان ياسين و عمر رجعو.. و مين الي هيبقا موجود من العيله اصلا؟
هندخل فالجد بعد كده😂