الدهاء "العقول المربكة"

Part 2

#الدهاء "العقول المُربكة"

بقلمـَي: ريتـَا

لا تختبر غضبي ، فتكون ضحيتي .

لتنسون التعليق بين الفقرات+ التصويت لُطفاً 💎.
<_________________>

-رحمـة: شگد ميستحون حواوين شتلونا هلشتلة احنة شكو بيها عليها

حچيتها بيني وبين نفسي بغضب عيوني احس نار تطلع منهن نظري علىٰ الباب متركز أنتظر أحد منهم يجي بقى بالي يم سـومر تعاركت ويه الشرطي بسبب الانتظار وفوگها خبثوا ويانه شتلونا وشمرونا كل وحدة بجهة الحقراء ..

رفعت أيدي خليتهه براسي احركها بين خصلات شعري دايخة وراسي مفتر اووف اووف ما انسىٰ شلون جروني جرة وهذاا الزمال موتني من يحط بالفيديو گدام الشرطة ويحدد علىٰ أشكالنا وتعابير وجهنا وأصبعي من أشرت أحس فرفحت ..

صفنت بالزوايا مستذكرة كلامها وياي قبل ساعات..

-سـومر: اسألج سؤال

عرفت سؤالها شنو من نظراتها وخزرتها عيونها حجت قبل شفتها اصلاً.

-تفضلي عزيزتي انتِ عيوني كبدي .

-سـومر: تگدرين تشرحيلي ليش مديتي هذا الأصبع الي عساه بالگطم ودوختينا هلدوخة محصورين هنا صارلنا فوگ الساعتين شكو وليش منعرف لا من احد اجة اخذ افادتنا ولا من طالعين ومفتكين .

-رحمـة: ردة فعل سهوًا طلعت مني .

-سـومر: جبتي عمرج شتسوين تصيحين سهوًا

-والرب سهوًا مادري شلون شمدريني بسبب حركة لا ارادية ننخبص

-سـومر: اي هنا بسبب حركة لا ارادية وبسبب زلة لسان تنخبصين اسمعيني رحمـة ولا حجاية زايدة تحچين يسألج سؤالة جوابة علىٰ گدة وبس اي حچاية زايدة يستخدمونها ضدنا .

-اعرف حافظتها هاي التعليمات .

-سـومر: صوتج راكز ثابت لا تتوترين خليج واثقة من كلامج وهو ياخذ افادتج حواوين هذول تعرفينهم .

-رحمـة: شنو يريدون يورطونا عود ؟ والرب العب فلك بيهم لو فكروا يحشرونا بالنص .

باوعت الي بعدم رضا وگالت..

-سـومر: يحشرونا شنو ترا مبين مالنا دخل بالحادثة بس ياخذون افادتنا اجراءات قانونية عرضنا الها اصبعج النذل وهذاك السافل فنهم يلوفونها علينا .