عُمر الملاك

البارت الرابع

البارت الرابع
ــــــــــــــــــــــــــــــــــــــــــــــــــــــــــــــــــــــــــــــــــــــــ
عمر: انا هسافر المانيا لمدت 5 سنين
طبعااا ملاك فاللحظه دي مقدرتش تمسك دموعها و فنفس الوقت مش عايزه تعيط قدامهم
ملاك بصوت مبحوح: لو سامحتو هروح الحمام دقيقه وجايه
عمر كان بيبصلها.. كان مستني رد فعلها هيا بالذات..
رضا: اي الي انت بتقولو ده يعمر! هتسافر ازاي وليه
عمر: واحد صحبي انا و هو هنفتح شركه هناك.. طبعا المانيا مش زي مصر و التصديرات و كل ده غير مصر.. هيبقا احسن بكتير.. هسافر انا وياسين و الشركه الي هنا بابا ماسكها.. و اظن يخال ان كفايه غربه عليك و تمسك الشركه مع بابا؟
ملاك كانت كل ده واقفه بعيد عنهم شويه و سامعه كل حاجه و دموعها بتنزل
ياسمين: يعني يعمر ازاي تتغرب انت وياسين خمس سنين بحالهم!
رضا: سبيه يا ياسمين.. انا واثق فيهم هما الاتنين هيبقو قد المسئوليه
ملاك خرجت و قعدت قدام عمر و بصالو.. ده كل الي كانت بتعملو
عمر راح بصلها بصه هو مش فاهم معناها لحد دلوقتي..هتوحشو؟؟ لا لا اكيد مش هتوحشو..
رضا: طبعا احنا كلنا هنبات هنا انهارده.. كل واحد يروح يشوفلو مكان بقا بس انا حجزت السرير خلاص
كلهم ضحكو و فعلا كلهم دخلو ينامو و عمر بس الي كان صاحي
ـــــــــــــــــــــــــــــــــــــــــــــــــــــــــــــــــــــــــــــــــــــــ
فالاوضه ملاك كانت عايزه تشرب مايه و مكنتش عارفه تنام وهيا بتعيط اصلا راحت المطبخ تشرب فجاه خبطت فحد..
عمر: ايي مش تفتحييي
ملاك: اسفينن يسطااا
انت بجد هتسافر يعمر؟
عمر: لا بهزار.. ما انا قولت قدامكو يهبله
ملاك: بس انت هتوحشني اوي..قصدي قصدي قصدي يعني هتوحشناااا كلنا يعني
عمر: متاكده؟ كلكو؟
ملاك: اوعا بس العيون الخضره والزرقه الي هناك تجيبك
عمر: انتييي تعرفي عني كده؟؟؟ دا انااا عمريي عمرييي ما عرفت بنت
ملاك: اه طبعاا عارفه
ملاك كانت هتمشي و هتقع عمر ساندها و كان اول مره يقرب منها بالطريقه دي و يتعمق فملامحها بالشكل ده و شاف قد اي ملامحها بريئه و هاديه هيا كانت شبه فحضنو
و ملاك راحت لعالم تاني تاهت فملامحو هيا فاللحظه دي مش عايزه اي حاجه من الدنيا.. هتعوز اي اكتر من انها فحضن حبيبها..
ياسين: انتو بتعملو اي؟؟؟
طبعا كل واحد اتفزع من صوت ياسين و الاتنين كانو بيشتموه فسرهم..
ملاك: انا هروح اكمل نوم
ــــــــــــــــــــــــــــــــــــــــــــــــــــــــــــــــــــــــــــــــــــ
الصبح
ملاك بتتصل بسما مش بترد
ملاك: متردي يلعن ابو شكلك هيا نقصاكي
سما: الووو
ملاك: اخيرا رديتي.. بتعملي اي
سما: ولله يبنتي الناس كلها بتفطر فول.. تعميه.. بتاتس محمره.. الا انا بفطر مكرونه بشاميل
ملاك: تعميه و بتاتس محمره! متتكلميش تاني ونبي يسما
ياسين: بت بتت ملاكك
ملاك: ايي
ياسين: هيا دي سما صحبتك.. متجيبي اكلمها... طب قوليلها ياسين مسافر مش هتيجي تسلمي عليه.. مش هتحضنيه؟؟ مش هتبوسيه؟؟ اي حاااجه
ملاك: الله يخربيتكك روح شوف بتنيلل اييي
ياسين: افتكريهااا يبنت رضاا
ملاك: سما.. سمماا.. الطفسه قفلت ما اكيد المكرونه بشاميل اهم مني
چاسمين: ملات.. ملات
ملاك: نعم يعيون ملات
ملاك شالتها و فضلت تلاعبها و جاسمين بتضحك
مروه: ملاك يلاا
ملاك: حاضرر جايينن
ــــــــــــــــــــــــــــــــــــــــــــــــــــــــــــــــــــــــــــــــــــ
فالمطار العيله كلها متجمعه كتير منهم الي بيعيط و طبيعي منهم ملاك
نوال: يعني خلاص.. ده اخر قرار عندكو؟؟
ياسين: كفايه يست الكل ده انا مش هنغيب 50 سنه يعني دول هما 5 سنين
مروه: اسكت يواد هتوحشونا برضو
كلهم سلمو علي عمر معادا ملاك و جه دور انهم يسلمو علي ياسين و ملاك انتهزت الفرصه انهم مشغولين وراحت لعمر
ملاك: عارف لو عينك راحت علي الاجانب هناك يعمر انا هقول لعمو باباك
عمر: يبنتي دا انا غلباان دا انا هروح هناك هقلبلهم شييخخ
ملاك: توصل بالسلامه.. متنساش تكلمني كل فتره يعني كده يعني
عمر: كل يوم كمان مش كل فتره
ملاك اتكسفت.. راحت جمب ودن عمر و قالت بصوت يوصل لعمر بالعافيه: هتوحشني
عمر: قولتي اي؟؟؟؟؟؟
ملاك: ءءءء انا هروح اسلم علي ياسين
كلهم ودعو ياسين وعمر و كل واحد روح بيتو...
ــــــــــــــــــــــــــــــــــــــــــــــــــــــــــــــــــــــــــــــــــــــــــ
البارت الرابع تم💗
عُمر الملاك✨.
تفتكرو ملاك هتفضل تحب عمر؟؟؟؟
عمر فعلا عينو هتروح علي الاجانب هناك؟؟؟؟؟؟
الخمس سنين دول هيعدو بسلام علي الكل؟؟؟؟؟